ການແຂ່ງຂັນສິລະປະນັກຮຽນທົ່ວເມືອງຫາດຊາຍຟອງ

ທ່ານ ສົມສີ ເທບພະວົງ ຫົວໜ້າຫ້ອງການສຶກສາທິການ ແລະ ກິລາເມືອງ ກ່າວວ່າ: ໂດຍປະຕິບັດຫຼັກສູດໂຄງການເຄື່ອນໄຫວກິດຈະກໍາຂອງນັກຮຽນສາມັນໃຫ້ຄົບຖ້ວນຕາມ 3 ລັກສະນະ 5 ຫຼັກມູນການສຶກສາ ແລະ ປະກອບເຂົ້າກັບວິຊາສິລະປະດົນຕີ ເພື່ອເຮັດໃຫ້ກິດຈະກໍາການຮຽນ-ການສອນໄດ້ຮັບຄວາມສົນໃຈຈາກນັກຮຽນ ແລະ ມວນຊົນຕ່າງໆ ໂດຍສະເພາະແມ່ນກິດຈະກໍາເຄື່ອນໄຫວຢູ່ນອກສະຖານທີ່ ເພື່ອສ້າງບັນຍາກາດຄວາມມ່ວນຊື່ນ ແລະ ແຮງຈູງໃຈຈາກມວນຊົນທີ່ໄດ້ຮັບຊົມການສະແດງສິລະປະທາງດ້ານດົນຕີ ສຽງເພງ-ຂັບລໍາ ແລະ ບົດຟ້ອນມ່ວນໆ ຈາກແຕ່ລະໂຮງຮຽນ ທີ່ນໍາມາສະແດງໃນເວທີຢ່າງຄຶກຄື້ນ ເພື່ອຊຸກຍູ້ສົ່ງເສີມພັດທະນາວຽກງານການສຶກສາ-ກິລາໃຫ້ບັນລຸຕາມເປົ້າໝາຍ ໄປພ້ອມກັບການອະນຸລັກຮັກສາທາງດ້ານມູນເຊື້ອ ແລະ ວັດທະນະທໍາອັນດີງາມຂອງຊາດ-ຂອງເຜົ່າໃຫ້ຍືນຍົງ ຕິດພັນກັບການຄັດເລືອກຕົວແທນສິລະປະ-ວັນນະຄະດີນັກຮຽນສາມັນ ຕາງໜ້າຂັ້ນເມືອງເພື່ອເຂົ້າຮ່ວມສະແດງຢູ່ຂັ້ນນວ.

ການແຂ່ງຂັນຄັ້ງນີ້ມີໂຮງຮຽນທີ່ເຂົ້າຮ່ວມ 89 ແຫ່ງ, ປະຖົມ 58 ແຫ່ງ, ມັດທະຍົມຕອນຕົ້ນ 17 ແຫ່ງ ແລະ ມັດທະຍົມຕອນປາຍ 14 ແຫ່ງ ຊຶ່ງປະກອບໃນ 3 ປະເພດລາຍການແຂ່ງຂັນຄື: ຮ້ອງເພງ, ຂັບລໍາ ແລະ ຟ້ອນລວມໝູ່. ຜົນການແຂ່ງຂັນ ຊັ້ນປະຖົມ ປ5 ປະເພດຮ້ອງເພງທີ 1 ໂຮງຮຽນປະຖົມຫ້ອມສະຫວັນ, ທີ 2 ປະຖົມທ່າເດື່ອ, ທີ 3 ປະຖົມສີຖານໃຕ້; ປະເພດຂັບ-ລໍາທີ 1 ປະຖົມຫ້ອມສະຫວັນ, ທີ 2 ປະຖົມແສງສຸລີ, ທີ 3 ປະຖົມເຄເອັນຊີ; ປະເພດຟ້ອນລວມໝູ່ ທີ 1 ໂຮງຮຽນປະຖົມເຄເອັນຊີ, ທີ 2 ປະຖົມວຽງສະຫວັນ 2, ທີ 3 ປະຖົມພົງສະຫວັນ; ຊັ້ນມັດທະຍົມຕອນຕົ້ນປະເພດຮ້ອງເພງ ທີ 1 ມສ ເຄເອັນຊີ, ທີ 2 ມສ ສາລາຄໍາ, ທີ 3 ມສ ໄຊປັນຍາ; ປະເພດຂັບ-ລໍາ ທີ 1 ມສ ຫ້ອມສະຫວັນ, ທີ 2 ມສ ສາລາຄໍາ, ທີ 3 ມສ ສິມມະໂນ; ປະ ເພດຟ້ອນລວມໝູ່ ທີ 1 ມສ ແສງສະຫວັນ 2, ທີ 2 ມສ ເຄເອັນຊີ, ທີ 3 ມສ ສາລາຄໍາ ແລະ ຊັ້ນມັດທະຍົມຕອນປາຍ ປະເພດຮ້ອງເພງ ທີ 1 ໂຮງຮຽນ ມສ ສາທິດດົງຄໍາຊ້າງ, ທີ 2 ມ ປາຍ ບໍ່ໂອ, ທີ 3 ມ ປາຍ ບ້ານຫ້ອມ; ປະເພດຂັບ-ລໍາ ທີ 1 ມສ ຫ້ອມສະຫວັນ, ທີ 2 ມສ ສິມມະໂນ, ທີ 3 ມສ ສາລາຄໍາ, ສ່ວນລາງວັນຊະນະເລີດປະເພດຟ້ອນລວມໝູ່ ທີ 1 ມສ ມະຍຸລີ ໃນບົດຟ້ອນ ປະສາດຫີນວັດພູມໍຣະດົກໂລກມໍຣະດົກລາວ ແຊັມເກົ່າ, ທີ 2 ມສ ເຄເອັນຊີ ໃນບົດຟ້ອນສວນມັນຕົ້ນຊົນເຜົ່າຫໍ້, ທີ 3 ມປາຍບ້ານຫ້ອມ ໃນບົດຟ້ອນຊື່ລາວດັງກ້ອງທົ່ວໂລກາໃຫ້ກຽດມອບລາງວັນໂດຍທ່ານ ຄໍາແກ້ວ ມະຫາໄຊ ແລະ ທ່ານ ນາງ ສ້ອຍສຸດາ ອິນເມືອງໄຊ.

ຂ່າວ: ວຽງຈັນໃໝ່