ວິທະຍຸກະຈາຍສຽງຫວຽດນາມລາຍງານ, ເມື່ອບໍ່ດົນມານີ້ ທີ່ຮ່າໂນ້ຍ, ທ່ານ ໂດ້ ຮຸ່ງ ຫວຽດ ຮອງລັດຖະມົນຕີກະຊວງການຕ່າງປະເທດ ຫວຽດນາມ ໄດ້ເປັນປະທານກອງປະຊຸມ ລະຫວ່າງຂະແໜງການເພື່ອສະຫຼຸບວຽກງານການຮ່ວມມືສະມາຄົມປະຊາຊາດແຫ່ງອາຊີຕາເວັນຕົກສຽງໃຕ້ (ອາຊຽນ), ການເຂົ້າຮ່ວມຂອງ ຫວຽດນາມ ໃນປີ 2023 ແລະ ທິດທາງ ປີ 2024. ທ່ານ ໂດ້ ຮຸ່ງ ຫວຽດ ໃຫ້ຮູ້ວ່າ: ຫວຽດນາມ ໄດ້ປະກອບສ່ວນຢ່າງແທດຈິງໃຫ້ແກ່ຜົນສຳເລັດຕ່າງໆຂອງອາຊຽນ. ບັນດາທັດສະນະ, ຂໍ້ສະເໜີ, ຂໍ້ລິເລີ່ມຂອງ ຫວຽດນາມ ຕອບສະໜອງໄດ້ຕໍ່ກັບບັນຫາທີ່ແຕ່ລະປະເທດມີຄວາມສົນໃຈ ແລະ ນຳມາຊຶ່ງຜົນປະໂຫຍດລວມໃຫ້ບັນດາປະເທດ ແລະ ພາກພື້ນ, ປະກອບສ່ວນປັບປຸງຄວາມສາມັກຄີ ແລະ ບົດບາດການເປັນໃຈກາງຂອງອາຊຽນ, ເພີ່ມທະວີການຮ່ວມມື ແລະ ຮ່ວມສຳພັນພາກພື້ນ, ຢືນຢັນພາບພົດຂອງ ຫວຽດນາມ ທີ່ມີຄວາມປອງດອງສະຫງົບສຸກ ແລະ ມິດຕະພາບ, ສ້າງສັນ ແລະ ມີຄວາມຮັບຜິດຊອບ, ຍາມໃດກໍພະຍາຍາມຈົນສຸດຄວາມສາມາດຂອງຕົນເພື່ອວຽກງານຂອງສ່ວນລວມ.
ໃນກອງປະຊຸມ, ບັນດາຜູ້ແທນໄດ້ຍົກບັນດາມາດຕະການແກ້ໄຂ, ການກຳນົດທິດທາງ, ບຸລິມະສິດ, ຈຸດສຸມ ຂອງຫວຽດນາມ ເຂົ້າຮ່ວມກັບສະມາຄົມອາຊຽນໃນປີຕໍ່ໜ້າ; ເຫັນດີເປັນເອກະພາບຈະສືບຕໍ່ເສີມຂະຫຍາຍຈິດໃຈຄວາມເປັນເຈົ້າການ, ຕັ້ງໜ້າ, ມີຄວາມຮັບຜິດຊອບ ໃນການຮ່ວມມືກັບອາຊຽນ, ປະສານສົມທົບ ແລະ ຊ່ວຍເຫຼືອ, ສະໜັບສະໜູນປະເທດລາວ ໃນການເປັນປະທານອາຊຽນ ໃນປີ 2024 ດ້ວຍຫົວຂໍ້ “ອາຊຽນ: ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”, ປະກອບສ່ວນສ້າງບັນດາຍຸດທະສາດຜັນຂະຫຍາຍວິໄສທັດຂອງປະຊາຄົມອາຊຽນເຖິງປີ 2045, ປະກອບສ່ວນປັບປຸງຄວາມສາມັກຄີ, ເປັນເອກະພາບ ແລະ ບົດບາດການເປັນໃຈກາງຂອງອາຊຽນ, ສືບຕໍ່ປະສານສົມທົບກັນ, ຊຸກຍູ້ບັນດາບັນຫາທີ່ ຫວຽດນາມ ໃຫ້ບຸລິມະສິດ ແລະ ຄວາມສົນໃຈ.
ໃນກອງປະຊຸມ, ບັນດາຜູ້ແທນໄດ້ຍົກບັນດາມາດຕະການແກ້ໄຂ, ການກຳນົດທິດທາງ, ບຸລິມະສິດ, ຈຸດສຸມ ຂອງຫວຽດນາມ ເຂົ້າຮ່ວມກັບສະມາຄົມອາຊຽນໃນປີຕໍ່ໜ້າ; ເຫັນດີເປັນເອກະພາບຈະສືບຕໍ່ເສີມຂະຫຍາຍຈິດໃຈຄວາມເປັນເຈົ້າການ, ຕັ້ງໜ້າ, ມີຄວາມຮັບຜິດຊອບ ໃນການຮ່ວມມືກັບອາຊຽນ, ປະສານສົມທົບ ແລະ ຊ່ວຍເຫຼືອ, ສະໜັບສະໜູນປະເທດລາວ ໃນການເປັນປະທານອາຊຽນ ໃນປີ 2024 ດ້ວຍຫົວຂໍ້ “ອາຊຽນ: ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”, ປະກອບສ່ວນສ້າງບັນດາຍຸດທະສາດຜັນຂະຫຍາຍວິໄສທັດຂອງປະຊາຄົມອາຊຽນເຖິງປີ 2045, ປະກອບສ່ວນປັບປຸງຄວາມສາມັກຄີ, ເປັນເອກະພາບ ແລະ ບົດບາດການເປັນໃຈກາງຂອງອາຊຽນ, ສືບຕໍ່ປະສານສົມທົບກັນ, ຊຸກຍູ້ບັນດາບັນຫາທີ່ ຫວຽດນາມ ໃຫ້ບຸລິມະສິດ ແລະ ຄວາມສົນໃຈ.
ຄໍາເຫັນ