ຄຳມ່ວນປາ​ຖະ​ກະ​ຖາວັນລັດຖະທຳມະນູນແລະວັນຢຶດອຳນາດ

ທ່ານໄຊຊະນະໂຄດພູທອນໄດ້ຍົກໃຫ້ເຫັນເຖິງຄວາມໝາຍຄວາມສຳຄັນຂອງລັດຖະທໍາມະນູນແຫ່ງສປປລາວ. ລັດຖະທໍາມະນູນແມ່ນກົດໝາຍພື້ນຖານຂອງຊາດທີ່ກໍານົດບັນຫາໃຫຍ່, ຫຼັກການໃຫຍ່ກ່ຽວກັບລະບອບການເມືອງ, ລະບອບເສດຖະກິດ-ສັງຄົມ, ການປ້ອງກັນຊາດ-ປ້ອງກັນຄວາມສະຫງົບ, ສິດແລະພັນທະພື້ນຖານຂອງພົນລະເມືອງ, ລະບົບການຈັດຕັ້ງອໍານາດແຫ່ງລັດ ( ສະພາແຫ່ງຊາດ, ປະທານປະເທດ, ລັດຖະບານສະພາປະຊາຊົນທ້ອງຖິ່ນ, ອົງການປົກຄອງທ້ອງຖິ່ນ, ສານປະຊາຊົນ, ອົງການໄອຍະການປະຊາຊົນ, ການກວດກາລັດແລະການກວດສອບແຫ່ງລັດ), ພາສາ, ອັກສອນ, ເຄື່ອງໝາຍຊາດ, ທຸງຊາດ, ເພງຊາດ, ວັນຊາດ, ສະກຸນເງິນແລະນະຄອນຫຼວງ.

ລັດຖະທໍາມະນູນແມ່ນກົດໝາຍແມ່ຫຼືແມ່ຂອງກົດຫມາຍໂດຍອີງໃສ່ລັດຖະທໍາມະນູນລັດເຮົາໄດ້ຄົ້ນຄວ້າແລະປະກາດໃຊ້ກົດໝາຍໃນແຕ່ລະຂະແໜງການ, ແຕ່ລະຂົງເຂດໄດ້ຈໍານວນທັງຫມົດ171ສະບັບ. ໃນນັ້ນ, ຂົງເຂດການປົກຄອງແລະຍຸຕິທໍາຈໍານວນ32ສະບັບ, ຂົງເຂດເສດຖະກິດຈໍານວນ77ສະບັບ, ຂົງເຂດວັດທະນະທໍາ-ສັງຄົມຈໍານວນ45ສະບັບ, ຂົງເຂດປ້ອງກັນຊາດ-ປ້ອງກັນຄວາມສະຫງົບຈໍານວນ12ສະບັບ, ຂົງເຂດການຕ່າງປະເທດຈໍານວນ5ສະບັບແລະວຽກງານອຶ່ນໆອີກຈຳນວນໜຶ່ງ.

ໃນພິທີດັ່ງກ່າວຍັງໄດ້ຮັບຟັງການປາຖະກະຖາວັນຢຶດອຳນາດຄົບຮອບ81 ປີ (23 ສິງຫາ1945-23 ສິງຫາ2026) ແລະຄົບຮອບ51 ປີວັນຍຶດອໍານາດທົ່ວປະເທດ (23 ສິງຫາ1975-23 ສິງຫາ2026) ຈາກທ່ານສົມໃຈພານິຈັນຕື່ມອີກ.