 |
ໂອກາດນີ້, ທ່ານ ນາງ ເສີຍ ວິໄລທອງ ກໍາມະການພັກເມືອງ, ປະທານສະຫະພັນກໍາມະບານເມືອງບໍ່ແຕນ ໄດ້ລາຍງານສະພາບການຈັດຕັ້ງປະຕິບັດວຽກງານກຳມະບານຮອບດ້ານໃນ 6 ເດືອນຕົ້ນປີ 2026 ໃຫ້ຮູ້ວ່າ: ທົ່ວເມືອງມີກຳມະບານຮາກຖານ 31 ຮາກຖານ (36 ໜ່ວຍຮ່ວມຊີວິດ) ແລະ ມີສະມາຊິກກຳມະບານທັງໝົດ 484 ສະຫາຍ ຍິງ 210 ສະຫາຍ. ເກັບເງິນບໍາລຸງປະຈຳເດືອນ 1-6 ໄດ້ 5,808,000 ກີບ. ໃນນັ້ນ, ໄດ້ມອບພັນທະໃຫ້ສະຫະພັນກໍາມະບານແຂວງ 2,167,680 ກີບ ສ່ວນທີ່ເຫຼືອແມ່ນໝູນໃຊ້ເຂົ້າໃນວຽກງານຂອງເມືອງຕາມລະບຽບການ, ໄດ້ຈັດຕັ້ງພິທີປາຖະກະຖາວັນສ້າງຕັ້ງສະຫະພັນກໍາມະບານລາວ ຄົບຮອບ 70 ປີ (ມີຜູ້ເຂົ້າຮ່ວມ 1,542 ສະຫາຍ ຍິງ 497 ສະຫຍ, ທົ່ວເມືອງມີສະມາຊິກກອງທຶນ 633 ສະຫາຍ ຍິງ 201 ສະຫາຍ. ຈາກນັ້ນ, ຄະນະຮັບຜິດຊອບຂັ້ນແຂວງ ໄດ້ເຜີຍແຜ່ຜົນສໍາເລັດກອງປະຊຸມໃຫຍ່ຄັ້ງທີ IX ຜູ້ແທນສະຫະພັນກຳມະບານລາວທົ່ວປະເທດ. ຊຶ່ງຜູ້ແທນກອງປະຊຸມໃຫຍ່ໄດ້ໃຊ້ສິດປະຊາທິປະໄຕຂອງຕົນປ່ອນບັດເລືອກເອົາຄະນະບໍລິຫານງານສູນກາງສະຫະພັນກຳມະບານລາວ ສະໄໝທີ IX ຈຳນວນ 61 ສະຫາຍ ຍິງ 20 ສະຫາຍ, ກອງປະຊຸມຄັ້ງປະ ຖົມມະລຶກໄດ້ເປັນເອກະສັນເລືອກເອົາສະຫາຍ ເລັດ ໄຊຍະພອນ ເປັນປະທານຄະນະບໍລິຫານງານສູນກາງສະຫະພັນກຳມະບານລາວ, ເລືອກເອົາສະຫາຍ ພອນສານ ວິໄລເມັ້ງ, ສະຫາຍ ວິໄລ ວົງຂະເສີມ ແລະ ສະຫາຍ ທອງຈັນ ພູມີພັນ ເປັນຮອງປະທານ ຄະນະບໍລິຫານງານສູນກາງສະຫະພັນກຳມະບານລາວ.
ຕອນທ້າຍ, ທ່ານ ຄຳພັນ ພັນທະວົງ ແລະ ທ່ານ ທອງດີ ບົວຜາ ໄດ້ໃຫ້ກຽດມີຄໍາເຫັນໂອ້ລົມ ໂດຍເນັ້ນໃຫ້ກໍາມະບານແຕ່ລະຂັ້ນຢູ່ພາຍໃນເມືອງ ສືບຕໍ່ເພີ່ມທະວີການສຶກສາອົບຮົມການເມືອງ-ແນວຄິດໃຫ້ສະມາຊິກ, ເອົາໃຈໃສ່ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ IX ຂອງຜູ້ແທນກຳມະບານທົ່ວປະເທດ ແລະ ມະຕິກອງປະຊຸມໃຫຍ່ ຄັ້ງທີ VIII ຂອງແຂວງ ເຂົ້າສູ່ການຈັດຕັ້ງປະຕິບັດຕົວຈິງ. ພ້ອມດຽວກັນນັ້ນ, ໃຫ້ປຸກລະດົມຂະບວນການຂໍ້ແຂ່ງຂັນ "5 ເປັນເຈົ້າ" ຂອງກໍາມະບານລາວ ຕິດພັນກັບຂໍ້ແຂ່ງຂັນ "ຮັກຊາດ ແລະ ພັດທະນາ", ວາງແຜນບໍາລຸງກໍ່ສ້າງພະນັກງານກໍາມະບານໃຫ້ເປັນລະບົບຄົບຊຸດ ແລະ ປະສານສົມທົບກັບຂະແໜງການທີ່ກ່ຽວຂ້ອງ ເພື່ອສ້າງເງື່ອນໄຂອໍານວຍຄວາມສະດວກໃຫ້ການເຄື່ອນໄຫວວຽກງານກໍາມະບານໃນທົ່ວເມືອງໃຫ້ມີຜົນສໍາເລັດໃໝ່ຂ່າວ-ພາບ: ສາຍຄຳ ບຸນຍາວົງ
ຄໍາເຫັນ