 |
ການພົບປະຄັ້ງນີ້ ທັງສອງຝ່າຍໄດ້ເອກະພາບກັນບາງເນື້ອໃນການຮ່ວມມືໃນຕໍ່ໜ້າດັ່ງນີ້: ສືບຕໍ່ປະສານສົມທົບໃນວຽກງານເຜີຍແຜ່ໂຄສະນາ ກ່ຽວກັບສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ກໍຄື ຄະນະພັກ ແລະ ປະຊາຊົນ ສອງແຂວງ, ພິເສດ ແມ່ນສາຍພົວພັນມິດຕະພາບ, ການຮ່ວມມື ລະຫວ່າງ ຄະນະໂຄສະນາອົບຮົມແຂວງຄຳມ່ວນ ແລະ ຄະນະໂຄສະນາສຶກສາ ແລະ ຂົນຂວາຍມະຫາຊົນພັກ ແຂວງກວາງຈິ, ສອງຝ່າຍຮ່ວມກັນຄົ້ນຄວ້າ, ຮ່ວມມືໃນການກໍ່ສ້າງແຜນງານ ແລະ ຈັດຕັ້ງປະຕິບັດເຜີຍແຜ່ໂຄສະນາ ກ່ຽວກັບວັນສຳຄັນຂອງ ສອງພັກ, ສອງລັດ ແລະ ສອງແຂວງ, ເອກະພາບກັນປະສານສົມທົບຄັດເລືອກເອົາເອກະສານ ແລະ ສິ່ງພິມຕ່າງໆ ເພື່ອນຳມາແປເປັນເອກະສານໃນການເຜີຍແຜ່ໂຄສະນາ, ຮ່ວມມືພັດທະນາຜະລິດຕະພັນທີ່ໃຫ້ຂໍ້ມູນຂ່າວສານ ແລະ ເຜີຍແຜ່ໂຄສະນາໃນແຂວງຄຳມ່ວນ ແລະ ແຂວງກວາງຈິ, ດຳເນີນການຄົ້ນຄວ້າເພື່ອເປັນເສນາທິການເຜີຍແຜ່ໂຄສະນາ ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 65 ປີ (5/9/2062-5/9/2027) ແລະ ວັນເຊັນສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ຄົບຮອບ 50 ປີ (18/7/1977-18/7/2027); ແລກປ່ຽນຂໍ້ມູນຂ່າວສານ, ບົດຮຽນ ວຽກງານການຈັດຕັ້ງ, ຊີ້ນຳ, ຄຸ້ມຄອງ ແລະ ການເຄື່ອນໄຫວວິຊາສະເພາະໃນຂົງເຂດວຽກງານເຜີຍແຜ່ ໂຄສະນາອົບຮົມ ແລະ ໂຄສະນາສຶກສາ ຢ່າງເປັນປົກກະຕິ, ແລກປ່ຽນຂໍ້ມູນຂ່າວສານຢ່າງທັນການກ່ຽວກັບບັນຫາ ແລະ ເນື້ອໃນທີ່ອາດຈະສົ່ງຜົນກະທົບຕໍ່ວຽກງານການເມືອງ, ແນວທາງການພັດທະນາຂອງສອງພັກ ແລະ ສາຍພົວພັນລະຫວ່າງສອງແຂວງ, ສອງຝ່າຍຮ່ວມກັນຄົ້ນຄ້ວາ, ປະສານສົມທົບກັນ ເພື່ອຈັດຕັ້ງການເຄື່ອນໄຫວທັດສະນະສຶກສາ, ຮໍ່າຮຽນ, ແລກປ່ຽນບົດຮຽນຮ່ວມກັນ ໃນເວລາທີ່ມີເງື່ອນໄຂສະດວກ, ເພີ່ມທະວີການນໍາສະເໜີ, ສົ່ງເສີມທ່າແຮງ, ຄວາມສາມາດບົ່ມຊ້ອນ ເພື່ອສ້າງໂອກາດໃຫ້ວິສາຫະກິດທັງສອງປະເທດ ຊອກຫາການຮ່ວມມື ແລະ ການລົງທຶນ, ສຶບຕໍ່ຈັດຕັ້ງການເຄື່ອນໄຫວພົບປະ, ແລກປ່ຽນບົດຮຽນ ລະຫວ່າງ ຄະນະໂຄສະນາອົບຮົມແຂວງຄຳມ່ວນ ກັບ ຄະນະໂຄສະນາສຶກສາ ແລະ ຂົນຂວາຍມະຫາຊົນພັກ ແຂວງກວາງຈິ ໂດຍການຜັດປ່ຽນກັນເປັນເຈົ້າພາບ (2 ປີຕໍ່ 1 ຄັ້ງ) ໃນປີ 2028, ຄະນະໂຄສະນາສຶກສາ ແລະ ຂົນຂວາຍມະຫາຊົນພັກ ແຂວງກວາງຈິ ຈະເປັນເຈົ້າພາບຈັດຕັ້ງກອງປະຊຸມ ແລະ ເຊີນຄະນະໂຄສະນາອົບຮົມແຂວງຄຳມ່ວນ ເດີນທາງໄປຢ້ຽມຢາມ, ແລກປ່ຽນບົດຮຽນ.
 |
ເຂົ້າຮ່ວມກອງປະຊຸມພົບປະ ແລະ ລົງນາມໃນບົດບັນທຶກການຮ່ວມມືໃນຄັ້ງນີ້ ຝ່າຍແຂວງຄໍາມ່ວນ ແມ່ນທ່ານ ນວນຕາ ແກ້ວນະວົງ ກຳມະການພັກແຂວງ, ຫົວໜ້າຄະນະໂຄສະນາອົບຮົມແຂວງຄໍາມ່ວນ ພ້ອມຄະນະ, ຝ່າຍແຂວງກວາງຈິ ທ່ານ ເຈືອງ ອານ ນິງ ກຳມະການປະຈໍາພັກແຂວງ, ຫົວໜ້າຄະນະໂຄສະນາສຶກສາ ແລະ ຂົນຂວາຍມະຫາຊົນພັກ ແຂວງກວາງຈິ ພ້ອມຄະນະ.
ຂ່າວ: ກອງຄໍາ
ຄໍາເຫັນ