 |
ທ່ານ ຄໍາສະຫວັນ ໂຄດໄຊ ຫົວໜ້າຄະນະໂຄສະນາອົບຮົມ ນວ ກ່າວວ່າ:ຂະບວນການແຂ່ງຂັນກິລາບານເຕະມິດຕະພາບຄັ້ງນີ້: ກໍເພື່ອເປັນການສະເຫຼີມສະຫຼອງວັນສື່ມວນຊົນ ຄົບຮອບ 76 ປີ (13 ສິງຫາ 1950-13 ສິງຫາ 2026) ວັນປະກາດເອກະລາດ ວັນທີ 23 ສິງຫາ ຄົບຮອບ 81 ປີ (23 ສິງຫາ 1945-23 ສິງຫາ 2026) ວັນລັດຖະທໍາມະນູນ 15 ສິງຫາ ຄົບຮອບ 35 ປີ (15 ສິງຫາ1991-2026) ພິເສດແມ່ນເປັນການສະເຫຼີມສະຫຼອງຜົນສະເລັດໃນການເຊື່ອມຊຶມ ເຜີຍແຜ່ ຜັນຂະຫຍາຍຜົນ ສຳເລັດມະຕິກອງປະຊຸມໃຫຍ່ ຄັ້ງທີ XII ຂອງພັກ ຕິດພັນກັບມະຕິກອງປະຊຸມໃຫຍ່ ຄັ້ງທີ VIII ຂອງຄະນະບໍລິຫານພັກ ອົງການປົກຄອງ ນວ ແລະ ແຜນພັດທະນາເສດຖະກິດ-ສັັງຄົມ 5 ປີ ຄັ້ງທີ IX ໃຫ້ປະກົດຜົນເປັນຈິງ.
ການເຂ່ງຂັນເຕະບານໃນຄັ້ງນີ້ ປະກອບມີ 4 ທີມເຂົ້າຮ່ວມຄື: ທີມບໍລິສັດ ເບຍລາວ ຈໍາກັດ, ວິສາຫະກິດສ່ວນບຸກຄົນ ໝາຍເວ ,ສ່ວຍສາ ອາກອນ ນວ ແລະ ທີມລາວສະປອດ ມີເດຍ, ພິເສດ ມີຄູ່ກິດຕິ ມະສັກ ລະຫວ່າງ ທີມການນໍາ ນວ ພົບກັບ ທີມລວມສື່ມວນຊົນສູນກາງ ເຊິ່ງບັນຍາກາດຂອງການແຂ່ງຂັນ ແມ່ນເຕັມໄປດ້ວຍການຮັດແໜ້ນຄວາມສາມັກຄີ ເຊິ່ງກັນ ແລະ ກັນ ມີນ້ຳໃຈນັກກີ ລາ ຮູ້ແພ້-ຮູ້ຊະນະ ແລະ ຮູ້ໃຫ້ອະໄພ ງານໃນຄັ້ງນີ້ ກໍເປັນການສ້າງຂະບວນການໃຫ້ມີບັນຍາກາດຢ່າງຟົດຟື້ນ ມ່ວນຊື່ນ ເຖິງ ຢ່າງໃດກໍຕາມ ຂ້າພະເຈົ້າໜັ້ນໃຈວ່າ ກິດຈະກຳໃນຄັ້ງນີ້ ຈະດຳເນີນງານເຕັມໄປດ້ວຍບັນຍາກາດທີ່ດີ ມີຄວາມມ່ວນຊື່ນ ມີຄວາມສາມັກຄີຮັກແພງ ແລະ ເຮັດໃຫ້ງານໃນຄັ້ງນີ້ ປະສົບຜົນ ສຳເລັດຢ່າງຈົບງານ.
ຜ່ານການແຂ່ງຂັນຜົນປາກົດວ່າ: ທີ1 ທີມສ່ວຍ ສາອາກອນ ນວ ,ທີ2 ທີມລາວສະປອດ ມີເດຍ ,ທີ 3 ທີມວິສາຫະກິດສ່ວນບຸກຄົນ ໝາຍເວ ແລະ ທີ 4 ທີມບໍລິສັດ ເບຍລາວ ສ່ວນຄູ່ກິດຕິມະສັກ ເປັນຝ່າຍທີມການນໍາ ນວ ເອົາຊະນະ ທີມທີມລວມສື່ມວນຊົນສູນກາງ 7-5 ປະຕູ.
ການແຂ່ງຂັນບານເຕະມິດຕະພາບຄັ້ງນີ້ ແມ່ນໄດ້ຮັບການສະ ໜັບສະໜູນຈາກພາກສ່ວນຕ່າງໆ ປະກອບມີ:ວິສາຫະກິດສ່ວນບຸກຄົນ ໝາຍເວ ເປັນເຄື່ອງກິລາຈໍານວນ 220 ກວ່າຊຸດ ລວມມູນຄ່າ 50 ລ້ານກວ່າກີບ ,ສ່ວຍສາອາກອນ ນວ 20 ລ້ານກີບ ,ບໍລິສັດ ເບສະຫວັນ ຈໍາກັດ ອຸປະຖໍານໍ້າດື່ມ+ເດີ່ນເຕະບານ, ບໍລິສັດ ເບຍລາວ ຈຳກັດ ແລະ ພາກສ່ວນອື່ນໆອີກຈໍານວນໜຶ່ງ.(ຂ່າວ:ຕຸໄລເພັດ)
ຄໍາເຫັນ