ການນໍາພັກ-ລັດ ສືບຕໍ່ວາງພວງມາລາໄວ້ອາໄລຕໍ່ການຈາກໄປຂອງ ສະຫາຍ ໄຊສົມພອນ ພົມວິຫານ

ການວາງພວງມາລາຄັ້ງນີ້ ເປັນການສະແດງເຖິງຄວາມກະຕັນຍູ ຮູ້ບຸນຄຸນ ແລະ ຄວາມເຄົາລົບຮັກທີ່ມີຕໍ່ ສະຫາຍ ໄຊສົມພອນ ພົມວິຫານ, ຜູ້ໄດ້ອຸທິດເຫື່ອແຮງ ສະຕິປັນຍາ ແລະ ກໍາລັງກາຍ-ກໍາລັງໃຈ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ໂດຍສະເພາະໃນຂົງເຂດນິຕິບັນ ຍັດ ແລະ ສະພາແຫ່ງຊາດ.

ເຂົ້າວາງພວງມາລາ ປະກອບມີ: ຄະນະຈັດຕັ້ງສູນກາງພັກ ນໍາໂດຍ ສະຫາຍ ນາງ ສີໃສ ລືເດດມູນສອນ ກຳມະການກົມການເມືອງສູນກາງພັກ ຫົວໜ້າຄະນະຈັດຕັ້ງສູນກາງພັກ, ກະຊວງສຶກສາທິການ ແລະ ກິລາ ນໍາໂດຍ ສະຫາຍ ທອງສະລິດ ມັງໜໍ່ເມກ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງສຶກສາທິການ ແລະ ກິລາ, ກະຊວງປ້ອງກັນປະເທດ ນຳໂດຍ ສະຫາຍ ພົອ ຄຳລຽງ ອຸທະໄກສອນ ກຳມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ນໍາໂດຍ ສະຫາຍ ພົທ ວັນທອງ ກອງມະນີ ຄະນະເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ, ສະຖາບັນການເມືອງ ແລະ ການປົກຄອງ ແຫ່ງຊາດ ນໍາໂດຍ ສະຫາຍ ອານຸພາບ ຕຸນາລົມ ຄະນະເລຂາທິການສູນກາງພັກ ຫົວໜ້າສະຖາບັນການເມືອງ ແລະ ການປົກຄອງ ແຫ່ງຊາດ, ກະຊວງວັດທະນະທໍາ ແລະ ການທ່ອງທ່ຽວ ນໍາໂດຍ ສະຫາຍ ນາງ ສວນສະຫວັນ ວິຍະເກດ ກຳມະການສູນກາງພັກ ລັດຖະມົນຕີກະຊວງວັດທະນະທໍາ ແລະ ການທ່ອງທ່ຽວ, ຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ, ສະມາຄົມນັກທຸລະກິດໜຸ່ມລາວ ແລະ ຄະນະທີ່ປຶກສາດ້ານເສດຖະກິດໜຸ່ມລາວ ນໍາໂດຍ ສະຫາຍ ທອງລີ ສີສຸລິດ ກຳມະການສູນກາງພັກ ເລຂາຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ, ກະຊວງການເງິນ ນໍາໂດຍ ສະຫາຍ ສຸລິວັດ ສຸວັນນະຈູມຄໍາ ຮອງລັດຖະມົນຕີກະຊວງການເງິນ, ກະຊວງເຕັກໂນໂລຊີ ແລະ ການສື່ສານ ນໍາໂດຍ ສະຫາຍ ສັນຕິສຸກ ສິມມາລາວົງ ກຳມະການສູນກາງພັກ ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ກະຊວງການຕ່າງປະເທດ ນໍາໂດຍ ສະຫາຍ ໄມທອງ ທຳມະວົງສາ ແລະ ສະຫາຍ ພົງສະຫວັນ ສິສຸລາດ ຮອງລັດຖະມົນຕີກະຊວງການຕ່າງປະເທດ, ອົງການກາແດງແຫ່ງຊາດລາວ ນໍາໂດຍ ສະຫາຍ ຄໍາລາວັນ ຈັນທະລາວັນ ກຳມະການສູນກາງພັກ ປະທານອົງການກາແດງແຫ່ງຊາດລາວ, ອົງການກວດສອບແຫ່ງລັດ ນໍາໂດຍ ສະຫາຍ ວຽງທະວີສອນ ເທບພະຈັນ ກຳມະການສູນກາງພັກ ປະທານອົງການກວດສອບແຫ່ງລັດ, ຄະນະສະມາຊິກສະພາແຫ່ງຊາດເພດຍິງ ຊຸດທີ 9, ຊຸດທີ 10 ແລະ ກອງເລຂາ ນໍາໂດຍ ສະຫາຍ ນາງ ສູນທອນ ໄຊຍະຈັກ ຄະນະເລຂາທິການສູນກາງພັກ ຮອງປະທານສະພາແຫ່ງຊາດ, ສະຫະພັນນັກຮົບເກົ່າແຫ່ງຊາດລາວ ນໍາໂດຍ ສະຫາຍ ພົທ ແສງນວນ ໄຊຍະລາດ ຄະນະເລຂາທິການສູນກາງພັກ ປະທານສະຫະພັນນັກຮົບເກົ່າແຫ່ງຊາດລາວ, ກະຊວງສາທາລະນະສຸກ ນໍາໂດຍ ສະຫາຍ ນາງ ໃບຄໍາ ຂັດຕິຍະ ກຳມະການສູນກາງພັກ ລັດຖະມົນຕີກະຊວງສາທາລະນະສຸກ, ຄະນະບໍລິຫານງານພັກ, ສະພາປະຊາຊົນ, ຄະນະກໍາມະການປົກຄອງ ແລະ ຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ ນໍາພາໂດຍ ສະຫາຍ ອາດສະພັງທອງ ສີພັນດອນ ກຳມະການສູນກາງພັກ ປະທານສະພາປະຊາຊົນ ນະຄອນຫຼວງວຽງຈັນ.

ນອກນັ້ນຍັງມີ ຄອບຄົວການນໍາ ນໍາໂດຍ ສະຫາຍ ນາງ ນາລີ ສີສຸລິດ ພັນລະຍາປະທານປະເທດ ແຫ່ງ ສປປ ລາວ, ຄອບຄົວ ຫຼ້າຄໍາຟອງ ນໍາໂດຍ ສະຫາຍ ພົອ ວິໄລ ຫຼ້າຄໍາຟອງ ກຳມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ, ຄອບຄົວ ໄຂຄໍາພິທູນ, ຄອບຄົວ ທ່ານ ລາວປາວຊົ່ງ ນະວົງໄຊ, ຄອບຄົວ ພູມສະຫວັນ, ຄອບຄົວ ຄຸດໄພທູນ, ຄອບຄົວ ວິລະຊົນ ສີທອງ, ຄອບຄົວ ໄຊຍະສອນ, ຄອບຄົວ ຈັນແສງ ພິມມະວົງ ແລະ ຄອບຄົວ ຄໍາພັນ ພິມມະວົງ, ຄອບຄົວ ຈັນສີ ໂພສີຄໍາ, ຄອບຄົວ ໄຂຄໍາພິທູນ, ຄອບຄົວ ຈິດມະນີ, ຄອບຄົວ ທໍາມະວົງ, ຄອບຄົວ ທ່ານ ນາງ ວັນສີ ສຸວັນນະແສງ, ຄອບຄົວພົນຈັດຕະວາ ຫງວຽນກັວກຈຸງ, ຄອບຄົວ ສະຫາຍ ຫງວຽນ ມິງ, ຕາງໜ້າໂດຍ ສະຫາຍ ຫງວຽນ ມິງ ເຕິມ ເອັກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສສ ຫວຽດນາມ ປະຈໍາ ສປປ ລາວ.

ນອກຈາກນີ້ ຍັງມີບັນດາບໍລິສັດເປັນຕົ້ນ ບໍລິສັດທະວັນ ລາວເວີນ, ບໍລິສັດ ລາວໂກເດີ້ນ ຣີສອດ ພັດທະນາແຮ່ທາດ ຈໍາກັດ ແລະ ບໍລິສັດ ເຮັນໂນະ ຈໍາກັດ, ສະມາຄົມອະນຸລັກຢາພື້ນເມືອງລາວ, ສະມາຄົມຫວຽດນາມຢູ່ ສປປ ລາວ ແລະ ສະມາຄົມຫວຽດນາມ ຢູ່ນະຄອນຫຼວງວຽງຈັນ, ສະມາຄົມນັກທຸລະກິດຫວຽດນາມ ປະຈໍາ ສປປ ລາວ, ລັດວິສາຫະກິດ ການບິນລາວ, ມູນນິທິສຸດາພອນເພື່ອຊ່ວຍເຫຼືອສັງຄົມ, ທະນາຄານກະສິກອນໄທ, ກຸ່ມບໍລິສັດ ພົງສະຫວັນ, ທະນາຄານພົງສະຫວັນ, ບໍລິສັດ ບໍາລຸງພັນ ກະສິກຳຄົບວົງຈອນ ຈໍາກັດ, ບໍລິສັດ LA ພັດທະນາແຮ່ທາດລາວ, ໂຮງແຮມລາຊະວົງ ວັນດາວິສຕ້າ, ລັດວິສາຫະກິດພັດທະນາ ກະສິກໍາ ແລະ ອຸດສາຫະກໍາຂາເຂົ້າ-ຂາອອກ.

(ຂ່າວ, ພາບ: ແສງຈັນ, ສໍານານ)