ຂ່າວລະບຸວ່າ: ນີ້ແມ່ນຂໍ້ມູນທີ່ໄດ້ຍົກອອກໃນກອງປະຊຸມສຳມະນາ“ວັນສາກົນປ້ອງກັນຊັ້ນozone ປີ2024 - 30 ປີແຫ່ງວັນຫວຽດນາມເຂົ້າຮ່ວມສົນທິສັນຍາozone ແລະອະນຸສັນຍາMontreal”ທີ່ໄດ້ຈັດຂຶ້ນໃນວັນທີ16 ກັນຍາ ຜ່ານມາຢູ່ນະຄອນຫຼວງຮ່າໂນ້ຍ.
ໃນກອງປະຊຸມສຳມະນາ, ບົດປະກອບຄຳເຫັນຂອງນັກປາຖະກະຖາຫຼາຍທ່ານລ້ວນແຕ່ໃຫ້ຂໍ້ສັງເກດວ່າ:ພາຍຫຼັງ30 ປີເຂົ້າຮ່ວມສົນທິສັນຍາVienna ແລະອະນຸສັນຍາMontreal, ປະຊາຄົມສາກົນໄດ້ຕີລາຄາຫວຽດນາມແມ່ນສະມາຊິກທີ່ຕັ້ງໜ້າ,ມີຄວາມຮັບຜິດຊອບສູງ, ໄດ້ພະຍາຍາມປະຕິບັດຫຼາຍໜ້າທີ່, ມາດຕະການເພື່ອຄວບຄຸມ, ລຶບລ້າງທາດທຳລາຍຊັ້ນozone, ທາດກໍ່ຜົນກະທົບເຮືອນແກ້ວແລະບັນລຸໄດ້ໝາກຜົນສຳຄັນຫຼາຍຢ່າງ. ຕາມວິວັດທະນາການໂດຍລັດຖະບານຮັບຮອງເອົານັ້ນ, ຮອດປີ2045 ຫວຽດນາມຈະຫຼຸດການປ່ອຍທາດCO2 ລົງກວ່າ11 ລ້ານໂຕນ, ປະກອບສ່ວນປະຕິບັດເປົ້າໝາຍບັນລຸການປ່ອຍທາດພິດລົງລະດັບ0 ໃນປີ2050. ທ່ານເລກົງແທັງຮອງລັດຖະມົນຕີກະຊວງຊັບພະຍາກອນທຳມະຊາດແລະສິ່ງແວດລ້ອມ ໃຫ້ຮູ້ວ່າ: ເພື່ອປະຕິບັດສຳເລັດວິວັດທະນາການນັ້ນ, ຫວຽດນາມຈະສືບຕໍ່ຜັນຂະຫຍາຍຫຼາຍກິດຈະກຳຢ່າງຂ້ຽວຂາດກວ່າເກົ່າ.
ທ່ານຍັງໃຫ້ຮູ້ວ່າ:ຫວຽດນາມສືບຕໍ່ຊ່ວຍເຫຼືອ, ສົ່ງເສີມບັນດາການເຄື່ອນໄຫວຫັນປ່ຽນເຕັກໂນໂລຊີນຳໃຊ້ບັນດາທາດເປັນມິດກັບດິນຟ້າອາກາດ, ປັບປຸງສະມັດຖະພາບພະລັງງານຂອງວັດຖຸອຸປະກອນຫຼຸດອຸດຫະພູມລົງ; ຊຸກຍູ້ການເກັບກຳ, ຜະລິດຄືນໃໝ່, ໝູນໃຊ້ຄືນໃໝ່ແລະກຳຈັດທາດຕ່າງໆທີ່ໄດ້ຮັບການຄວບຄຸມຕາມອະນຸສັນຍາ Montreal, ຜັນຂະຫຍາຍຮູບແບບໝູນໃຊ້ເຕັກໂນໂລຊີຫຼຸດອຸນຫະພູມລົງແບບຍືນຍົງ.
ຄໍາເຫັນ