 |
ສະຫາຍ ແກ້ວອຸດອນ ບຸດສິງຂອນ ໄດ້ລາຍງານໂດຍສັງເຂບກ່ຽວກັບຄວາມຄືບໜ້າຂອງການກະກຽມເນື້ອໃນກອງປະຊຸມໃຫຍ່ຄັ້ງທີ XI ອົງຄະນະພັກແຂວງ ໂດຍສະເພາະແມ່ນດ້ານເນື້ອໃນຮ່າງລາຍງານການເມືອງ, ແຜນພັດທະນາເສດຖະກິດ-ສັງຄົມໂດຍລວມແມ່ນໄດ້ສໍາເລັດໃນຂັ້ນພຶ້ນຖານ, ພ້ອມນີ້ ຍັງໄດ້ສະເໜີໃຫ້ຄະນະຮັບຜິດຊອບຊຸກຍູ້ກະກຽມເນື້ອໃນ ຊ່ວຍຄົ້ນຄວ້າເບິ່ງຄືນຄໍາຂວັນຂອງແຂວງໃຫ້ສັ້ນກະທັດຮັດສ່ອງແສງຕາມທິດຊີ້ນໍາຂອງລັດຖະບານ, ເບິ່ງຊ່ວຍດ້ານແຜນການກຳນົດທິດທາງຄາດ ໝາຍລວມໃນຕໍ່ໜ້າ, ເພື່ອປັບປຸງໃຫ້ມີຄວາມສອດຄ່ອງ, ແທດເໝາະ, ໃຫ້ມີຄວາມສົມບູນຂຶ້ນຕື່ມ ທັງຮັບປະກັນການກະກຽມເນື້ອໃນແກ່ການດໍາເນີນກອງປະຊຸມໃຫຍ່ອົງຄະນະພັກແຂວງ ທີ່ຈະໄຂຂຶ້ນໃນລະຫວ່າງ ວັນທີ 29-30 ກັນຍາ ທີ່ຈະມາເຖິງນີ້.
ໃນທີ່ປະຊຸມ, ຄະນະລົງຊ່ວຍວຽກກະກຽມເນື້ອໃນກອງປະຊຸມໃຫຍ່ຂັ້ນສູງກາງ - ທ້ອງຖິ່ນ ແລະ ຄະນະກໍາມະການຮັບຜິດຊອບວຽກກະກຽມເນື້ອໃນກອງປະຊຸມໃຫຍ່ຄັ້ງທີ XI ອົງຄະນະພັກແຂວງກໍໄດ້ພ້ອມກັນປຶກສາຫາລື, ປະກອບຄໍາຄິດເຫັນໃສ່ຮ່າງລາຍງານການເມືອງທັງ 2 ພາກ. ທັງນີ້ແມ່ນໄດ້ອີງໃສ່ໝາກຜົນຂອງການຈັດຕັ້ງປະຕິບັດ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນໄລຍະ 5 ປີຜ່ານມາ (2021-2025) ພ້ອມນັ້ນຍັງໄດ້ມີການຄົ້ນຄວ້າໃນການກໍານົດເນື້ອໃນຄໍາຂວັນຂອງກອງປະຊຸມເພື່ອໃຫ້ສອດຄ່ອງກັບຈຸດພິເສດ, ທ່າແຮງບົ່ມຊ້ອນຂອງແຂວງລວມເຖິງການກໍານົດຄາດໝາຍລວມ ແລະ ທິດທາງແຜນການໃນ 5 ປີຕໍ່ໜ້າ (2026-2030).
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ