 |
ຂ່າວລະບຸວ່າ: ຈີນໄດ້ສົ່ງນັກກິລາທີມຊາດເຂົ້າຮ່ວມແຂ່ງຂັນ 321 ຄົນ ໂດຍຈະເຂົ້າຮ່ວມການແຂ່ງຂັນ 28 ລາຍການໃຫຍ່ລວມທັງໝົດ 152 ລາຍການຍ່ອຍ. ບໍ່ວ່າຈະເປັນຈຳນວນນັກກິລາ ຫຼື ຈຳນວນລາຍການແຂ່ງຂັນ, ຄະນະນັກກິລາທີມຊາດຈີນລ້ວນແຕ່ໄດ້ສ້າງສະຖິຕິສູງຄັ້ງໃໝ່ໃນປະຫວັດສາດການເຂົ້າຮ່ວມງານກິລາໂລກ.
ງານກິລາໂລກຄັ້ງທີ 12 ຈັດຂຶ້ນລະຫວ່າງວັນທີ 7-17 ສິງຫານີ້ ຢູ່ນະຄອນເສີງຕູ່ ແຂວງເສສວນ ໂດຍມີນັກກິລາ, ເຈົ້າໜ້າທີ່ຄະນະນຳ ແລະ ເຈົ້າໜ້າທີ່ເຕັກນິກວິຊາການຈາກ 112 ປະເທດ ແລະ ເຂດແຄວ້ນທົ່ວໂລກເຂົ້າຮ່ວມລວມທັງໝົດ 6,679 ຄົນ, ໃນນີ້, ມີນັກກິລາ 3,942 ຄົນ, ເປັນງານກິລາໂລກຄັ້ງໜຶ່ງທີ່ມີຂະໜາດໃຫຍ່ທີ່ສຸດ ແລະ ມີຈຳນວນຄົນເຂົ້າຮ່ວມຫຼາຍທີ່ສຸດໃນປະຫວັດສາດ.
ຄໍາເຫັນ