ທ່ານ ຮຸນມາເນດ ກ່າວຕື່ມວ່າ: ກຳປູເຈຍ ບໍ່ມີລາຍງານພົບຜູ້ເສຍຊີວິດຍ້ອນພະຍາດນີ້ນັບແຕ່ປີ 2018 ແລະ ບໍ່ມີການລາຍງານຜູ້ຕິດເຊື້ອມາເລເຣຍ Plasmodium falciparum ພາຍໃນທົ່ວປະເທດນັບແຕ່ປີ 2024, ເຮັດໃຫ້ກຳປູເຈຍໃກ້ບັນລຸເປົ້າໝາຍປອດພະຍາດໄຂ້ມາເລເຣຍໃນທ້າຍປີນີ້. ພ້ອມທັງຮຽກຮ້ອງໃຫ້ທຸກຂະແໜງການຮ່ວມມືສະໜັບສະໜູນກຳປູເຈຍໃຫ້ບັນລຸເປົ້າໝາຍດັ່ງກ່າວ.
ທ່ານ ຮຸຍ ເຣກໍ ຜູ້ອໍານວຍການສູນ Parasitology, Entomology ແລະ ການຄວບຄຸມພະຍາດໄຂ້ມາເລເຣຍແຫ່ງຊາດກໍາປູເຈຍເປີດເຜີຍໃນລະຫວ່າງການໃຫ້ສໍາພາດກັບອົງການຂ່າວຊິນຫົວຂອງຈີນວ່າ: ລະບົບການວິນິດໄສ ແລະ ການປິ່ນປົວພະຍາດໄຂ້ມາເລເຣຍ ຂອງກໍາປູເຈຍແມ່ນມີປະສິດທິພາບສູງ. ການປິ່ນປົວດ້ວຍ artesunate ແລະ mefoquine ແມ່ນປອດໄພ ແລະ ມີປະສິດທິພາບ 100% ຕໍ່ພະຍາດໄຂ້ມາເລເຣຍ ຊຶ່ງຄວາມຄືບໜ້ານີ້ເຮັດໃຫ້ກຳປູເຈຍກາຍເປັນໜຶ່ງໃນປະເທດທີ່ປະສົບຜົນສຳເລັດທີ່ສຸດໃນການກຳຈັດພະຍາດໄຂ້ມາເລເຣຍ.
ນອກຈາກນັ້ນ, ພະຍາດໄຂ້ມາເລເຣຍເປັນພະຍາດຕິດເຊື້ອຈາກຍຸງ. ມັກພົບເຫັນໃນເຂດປ່າດົງ ແລະ ແຂວງໃນເຂດພູດອຍ. ໂດຍສະເພາະໃນລະດູຝົນ.
ທ່ານ ເຣກໍ ຍັງແນະນຳໃຫ້ປະຊາຊົນທີ່ອາໄສຢູ່ໃນເຂດສ່ຽງນອນໃນມຸ້ງທີ່ຜ່ານການຍ້ອມສານເຄມີປ້ອງກັນຍຸງຕະຫຼອດເວລາ. ເພື່ອປ້ອງກັນການຖືກຍຸງທີ່ເປັນພາຫະກັດ.
ຄໍາເຫັນ