ແກ່ນທ້າວແຂ່ງຂັນກິລາເປຕັງເພື່ອສ້າງຂະບວນການສະຫຼອງວັນແມ່ຍິງສາກົນ

10:18 17/03/2026

ທ້າຍອາທິດຜ່ານມານີ້, ຢູ່ທີ່ເດີ່ນກິລາເມືອງແກ່ນທ້າວ ແຂວງໄຊຍະບູລີ ໄດ້ຈັດກິດຈະກຳການແຂ່ງຂັນກິລາເປຕັງ ຊິງຂັນທ່ານເລຂາຄະນະບໍລິຫານງານພັກເມືອງ ເພື່ອສ້າງຂະບວນການສະເຫຼີມສະຫຼອງ ວັນແມ່ຍິງສາກົນ ຄົບຮອບ 116 ປີ (8 ມີນາ 1910 - 8 ມີນາ 2026) ໃຫ້ມີບັນຍາກາດຟົດຟື້ນມ່ວນຊື່ນ, ໂດຍການເປັນກຽດເຂົ້າຮ່ວມຂອງທ່ານ ຄຳປຸ່ນ ນວນສະບັບ ກໍາມະການພັກແຂວງເລຂາຄະນະບໍລິຫານງານພັກເມືອງ, ມີພະນັກງານ-ລັດຖະກອນ ພ້ອມດ້ວຍນັກກິລາເຂົ້າຮ່ວມຢ່າງພ້ອມພຽງ.

ແກນທາວແຂງຂນກລາເປຕງເພອສາງຂະບວນການສະຫອງວນແມຍງສາກນ - image 1

ການແຂ່ງຂັນຄັ້ງນີ້, ມີທີມນັກກິລາເຂົ້າຮ່ວມທັງໝົດ 33 ທີມຍິງ 17 ທີມ. ຜ່ານການແຂ່ງຂັນແມ່ນເຕັມໄປດ້ວຍຄວາມສາມັກຄີ ແລະ ມ່ວນຊື່ນ ສາມາດສະຫຼຸບຜົນການແຂ່ງຂັນໄດ້ດັ່ງນີ້: ປະເພດທີມຊາຍ ທີ 1 ໄດ້ແກ່ ທີມ ຕມ ດ່ານສາກົນຂົວມິດຕະພາບນໍ້າເຫືອງ ໄດ້ຮັບຂັນລາງວັນ ພ້ອມເງິນສົດ 1 ລ້ານກີບ, ທີ 2 ໄດ້ແກ່ ທີມຫ້ອງການການເງິນເມືອງ ໄດ້ຮັບເງິນສົດ 8ແສນກີບ ແລະ ທີ 3 ໄດ້ແກ່ ທີມງານສາຍຕູດ ໄດ້ຮັບເງິນສົດ 6 ແສນກີບ. ປະເພດທີມຍິງ ທີ 1 ໄດ້ແກ່ ທີມ ມສ ແກ່ນທ້າວ ໄດ້ຮັບຂັນລາງວັນ ພ້ອມເງິນສົດ 1 ລ້ານກີບ, ທີ 2 ໄດ້ແກ່ ທີມປະຖົມເມືອງໝໍ ໄດ້ຮັບເງິນສົດ 8ແລນກີບ, ແລະ ທີ 3 ໄດ້ແກ່ ທີມ ມສ ເມືອງໝໍ ໄດ້ຮັບເງິນສົດ 6 ແສນກີບ.

ແກນທາວແຂງຂນກລາເປຕງເພອສາງຂະບວນການສະຫອງວນແມຍງສາກນ - image 2

(ແຫຼ່ງຂ່າວ: ເມືອງແກ່ນທ້າວ)

ຄໍາເຫັນ

ຂ່າວສືກສາ-ກິລາ

ຄະນະໂຄສະນາອົບຮົມ ນວ ເຜີຍແຜ່ຄວາມຮູ້ກ່ຽວກັບ ໂຄງການຂົນສົ່ງແບບຍືນຍົງໃນຕົວເມືອງ

17/03/2026 10:43

ຄະນະໂຄສະນາອົບຮົມ, ພະແນກໂຍທາທິການ ແລະ ຂົນສົ່ງ ຮ່ວມກັບ ປກສ ນະຄອນຫຼວງວຽງຈັນ (ນວ) ເຜີຍແຜ່ຄວາມຮູ້-ຄວາມເຂົ້າໃຈກ່ຽວກັບ ໂຄງການຂົນສົ່ງແບບຍືນຍົງໃນຕົວເມືອງ ນວ (ລົດເມດ່ວນ BRT) ໃນວັນທີ 13 ມີນາ ຜ່ານມາ ທີ່ໂຮງຮຽນ ມສ ເຈົ້າອະນຸວົງ ເມືອງຈັນທະບູລິ ນະຄອນຫຼວງວຽງຈັນ.

ສະພານັກຮຽນ ໂຮງຮຽນນາໆຊາດອົດສຕາລີມອບຕຽງນອນຄົນເຈັບໃຫ້ເມືອງບໍ່ແຕນ

17/03/2026 10:28

ໃນວັນທີ 14 ມີນານີ້ຢູໂຮງໝໍເມືອງບໍແຕນ ແຂວງໄຊຍະບູລີ, ສະພານັກຮຽນໂຮງຮຽນນາໆຊາດອົສຕາລີ (AISstudents council) ໄດນຳເອົາຕຽງນອນຄົນເຈັບມາມອບໃຫ້ໂຮງໝໍເມືອງບໍ່ແຕນ ຊຶ່ງນຳພາໂດຍທ່ານ ຄຳແສນ ສີສະວົງ ປະທານການສຶກສາພາກເອກະຊົນລາວຮອງປະທານສະພາການຄ້າ ແລະ ອຸດສາຫະກຳແຫ່ງຊາດ ສະມາຊິກສະພາແຫ່ງຊາດຊຸດທີ X ເຂດເລືອກ ຕັງທີ 7 ແຂວງໄຊຍະບູລີ. ໂດຍໃຫ້ກຽດຕ້ອນຮັບຂອງທ່ານ ອານຸສິດ ມະໂນສິນ ຮອງເລຂາພັກເມືອງ ປະທານຄະນະກຳມະການປົກຄອງເມືອງ ເປັນກຽດເຂົາຮ່ວມ.

ໄອ-ສະປອດ ສືບຕໍ່ມອບເຄື່ອງນຸ່ງກິລາໃຫ້ທີມນັກຂ່າວສາຍກິລາລາວ

13/03/2026 13:05

ບໍລິສັດ ຜະລິດ-ຈຳໜ່າຍ ເຄື່ອງກິລາພິມລາຍ ໄອ-ສະປອດ ຫຼື Ai-Sport ລະດັບແຖວໜ້າຂອງປະເທດລາວ ສືບຕໍ່ໃຫ້ການສະໜັບສະໜູນເຄື່ອງນຸ່ງກິລາພິມລາຍ ຈຳນວນ 40 ກວ່າຊຸດ ລວມມູນຄ່າຫຼາຍກວ່າ 10 ລ້ານກີບ ໃຫ້ທີມນັກຂ່າວສາຍກິລາລາວ ຫຼື ລາວສະປອດມິເດຍ ເພື່ອສືບຕໍ່ເຄື່ອນໄຫວອອກກຳລັງກາຍສ້າງກິດຈະກຳຮ່ວມກັບບັນດາພາກສ່ວນຕ່າງໆ ທັງພາກລັດ-ເອກະຊົນປະຈຳປີ 2026 ເພື່ອສ້າງຂະບວນການສະເຫຼີມສະຫຼອງວັນສຳຄັນຕ່າງໆຂອງຊາດ.

ອພສ ແຂວງເຊກອງ ເຜີຍແຜ່ສິນລະທັມຢູ່ໂຮງຮຽນ ມສ ເມືອງກະລຶມ

13/03/2026 10:13

ເພື່ອເປັນການສົ່ງເສີມ ອະນຸລັກ ປົກປັກຮັກສາຮີດ 12 ຄອງ 14 ໃຫ້ຄົງຢູ່ຄູ່ກັບຄົນລາວ, ຊາດລາວຕະຫຼອດໄປ, ໃນວັນທີ 12 ມີນາຜ່ານມາ, ອົງການພຸດທະສາສະໜາສັມພັນລາວ (ອພສ) ແຂວງເຊກອງ ໄດ້ສົມທົບກັບ ພາກສ່ວນກ່ຽວຂ້ອງຂັ້ນແຂວງ ແລະ ເມືອງກະລຶມ ໄດ້ລົງເຜີຍແຜ່ສິນລະທັມຢູ່ໂຮງຮຽນ ມສ ເມືອງກະລືມ ໂດຍມີຄະນະນໍາຫ້ອງການສຶກສາທິການ ແລະ ກິລາເມືອງ, ຄະນະອໍານວຍການໂຮງຮຽນ ພ້ອມດ້ວຍຄູ-ອາຈານ ແລະ ນ້ອງນັກຮຽນ ເຂົ້າຮ່ວມຮັບຟັງ.

ຮມປຂ ເຊກອງ ມອບໃບຢັ້ງຢືນທິດສະດີການເມືອງ ຂັ້ນກາງ ຮຸ່ນທີ V ແລະ ຂັ້ນຕົ້ນ ຮຸ່ນທີ Vlll

12/03/2026 16:01

ໂຮງຮຽນການເມືອງ-ການປົກຄອງແຂວງເຊກອງ (ຮມປຂ) ໄດ້ຈັດພິທີມອບໃບຢັ້ງຢືນທິດສະດີການເມືອງ ຂັ້ນກາງ ລະບົບ 6 ເດືອນ ຮຸ່ນທີ V, ຂັ້ນຕົ້ນ ລະບົບ 3 ເດືອນ ຮຸ່ນທີ VIlI ພ້ອມເປີດຊຸດຮຽນທິດສະດີການເມືອງ ຂັ້ນຕົ້ນ ຮຸ່ນທີ lX ປະຈຳປີ 2026 ຂຶ້ນໃນຕອນບ່າຍວັນທີ 11 ມີນາຜ່ານມານີ້ ທີ່ສະໂມສອນແຂວງ, ໂດຍມີສະຫາຍ ບຸນຫຼາຍ ບຸດທິ ກຳມະການສູນກາງພັກ ເລຂາພັກແຂວງ, ມີສະຫາຍ ດາວສະຫວັນ ເຄືອງມີໄຊ ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ, ມີພະແນກການກ່ຽວຂ້ອງອ້ອມຂ້າງແຂວງ, ຄະນະປະຈໍາພັກເມືອງ 4 ເມືອງ, ຄະນະນໍາໂຮງຮຽນການເມືອງ-ການປົກຄອງແຂວງສາລະວັນ, ແຂວງອັດຕະປື, ແຂວງຈຳປາສັກ ເຂົ້າຮ່ວມ.

ສະພາທິດສະດີສູນກາງພັກ ມອບປຶ້ມໃຫ້ ມຊ

12/03/2026 14:57

ຫ້ອງການສະພາທິດສະດີສູນກາງພັກ ມອບປຶ້ມຜົນງານການຄົ້ນຄວ້າທາງດ້ານທິດສະດີ ແລະ ພຶດຕິກຳ ຂອງສະພາທິດສະດີສູນກາງພັກ ໃຫ້ມະຫາວິທະຍາໄລແຫ່ງຊາດ (ມຊ) ໃນວັນທີ 12 ມີນານີ້ ທີ່ ມຊ ໂດຍການກ່າວມອບຂອງທ່ານ ຄໍາມອນ ຈັນທະຈິດ ກຳມະການສຳຮອງສູນກາງພັກ ຮອງຫົວໜ້າຄະນະໂຄສະນາອົບຮົມສູນກາງພັກ ຮອງປະທານຜູ້ປະຈຳການສະພາທິດສະດີສູນກາງພັກ ແລະ ກ່າວຮັບໂດຍທ່ານ ເດຊານຸລາດ ແສນດວງເດດ ຜູ້ອຳນວຍການໃຫຍ່ ມຊ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ພະແນກ ຍທຂ ຄວ້າແຊັມເປຕັງ ຊີງຂັນທ່ານເຈົ້າຄອງ ຕ້ອນຮັບກອງປະຊຸມໃຫຍ່ແນວລາວສ້າງຊາດ ນວ

12/03/2026 14:51

ທີມເປຕັງ ພະແນກໂຍທາທິການ ແລະ ຂົນສົ່ງ (ຍທຂ) ນະຄອນຫຼວງວຽງຈັນ (ນວ) ຄວ້າແຊັມການແຂ່ງ ຂັນກິລາເປຕັງ ຊີງຂັນທ່ານເຈົ້າຄອງນະຄອນຫຼວງວຽງຈັນ (ນວ) ໄດ້ຮັບຂັນລາງວັນຊະນະເລີດ 1 ໜ່ວຍ ພ້ອມເງິນລາງວັນ 3 ລ້ານກີບ, ສ່ວນຮອງຊະນະເລີດ ທີມອົງການໄອຍະການປະຊາຊົນ ນວ ໄດ້ຮັບຂັນ 1 ໜ່ວຍ ພ້ອມເງິນລາງວັນ 2 ລ້ານກີບ, ທີ 3 ແມ່ນທີມພະແນກສຶກສາທິການ ແລະ ກິລາ ນວ ໄດ້ຮັບຂັນ 1 ໜ່ວຍ ພ້ອມເງິນລາງວັນ 1.5 ລ້ານກີບ ແລະ ທີ 4 ແມ່ນທີມພະແນກອຸດສາຫະກໍາ ແລະ ການຄ້າ ນວ ໄດ້ຮັບເງິນລາງວັນ 1 ລ້ານກີບ.

ນາງ ພອນລິສາ ສິນລະປະກິດ ໄດ້ຫຼຽນຄຳ ງານໂອແລັມປິກແຂ່ງຂັນ ວິຊາຄະນິດສາດ

12/03/2026 10:15

ນາງ ພອນລິສາ ສິນລະປະກິດ ຈາກໂຮງຮຽນນານາຊາດອ໋ອດສະກາ ເຂົ້າຮ່ວມງານໂອແລັມປິກແຂ່ງຂັນວິຊາຄະນິດສາດ ແລະ ວິທະຍາສາດສັງຄົມ ຊຶ່ງຈັດຂຶ້ນໃນວັນທີ 28ກຸມພາ ຜ່ານມາ ທີ່ປະເທດຟີລິບປິນ ໃນລະດັບຊັ້ນ ມ.4, ໃນວິຊາຄະນິດສາດຊຶ່ງເປັນຫຼຽນຄໍາໜຶ່ງດຽວທີ່ນັກຮຽນລາວ ຍາດມາໄດ້ໃນການເຂົ້າຮ່ວມແຂ່ງຂັນຄັ້ງນີ້, ສ່ວນວິຊາ ວິທະຍາສາດສັງຄົມແມ່ນໄດ້ຮັບຫຼຽນທອງ, ສໍາລັບວິຊາຄະນິດສາດ ໂດຍອີງໃສ່ຄະແນນ ແລະ ເງື່ອນໄຂຕ່າງໆທີ່ກ່ຽວຂ້ອງ ຄະນະຜູ້ຈັດການສອບເສັງໂອແລັມປິກໄດ້ມອບຂັນລາງວັນກຽດນິຍົມຂັ້ນສູງພິເສດໃຫ້ນໍາດ້ວຍ.

ບໍ່ແຕນ ເປີດອົບຮົມວິຊາພື້ນຖານປ້ອງກັນຕົວໃຫ້ນັກຮຽນ ມສ ຊັ້ນ ມ7 ປະຈໍາປີ 2026

11/03/2026 16:06

ກອງບັນຊາການທະຫານ ເມືອງບໍ່ແຕນ ແຂວງໄຊຍະບູລີ ເປີດຊຸດອົບຮົມ ວິຊາພື້ນຖານປ້ອງກັນຕົວໃຫ້ນັກຮຽນ ມສ ຊັ້ນ ມ7 ຂຶ້ນຢູ່ທີ່ໂຮງຮຽນມສ ບໍ່ແຕນມີໄຊ ໃນວັນທີ 10 ມີນານີ້ ໂດຍການເຂົ້າຮ່ວມຂອງທ່ານ ຄໍາພັນ ພັນທະວົງ ຮອງເລຂາພັັກເມືອງ ປະທານກວດກາພັກ ປະທານອົງການກວດກາລັດ ຫົວໜ້າອົງການຕ້ານການສໍ້ລາດບັງຫຼວງ, ມີນ້ອງນັກຮຽນຊັ້ນ ມ7 ຈາກ 3 ໂຮງຮຽນຄື: ໂຮງຮຽນ ມສ ບໍ່ແຕນມີໄຊ, ມສ ບໍ່ແຕນ ແລະ ໂຮງຮຽນ ມສ ນ້ຳພຸ ຊຶ່ງມີນັກຮຽນເຂົ້າຮ່ວມທັງໝົດ 145 ນ້ອງ ຍິງ 46 ນ້ອງ ເຂົ້າຮ່ວມ.

ສ້າງຄວາມເຂົ້າໃຈ ໂຄງການຂົນສົ່ງແບບຍືນຍົງໃນຕົວເມືອງໃຫ້ນັກຮຽນ ມສ ສາທິດ

11/03/2026 15:55

ເພື່ອເຮັດໃຫ້ຄູ-ອາຈານ ແລະ ນັກຮຽນໄດ້ຮັບຮູ້ເຂົ້າໃຈ ກ່ຽວກັບປະຫວັດຄວາມເປັນມາ ຄວາມໝາຍ ຄວາມສໍາຄັນ ແລະ ຜົນປະໂຫຍດທີ່ຈະໄດ້ຮັບໃນການນໍາໃຊ້ລົດເມດ່ວນ BRT ຮັບຮູ້ເຖິງແນວທາງນະໂຍບາຍຂອງພັກ-ລັດໃນການສ້າງສາ ແລະ ພັດທະນາປະເທດຊາດ ໃຫ້ທ່ວງທັນກັບສະພາບການໃນຍຸກປັດຈຸບັນ ແນໃສ່ແກ້ໄຂບັນຫາການສັນຈອນແອອັດ ໂດຍການຫັນມາໃຊ້ລົດເມດ່ວນ BRT ໃນການເດີນທາງ.

ເພີ່ມເຕີມ