ກອງປະຊຸມໃຫຍ່ຄັ້ງທີ II ຂອງກໍາມະບານຮາກຖານ ບໍລິສັດໄປສະນີ-ໂທລະຄົມ (ປທຄ) ແຂວງເຊກອງໄດ້ຈັດຂຶ້ນ ໃນວັນທີ 16 ກໍລະກົດຜ່ານມານີ້ ທີ່ຫ້ອງປະຊຸມຫ້ອງການດັ່ງກ່າວ, ໂດຍການເປັນປະທານຂອງສະຫາຍ ສະຫງຽນ ຄຸນນະທິບ ຮອງປະທານສະຫະພັນກຳມະບານແຂວງຊກອງ, ມີ ສະຫາຍ ເພັດສະຫງ່າ ສຸດທິຈັກ ເລຂາໜ່ວຍພັກ, ຫົວໜ້າບໍລິສັດໄປສະນີ-ໂທລະຄົມ, ພ້ອມດ້ວຍຂະແໜງການກ່ຽວຂ້ອງເຂົ້າຮ່ວມ.
 |
ສະຫາຍ ສົມເພັດ ສົມເພັດ ທໍາມະວົງ ປະທານກຳມະບານຮາກຖານປທຄ ໄດ້ຜ່ານບົດສະຫຼຸບໂດຍໄດ້ຍົກໃຫ້ເຫັນເຖິງຜົນງານການຈັດຕັ້ງປະຕິບັດໜ້າທີ່ວຽກງານກໍາມະບານ ຕິດພັນກັບວຽກງານວິຊາສະເພາະ ແລະການເຄື່ອນໄຫວວຽກງານອື່ນໆຕະຫຼອດໄລຍະ 3 ປີ (2021-2023) ຜ່ານມາ ຊຶ່ງຍາມໃດຄະນະກຳມະບານຮາກຖານ ປທຄ ກໍໄດ້ເອົາໃຈໃສ່ສືກສາອົບຮົມການເມືອງແນວຄິດໃຫ້ສະມາຊິກກໍາມະບານພາຍໃນຮາກຖານຂອງຕົນຢ່າງເປັນປົກກະຕິ, ຕິດພັນກັບວຽກງານປັບປຸງ ແລະຂະຫຍາຍສະມາຊິກ ແລະເປັນເຈົ້າການປົກປ້ອງສິດຜົນປະໂຫຍດອັນຊອບທໍາຂອງພະນັກງານສະມາຊິກກຳມະບານ ແລະຜູ້ອອກແຮງງານຢ່າງເປັນທໍາ, ຊຶ່ງພາຍໃນຮາກຖານມີສະມາຊິກທັງໝົດ 53 ສະຫາຍ, ຍິງ 14 ສະຫາຍ, ຜ່ານການປະຕິບັດວຽກງານສາມາດຕີລາຄາຈັດປະເພດກົມກອງ, ສະມາຊິກຄື:ກົມກອງ ໄດ້ຮັບໃບຢ້ງຢືນກຳມະບານ 5 ເປັນເຈົ້າ 2 ໃບ. ຈາກນັ້ນ ໄດ້ມີການມອບໃບຢັ້ງຢືນກຳມະບານ 5 ເປັນເຈົ້າ ປະຈໍາປີ 2023 ໃຫ້ກຳມະບານຮາກຖານ ປທຄ ແລະຮັບຮອງທິດທາງແຜນການ ປີ 2024 ຕື່ມອີກ.
ກອງປະຊຸມຍັງໄດ້ປ່ອນບັດຄັດເລືອກເອົາຄະນະກຳມະບານຮາກຖານຊຸດໃໝ່, ຊຶ່ງມີຜູ້ລົງສະຫມັກເລືອກຕັ້ງ 5 ສະຫາຍ, ຍິງ 2 ສະຫາຍ, ເລືອກເອົາ 3 ສະຫາຍ, ໂດຍກອງປະຊຸມເຫັນດີເລືອກເອົາສະຫາຍ ສົມເພັດ ທໍາມະວົງ ເປັນປະທານກຳມະບານຮາກຖານ ປທຄ ອີກວາລະໜຶ່ງ, ສະຫາຍ ພູທອນ ແສງສາຍ ເປັນຮອງປະທານ, ສະຫາຍ ສົມສະໜິດ ສິດທິພອນ ເປັນປະທານກວດກາ ທັງເປັນຄະນະກໍາມະບານຮາກຖານ ປທຄ.
ຂ່າວ:ພຸດທະສອນ
ຄໍາເຫັນ