ຄົບຮອບ 42 ປີ (20 ພະຈິກ 1982 – 20 ພະຈິກ 2024), ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ເຂົ້າຮ່ວມ ແລະ ເປັນປະທານການພົບປະກັບຜູ້ຕາງໜ້າຄູ-ອາຈານ, ພະນັກງານຄຸ້ມຄອງການສຶກສາ.
ຂ່າວລະບຸວ່າ: ໃນການພົບປະ, ທ່ານ ໂຕເລິມ ໄດ້ຢັ້ງຢືນວ່າໃນຕະຫຼອດໄລຍະຂະບວນວິວັດແຫ່ງການປະຕິວັດ, ພັກ, ລັດຍາມໃດກໍຢັ້ງຢືນການສຶກສາ ແລະ ບຳລຸງສ້າງແມ່ນນະໂຍບາຍແຖວໜ້າ, ແມ່ນອະນາຄົດຂອງຊາດ; ຍາມໃດກໍໄດ້ຮັບຄວາມເອົາໃຈໃສ່ເບິ່ງແຍງດູແລເປັນພິເສດ, ມີຫຼາຍແຜນນະໂຍບາຍ, ນະໂຍບາຍລົງທຶນໃຫ້ແກ່ການສຶກສາ, ກຳນົດການລົງທຶນໃຫ້ການສຶກສາພັດທະນາ ແລະ ໃຫ້ບຸລິມະສິດກວ່າບັນດາຂົງເຂດອື່ນໆ.
ກ່ຽວກັບວຽກງານຕ້ອງປະຕິບັດໃນທັນທີ, ທ່ານສະເໜີໃຫ້ຕ້ອງຜັນຂະຫຍາຍວິທີການລຶບລ້າງໄພກຶກໜັງສືຢ່າງສິ້ນເຊີງ, ເປັນຕົ້ນແມ່ນຢູ່ເຂດຫ່າງໄກສອກຫຼີກ, ເຂດພໍ່ແມ່ປະຊາຊົນບັນດາເຜົ່າສ່ວນໜ້ອຍ. ທ່ານ ໂຕເລິມ ຮຽກຮ້ອງວ່າ: ຕ້ອງສຸມໃສ່ການສ້າງຖັນແຖວຄູ-ອາຈານ, ພະນັກງານຄຸ້ມຄອງການສຶກສາທີ່ມີຄຸນສົມບັດ, ມີຄວາມເກັ່ງກ້າສາມາດ, ແມ່ນຜູ້ທີ່ມີຄວາມສຸດຈິດສຸດໃຈ, ມີທັກສະ, ຄວາມຮູ້, ຄວາມສາມາດໃນການຖ່າຍທອດ, ຢາກຮໍ່າຮຽນ, ມີນະວັດຕະກຳ. ມີມາດຕະການບຸກທະລຸເພື່ອພັດທະນາຖັນແຖວນັກຊ່ຽວຊານ, ນັກວິທະຍາສາດແຖວໜ້າຂະແໜງ, ທັງເຮັດວຽກໃນຂະແໜງການສຶກສາ, ພ້ອມທັງອຸທິດໃນຂະແໜງ ແລະຂົງເຂດອື່ນໆ.
ຄໍາເຫັນ