ຄໍາມ່ວນ ເປີດສົກຮຽນໃໝ່ ເອກະພາບທົ່ວແຂວງ ປະຈໍາສົກຮຽນ 2025-2026

11:15 04/09/2025

ພິທີເປີດສົກຮຽນໃໝ່ ເອກະພາບທົ່ວແຂວງຄຳມ່ວນ ປະຈຳສົກຮຽນ 2025-2026 ໄດ້ຈັດຂຶ້ນໃນວັນທີ 3 ກັນຍາຜ່ານມາ ທີ່ສະໂມສອນ 21 ມີນາ (ໂຮງຮຽນການເມືອງ ແລະ ການປົກຄອງແຂວງ) ໂດຍພາຍໃຕ້ການເປັນປະທານຂອງທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ, ມີທ່ານ ອຸດຕະມະ ຈັນນີຍາວົງ ຮອງຫົວໜ້າພະແນກສຶກສາທິການ ແລະ ກິລາແຂວງ, ມີແຂກຖືກເຊີນ, ພະນັກງານຄູ - ອາຈານ ພ້ອມດ້ວຍນ້ອງນັກຮຽນເຂົ້າຮ່ວມ.

ຄາມວນ ເປດສກຮຽນໃໝ ເອກະພາບທວແຂວງ ປະຈາສກຮຽນ 2025-2026 - image 1

ກ່ອນຈະເຂົ້າສູ່ພິທີໄຂສົກຮຽນໃໝ່ແມ່ນໄດ້ຮັບຊົມ ແລະ ຮັບຟັງສານອວຍພອນຂອງທ່ານນາຍົກລັດຖະມົນຕີເນື່ອງໃນໂອກາດໄຂສົກຮຽນໃໝ່ 2025-2026 ແລະ ວີດີໂອສົ່ງເສີມການສຶກສາເລື່ອງ 2 ເສັ້ນທາງ. ຈາກນັ້ນ, ທ່ານ ອຸດຕະມະ ຈັນນີຍາວົງ ໄດ້ຜ່ານບົດລາຍງານການກະກຽມຄວາມພ້ອມໄຂສົກຮຽນ 2025-2026 ຊຶ່ງທົ່ວແຂວງຄໍາມ່ວນມີໂຮງຮຽນອະນຸບານ 217 ແຫ່ງ ມີນັກຮຽນ 12,694 ນ້ອງ ຍິງ 6,371 ນ້ອງ, ໂຮງຮຽນປະຖົມ 649 ແຫ່ງ ມີນັກຮຽນ 40,355 ນ້ອງ ຍິງ 19,953 ນ້ອງ (ຫຼຸດລົງ 1,537 ນ້ອງ), ໂຮງຮຽນມັດທະຍົມຕອນຕົ້ນ 142 ແຫ່ງ ມີນັກຮຽນ 23,137 ນ້ອງ ຍິງ 11,702 ນ້ອງ, (ເພີ້ມຂຶ້ນ 3,106 ນ້ອງ), ນັກຮຽນມັດທະຍົມຕອນປາຍ 7,735 ນ້ອງ ຍິງ 4,058 ນ້ອງ (ເພີ້ມຂື້ນ 694 ນ້ອງ). ຈາກນັ້ນ, ທ່ານ ສັກປະດິດ ແກ້ວມະນີ ຜູ້ອຳນວຍການໂຮງຮຽນມັດທະຍົມຕອນປາຍທ່າແຂກໄດ້ຜ່ານບົດລາຍງານຜົນສຳເລັດການຈັດຕັ້ງປະຕິບັດວຽກງານສຶກສາ-ກິລາ ປະຈໍາສົກຮຽນ 2024-2025 ຜ່ານມາ ແລະ ແຜນພັດທະນາການສຶກສາປະຈໍາສົກຮຽນ 2025-2026 ຊຶ່ງສະແດງໃຫ້ເຫັນເຖິງດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ສະແດງໃຫ້ເຫັນເຖິງຜົນສຳເລັດໃນການຈັດຕັ້ງປະຕິບັດ 15 ຄາດໝາຍຂອງວຽກງານສຶກສາ - ກິລາ.

ຄາມວນ ເປດສກຮຽນໃໝ ເອກະພາບທວແຂວງ ປະຈາສກຮຽນ 2025-2026 - image 2

ທ່ານ ວັນໄຊ ພອງສະຫວັນ ໄດ້ເນັ້ນໜັກໃຫ້ຜູ້ບໍລິຫານການສຶກສາແຕ່ລະຂັ້ນເອົາໃຈໃສ່ຕໍ່ວຽກງານການເມືອງ-ແນວຄິດໃຫ້ຄູ-ອາຈານ ຄຽງຄູ່ກັບການສ້າງຄວາມເຂັ້ມແຂງທາງດ້ານວິຊາສະເພາະ, ເອົາໃຈໃສ່ສຶກສາອົບຮົມລູກ-ຫຼານນັກຮຽນໃຫ້ຫ່າງໄກຈາກສິ່ງເສບຕິດ ແລະ ປະກົດການຫຍໍ້ທໍ້ຕ່າງໆ, ຍາດແຍ່ງການຊ່ວຍເຫຼືອຈາກອົງການຈັດຕັ້ງສາກົນ, ຄູ່ຮ່ວມພັດທະນາ ແລະ ພາກສ່ວນທາງສັງຄົມ ເພື່ອມາພັດທະນາວຽກງານການສຶກສາ, ສູ້ຊົນເຮັດໃຫ້ວຽກງານການສຶກສາເລັ່ງໃສ່ການສັບຊ້ອນ ແລະ ຈັດສັນຄູໃຫ້ສອດຄ່ອງໃນສົກຮຽນ 2025-2026 ໃຫ້ເປັນສົກຮຽນທີ່ມີຜົນສໍາເລັດຫຼາຍຂຶ້ນກວ່າເກົ່າ. ຮຽກຮ້ອງມາຍັງຜູ້ປົກຄອງ-ນັກຮຽນເພີ່ມທະວີຄວາມເອົາໃຈໃສ່ດູແລລູກຫຼານຂອງຕົນໃນເກນອາຍຸໃຫ້ໄດ້ເຂົ້າໂຮງຮຽນ, ກະກຽມອຸປະກອນການຮຽນໃຫ້ມີຄວາມພ້ອມກ່ອນເຂົ້າຮຽນ, ສືບຕໍ່ຊຸກຍູ້ສົ່ງເສີມລູກຫຼານໃຫ້ກາຍເປັນນັກຮຽນດີ, ນັກຮຽນເກັ່ງ ມີຄຸນສົມບັດ-ສິນທຳປະຕິວັດ.

ຄາມວນ ເປດສກຮຽນໃໝ ເອກະພາບທວແຂວງ ປະຈາສກຮຽນ 2025-2026 - image 3

ໃນພິທີ, ທ່ານເຈົ້າແຂວງຍັງໄດ້ມອບອຸປະກອນການຮຽນ ແລະ ອຸປະກອນກິລາຈຳນວນໜຶ່ງເພື່ອນຳໃຊ້ເຂົ້າໃນວຽກງານການສຶກສາ - ກິລາ ພ້ອມທັງກ່າວເປີດສົກຮຽນໃໝ່ 2025-2026 ຂຶ້ນຢ່າງເປັນທາງການ.

(ຂ່າວ-ພາບ: ແດງສະຫວັດ ແສນພານິດ)

ຄໍາເຫັນ

ຂ່າວສືກສາ-ກິລາ

ເຊກອງ ຈະຈັດກິດຈະກໍາ ຈຳໜ່າຍສິນຄ້າ ໃນລາຄານະໂຍບາຍ

12/08/2026 15:33

ພະແນກອຸດສາຫະກຳ ແລະ ການຄ້າແຂວງເຊກອງ ຮ່ວມກັບພາກສ່ວນກ່ຽວຂ້ອງພາຍໃນແຂວງ ຈະໄດ້ຈັດກິດຈະກຳເປີດຮ້ານຄ້າ ເພື່ອຈຳໜ່າຍສິນຄ້າອຸປະໂພກ-ບໍລິໂພກ ແລະ ອຸປະກອນການສຶກສາ ໃນລາຄານະໂຍບາຍ-ລາຄາອຸ່ນໃຈ (ລາຄາຖືກ) ເພື່ອຮອງຮັບໃຫ້ແກ່ການກະກຽມເປີດສົກຮຽນໃໝ່ທີ່ຈະມາເຖິງນີ້.

ແຂວງວຽງຈັນ ເປີດໂຄງການລາຄາອຸ່ນໃຈ ຮອງຮັບການເປີດສົກຮຽນໃໝ່

11/08/2026 13:24

ເພື່ອເປັນການຮອງຮັບໃຫ້ແກ່ການກະກຽມເປີດສົກຮຽນໃໝ່ ທີ່ຈະມາເຖິງນີ້, ໃນວັນທີ 10 ສິງຫາຜ່ານມາ, ພະແນກອຸດສາຫະກຳ ແລະ ການຄ້າແຂວງວຽງຈັນ ໄດ້ສົມທົບກັບຮ້ານຄ້າພາຍໃນເມືອງວຽງຄຳ ເປັນຕົ້ນແມ່ນຢູ່ເຂດເທດສະບານແຂວງວຽງຈັນ ໄດ້ເປີດຮ້ານຄ້າ ເພື່ອຈຳໜ່າຍສິນຄ້າ ອຸປະກອນການສຶກສາ ໃນລາຄານະໂຍບາຍ ພາຍໃຕ້ຊື່ “ ໂຄງການລາຄາອຸ່ນໃຈ”.

ສປປ ລາວ ໄດ້ຮັບຄວາມໄວ້ວາງໃຈ ເປັນເຈົ້າພາບຈັດການແຂ່ງຂັນກິລາປິ່ງປ່ອງ ຊີງແຊັມອາຊຽນ 2027

10/08/2026 14:30

ທ່ານ ສຳລານ ພັນຄະວົງ ປະທານສະຫະພັນກິລາປ່ອງປິ່ງແຫ່ງຊາດລາວ ໃຫ້ສຳພາດຕໍ່ສື່ມວນຊົນ ພາຍຫຼັງພິທີມອບຫຼຽນລາງວັນໃນວັນທີ 8 ສິງຫາ ຜ່ານມາ ວ່າ: ສຳລັບການຈັດແຂ່ງຂັນກິລາປິ່ງປ່ອງລະດັບໂລກ ລາຍການ "WTT Youth Contender Vientiane 2026" (ຄັ້ງທີ 4) ແລະ "WTT Feeder Series" (ຄັ້ງທີ 2) ປະຈຳປີ 2026 ທີ່ ສປປ ລາວເຮົາ ເປັນເຈົ້າພາບ ລະຫວ່າງວັນທີ 30 ກໍລະກົດ ຫາວັນທີ 8 ສິງຫາ 2026 ມີທີມນັກກິລາປິ່ງປ່ອງທົ່ວໂລກເຂົ້າຮ່ວມທັງໝົດ 22 ປະເທດ ມີ 403 ຄົນ ໃນນັ້ນເປັນລາຍການເຍົາວະຊົນ 276 ຄົນ ແລະ ຮຸ່ນທົ່ວໄປ 197 ຄົນ ຊຶ່ງທີມນັກກິລາເຈົ້າພາບລາວເຮົາ ໄດ້ສົ່ງນັກກິລາ ແລະ ຄູຝຶກເຂົ້າຮ່ວມທັງໝົດ 70 ຄົນ ອາຍຸ 9-19 ປີ ສຳລັບຮຸ່ນເຍົາວະຊົນ ແລະ ຮຸ່ນທົ່ວໄປ ມີ 16 ຄົນ ການແຂ່ງຂັນຈະມີທັງປະເພດດ່ຽວ ແລະ ປະເພດຄູ່ປະສົມ ອາຍຸບໍ່ເກີນ 11 ປີ, 13 ປີ, 15 ປີ, 17 ປີ ແລະ 19 ປີ ແລະ ຮຸ່ນທົ່ວໄປ ຊີງໄຊທັງໝົດ 32 ລາງວັນ.

ມອບອຸປະກອນການສຶກສາ ແລະ ເຄື່ອງອຸປະໂພກ-ບໍລິໂພກ ໃຫ້ນັກຮຽນໂຮງຮຽນປະຖົມບາຈຽງ

10/08/2026 13:23

ເມື່ອບໍ່ດົນມານີ້,ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ເມືອງບາຈຽງຈະເລີນສຸກ ແຂວງຈຳປາສັກ ສປປ ລາວ ຮ່ວມກັບ ຄະນະຊາວໜຸ່ມ ກຸ່ມບໍລິສັດ ອຸດສາຫະກຳຢາງພາລາ ສສ ຫວຽດນາມ ໄດ້ຈັດກິດຈະກຳເຄື່ອນໄຫວມອບອຸປະກອນການສຶກສາ ແລະ ເຄື່ອງອຸປະໂພກ-ບໍລິໂພກ ໃຫ້ນັກຮຽນຢູ່ໂຮງຮຽນປະຖົມບາຈຽງ (ບ້ານໜອງກອກ, ຕາແສງໜອງໃສ, ເມືອງບາຈຽງຈະເລີນສຸກ).

ກອງປະຊຸມເຜີຍແຜ່ເຊື່ອມຊຶມທິດທາງປັບປຸງຫຼັກສູດ 6+3+3

07/08/2026 13:41

ໃນວັນທີ 6 ສິງຫາ ນີ້, ກະຊວງສຶກສາທິການ ແລະ ກິລາ ໄດ້ຈັດກອງປະຊຸມເຜີຍ ແຜ່, ເຊື່ອມຊຶມທິດທາງການປັບປຸງຫຼັກສູດ 6+3+3 ແລະ ການສ້າງມະຫາວິທະຍາໄລສ້າງຄູແຫ່ງຊາດຂຶ້ນທີ່ຫ້ອງປະຊຸມໄອຊີທີ, ໃຫ້ກຽດເປັນປະທານໂດຍ ທ່ານ ທອງສະລິດ ມັງໜໍ່ເມກ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງສຶກສາທິການ ແລະ ກິລາ ແລະ ມີທ່ານປະທານກໍາມາທິການວັດທະນະທໍາ, ສັງຄົມ ແລະ ຊົນເຜົ່າສະພາແຫ່ງຊາດ; ບັນດາທ່ານຮອງປະທານຄະນະກຳມະການປົກຄອງນະຄອນຫຼວງ ແລະ ແຂວງທົ່ວປະເທດ, ຕາງໜ້າມະຫາວິທະຍາໄລແຫ່ງຊາດ, ຜູ້ອຳນວຍການມະຫາ ວິທະຍາໄລ, ບັນດາຜູ້ອຳນວຍການສະຖານການສຶກສາຄູ ແລະ ພາກສ່ວນພາກສ່ວນທີ່ກ່ຽວຂ້ອງເຂົ້າຮ່ວມ.

ຊາວໜຸ່ມອາສາສະໝັກ ສືບຕໍ່ພາລະກິດສ້າງອານາຄົດ ນໍານ້ອງຄືນສູ່ໂຮງຮຽນ

07/08/2026 13:25

ວັນທີ 4 ສິງຫາ ຜ່ານມານີ້, ຄະນະຊາວໜຸ່ມປະຊາຊົນປະຕິວັດລາວ ພະແນກສຶກສາທິການ ແລະ ກິລາ ຮ່ວມກັບຄະນະຊາວໜຸ່ມ ປະຊາຊົນປະຕິວັດລາວແຂວງຫຼວງພະບາງ ໄດ້ຕິດຕາມ ແລະຊຸກຍູ້ການເຮັດວຽກຂອງຊາວໜຸ່ມອາສາສະໝັກຕະລຸມບອນ ທີ່ລົງສິດສອນ ໄລຍະພັກພາກຮຽນ ຢູ່ໂຮງຮຽນປະຖົມສົມບູນ 4 ແຫ່ງ ຂອງເມືອງປາກອູ, ມີ ທ່ານ ມີນາ ຈັນມະນີ ຮອງຫົວໜ້າພະແນກສຶກສາທິການ ແລະ ກິລາ ແຂວງ, ທ່ານ ສົມໝາຍ ຂຸນດາວົງ ຮອງເລຂາຄະນະບໍລິຫານງານຊາວໜຸ່ມແຂວງ, ພ້ອມດ້ວຍເລຂາຄະນະຊາວໜຸ່ມຮາກຖານ ພະແນກສຶກສາທິການ ແລະ ກິລາ ແຂວງ, ເລຂາໜ່ວຍຊາວໜຸ່ມຮາກຖານ ໂຮງຮຽນມັດທະຍົມສົມບູນສັນຕິພາບ ພ້ອມດ້ວຍຄະນະ ເຂົ້າຮ່ວມ.

ສກຂ ວິລະບູລີ ສະຫຼຸບວຽກງານ 6 ເດືອນຕົ້ນປີ ພ້ອມປະກາດແຕ່ງຕັ້ງຜູ້ບໍລິຫານໂຮງຮຽນ

07/08/2026 13:20

ວັນທີ 4 ສິງຫາ 2026 ຢູ່ທີ່ສະໂມສອນເມືອງວິລະບູລີ, ຫ້ອງການສຶກສາທິການ ແລະ ກິລາ ເມືອງວິລະບູລີ ແຂວງສະຫວັນນະເຂດ ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານການສຶກສາ ປະຈຳ 6 ເດືອນຕົ້ນປີ ແລະ ກຳນົດທິດທາງແຜນການ 6 ເດືອນທ້າຍປີ 2026, ໂດຍການເປັນປະທານຮ່ວມຂອງ ທ່ານ ໄພມະນີ ວົງໄຊຄຳ ຄະນະປະຈຳພັກເມືອງຮອງປະທານຄະນະກຳມະການປົກຄອງເມືອງວິລະບູລີ ແລະ ທ່ານ ສີພະຈັນ ກອງທອງມາ ກຳມະການພັກເມືອງຫົວໜ້າຫ້ອງການສຶກສາທິການ ແລະ ກິລາເມືອງ, ມີບັນດາຄະນະຫ້ອງການ, ວິຊາການ, ຜູ້ບໍລິຫານໂຮງຮຽນ ແລະ ຄູ-ອາຈານ ຈາກໂຮງຮຽນປະຖົມ, ມັດທະຍົມຕົ້ນ ແລະ ມັດທະຍົມປາຍທົ່ວເມືອງວິລະບູລີ ເຂົ້າຮ່ວມ.

ມຊ ເນັ້ນໃສ່ 4 ປັດໄຈຫຼັກ ພັດທະນາບຸກຄະລາກອນສື່ສານມວນຊົນ ໃຫ້ເປັນມືອາຊີບ ແລະ ທັນກັບຍຸກສະໄໝ

05/08/2026 13:30

ມະຫາວິທະຍາໄລແຫ່ງຊາດ (ມຊ) ກໍຄືພາກວິຊາສື່ສານມວນຊົນ ຄະນະອັກສອນສາດ ມຊ ໄດ້ມີການຄົ້ນຄວ້າ ແລະ ຫັນປ່ຽນຫຼັກສູດການຮຽນ-ການສອນສະບັບໃໝ່ ໂດຍຫັນຈາກ "ທິດສະດີດັ້ງເດີມ" ໄປສູ່ "ການປະສົມປະສານທັກສະເຕັກໂນໂລຊີ ແລະ ການປະຕິບັດຕົວຈິງ" ຢ່າງຮອບດ້ານ ແນໃສ່ການພັດທະນາບຸກຄະລາກອນສື່ສານມວນຊົນ ໃຫ້ເປັນມືອາຊີບ ແລະ ທັນກັບຍຸກສະໄໝ ໂດຍເນັ້ນໃສ່ 4 ປັດໄຈຫຼັກ.

ກົມໃຫຍ່ພະລາທິການກອງທັບ ສ້າງຂະບວນການແຂ່ງຂັນກິລາຍິງປືນ

04/08/2026 14:28

ກົມໃຫຍ່ພະລາທິການກອງທັບ ສ້າງຂະບວນການແຂ່ງຂັນກິລາຍິງປືນ ເພື່ອຂໍ່ານັບຮັບຕ້ອນວັນສ້າງຕັ້ງກົມໃຫຍ່ພະລາທິການກອງທັບ ຄົບຮອບ 70 ປີ (5 ສິງຫາ 1956-5 ສິງຫາ 2026) ຂຶ້ນໃນວັນທີ 3 ສິງຫາ ຜ່ານມາ, ໂດຍການເປັນປະທານຂອງສະຫາຍ ພົນຕີ ຈັນດີ ສຸລິວົງສັກ ຫົວໜ້າກົມໃຫຍ່ພະລາທິການກອງທັບ ມີຄະນະນໍາກົມໃຫຍ່, ຄະນະພັກ-ຄະນະບັນຊາ, ຄະນະຮັບຜິດຊອບ ແລະ ນັກກິລາເຂົ້າຮ່ວມ.

ງານທ່າແຂກ ໄບລ໌ຄິງ ຊາເລນຈ໌ ຕັ້ງເປົ້າຍົກລະດັບການທ່ອງທ່ຽວ ແຂວງຄໍາມ່ວນ

04/08/2026 10:59

ງານ ກິດຈະກຳ “ທ່າແຂກ ໄບລ໌ຄິງ ຊາເລນຈ໌” (ThaKhaek Biking Challenge) ໄດ້ ໂດຍມີນັກປັ່ນຈາກຫຼາຍແຂວງ ແລະ ຫຼາຍປະເທດເຂົ້າຮ່ວມຢ່າງຄຶກຄື້ນ ເພື່ອພິສູດຄວາມອຶດທົນ ຄວາມແຂງແຮງ ແລະ ຮ່ວມສົ່ງເສີມການທ່ອງທ່ຽວຂອງແຂວງຄຳມ່ວນ ໄດ້ຈັດຂຶ້ນໃນວັນທີ 2 ສິງຫາ 2026 ຢູ່ຕໍ່ໜ້າຫໍມູນເຊື້ອ 21 ມີນາ (ນໍ້າພຸ) ເມືອງທ່າແຂກ ແຂວງຄໍາມ່ວນ.

ເພີ່ມເຕີມ