ຄຳມ່ວນ ຍົກລະດັບຄວາມຮູ້ດ້ານການບໍລິການ ໂຮງແຮມ, ເຮືອນພັກ ແລະ ຮ້ານອາຫານ

ຊຸດຝຶກອົບຮົມຄັ້ງນີ້, ຈະໄດ້ດໍາເນີນໄປເປັນເວລາ 6 ວັນ (ວັນທີ 30 ມິຖຸນາ - ວັນທີ 5 ກໍລະກົດ 2025) ຊຶ່ງຜູ້ເຂົ້າຮ່ວມ ຈະໄດ້ຮຽນຮູ້ດ້ານການບໍລິການໂຮງແຮມ, ເຮືອນພັກ ແລະ ຮ້ານອາຫານ ເປັນຕົ້ນ ການຮັກສາຄຸນນະພາບການບໍລິການ ແລະ ເອົາໃຈໃສ່ຕໍ່ລູກຄ້າ, ທັກສະການບໍລິການອາຫານ ແລະ ເຄື່ອງດື່ມ, ຄວາມຮູ້ພື້ນຖານກ່ຽວກັບພະແນກແມ່ເຮືອນ, ການອະນາໄມຫ້ອງຮັບແຂກ, ວິທີຕົບແຕ່ງຫ້ອງນອນ, ຈັດອຸປະກອນເທິງໂຕະອາຫານ ໃນແຕ່ລະຄາບເຂົ້າ, ວິທີຕ້ອນຮັບແຂກທີ່ມາໃຊ້ບໍລິການ, ວິທີເສີບເຄື່ອງດື່ມ, ວິທີພັບຜ້າ-ແພເຊັດມືເປັນຮູບຕ່າງໆ ພ້ອມທັງຈະໄດ້ລົງມືປະຕິບັດຕົວຈິງຢູ່ໂຮງແຮມໃນເທສະບານແຂວງ.

(ຂ່າວ-ພາບ: ແດງສະຫວັດ ແສນພານິດ)