ທ່ານ ເອັດວິນ ນູກຣາຮາ ປູຕຣາ ຜູ້ອຳນວຍການບໍລິສັດ ດັ່ງກ່າວ ລະບຸວ່າ: ໂຮງໄຟຟ້າ ລາບູ ຮານ ອັນຈິນ ໄດ້ນຳທະນະບັດມາໃຊ້ເປັນສ່ວນປະສົມຂອງນໍ້າມັນເຊື້ອໄຟຊີວະມວນໃນຂະບວນການເຜົາ ໄໝ້, ໂດຍໃຊ້ເຊື້ອໄຟສອງຊະນິດຂຶ້ນໄປ (cofiring) ພ້ອມທັງຕິດຕັ້ງເຕັກໂນໂລຊີທີ່ເປັນມິດກັບສິ່ງແວດ ລ້ອມເຊັ່ນ: ເຄື່ອງດັກຝຸ່ນແບບໄຟຟ້າສະຖິດ ແລະ ລະບົບຕິດຕາມການປ່ອຍອາຍແກ໊ສຢ່າງຕໍ່ເນື່ອງ ຊຶ່ງຊ່ວຍຮັບປະກັນວ່າການປ່ອຍອາຍແກ໊ສຈະຍັງຄົງຢູ່ໃນເກນທີ່ກຳນົດໄວ້.
ທ່ານ ປູຕຣາ ກ່າວວ່າ: ການນຳໃຊ້ປະໂຫຍດຈາກທະນາບັດໃນຮູບແບບນີ້ຊ່ວຍສະໜັບສະໜູນຂໍ້ລິເລີ່ມການປ່ຽນຂີ້ເຫຍື້ອໃຫ້ເປັນພະລັງງານ ຊຶ່ງສອດຄ່ອງກັບເປົ້າໝາຍຂອງອິນໂດເນເຊຍໃນການປ່ອຍອາຍແກ໊ສເຮືອນແກ້ວສຸດທິເປັນສູນ ໃນປີ 2060.
ປັດຈຸບັນ, ອິນໂດເນເຊຍ ຊຶ່ງເປັນປະເທດທີ່ມີເສດຖະກິດໃຫຍ່ທີ່ສຸດໃນອາຊີຕາເວັນອອກສ່ຽງໃຕ້, ກຳລັງພະຍາຍາມຊອກຫາແຫຼ່ງພະລັງງານທາງເລືອກ ເພື່ອຫຼຸດຜ່ອນການເພິ່ງພາອາໄສເຊື້ອໄຟຟອສຊິວ.
ທ່ານ ປູຕຣາ ກ່າວວ່າ: ໂຄງການປ່ຽນຂີ້ເຫຍື້ອເປັນໄຟຟ້າແມ່ນສ່ວນໜຶ່ງຂອງຄໍາໝັ້ນສັນຍາຂອງບໍລິສັດໃນການສະເໜີວິທີແກ້ໄຂພະລັງງານທີ່ມີນະວັດກໍາ ແລະ ເປັນມິດກັບສິ່ງແວດລ້ອມ. ໂຄງການດັ່ງກ່າວຈະບໍ່ພຽງແຕ່ຫຼຸດຜ່ອນການໃຊ້ຖ່ານຫີນເທົ່ານັ້ນ, ຫາກຍັງຈະແກ້ໄຂບັນຫາການບໍລິຫານຄຸ້ມຄອງທະນະບັດທີ່ຖືກທຳລາຍ.
ທ່ານ ປູຕຣາ ກ່າວຕື່ມວ່າ: ນະວັດຕະກໍານີ້ສະທ້ອນໃຫ້ເຫັນເຖິງຄວາມມຸ່ງໝັ້ນຂອງບໍລິສັດ ໃນການສະໜັບສະໜູນການຫັນປ່ຽນດ້ານພະລັງງານ ແລະ ສົ່ງເສີມເສດຖະກິດໝູນວຽນ. ໂດຍການໃຊ້ປະໂຫຍດຈາກທະນະບັດ ບໍ່ພຽງແຕ່ຫຼຸດຜ່ອນການປ່ອຍອາຍແກ໊ສກາກບອນ, ແຕ່ຍັງເພີ່ມມູນຄ່າໃຫ້ກັບຂີ້ເຫຍື້ອທີ່ບໍ່ແມ່ນຂີ້ເຫຍື້ອທຳມະດາ.
ຄໍາເຫັນ