ຄະນະໂຄສະນາອົບຮົມ ນວ ຮ່ວມກັບລັດວິສາຫະກິດນໍ້າປະປານະຄອນຫຼວງ ຈັດແຂ່ງຂັນເຕະບານມິດຕະພາບ

ໃນວັນທີ 2 ກໍລະກົດນີ້ ທັບນັກກິລາ ແລະ ຄູຝຶກຂອງສະໂມສອນ ເບສະຫວັນ ເອັບຊີ (Baysanvanh FC) ໄດ້ເດີນທາງຈາກນະຄອນຫຼວງວຽງຈັນ ສປປ ລາວ ມຸ່ງໜ້າສູ່ແຂວງຊຽງໃໝ່ ປະເທດໄທ ເພື່ອເຂົ້າຮ່ວມການແຂ່ງຂັນບານເຕະເຍົາວະຊົນນານາຊາດ ລາຍການ "COPA NAKA 2026 – U10" ຊຶ່ງລາຍການນີ້ ຖືເປັນເວທີໃຫຍ່ທີ່ເຕົ້າໂຮມເອົາທີມເຍົາວະຊົນຊັ້ນນຳຈາກຫຼາຍປະເທດ ໃນທະວີບອາຊີມາປະຊັນແຂ່ງຂັນກັນ.

ສະຫະພັນກິລາລົດຖີບແຫ່ງຊາດລາວ ປະສົບຜົນສຳເລັດຢ່າງຈົບງາມໃນການຈັດການແຂ່ງຂັນລົດຖີບ ຊີງແຊັມປະເທດລາວ ປະຈຳປີ 2026 ລະຫວ່າງວັນທີ 27-28 ມິຖຸນາ ຜ່ານມາ ໂດຍມີນັກກິລາຈາກທົ່ວປະເທດເຂົ້າຮ່ວມຊີງໄຊຢ່າງຄຶກຄື້ນ ພາຍໃຕ້ສະພາບອາກາດທີ່ຮ້ອນເອົ້າ ແຕ່ເຕັມໄປດ້ວຍຄວາມດຸເດືອດ.

ສະຖາບັນຄົ້ນຄວ້າວິທະຍາສາດການສຶກສາ (ສວສ) ກະຊວງສຶກສາທິການ ແລະ ກິລາ (ສສກ) ຮ່ວມກັບ ມູນນິທິຍີ່ປຸ່ນ ປະຈຳນະຄອນຫຼວງວຽງຈັນ (JF) ໄດ້ຈັດພິທີເປີດການຝຶກອົບຮົມພັກແລ້ງສໍາລັບຄູສອນພາສາຍີ່ປຸ່ນ ປະຈຳໂຮງຮຽນມັດທະຍົມສຶກສາ ໃນນະຄອນຫຼວງວຽງຈັນ (ນວ) ປະຈຳປີ 2026 ຂຶ້ນໃນວັນທີ 1 ກໍລະກົດຜ່ານມາ, ໂດຍການໃຫ້ກຽດເຂົ້າຮ່ວມຂອງທ່ານ ຄູຊາກາເບະ ໂຢຊຸເກະ (Kusakabe Yosuke) ຜູ້ຕາງໜ້າມູນນິທິຍີ່ປຸ່ນ ປະຈຳ ສປປ ລາວ ແລະ ທ່ານ ນາງ ຈະເລີນສັກ ຄຳສັກປະສິດ ຫົວໜ້າພະແນກບໍລິຫານ ສວສ ພ້ອມດ້ວຍຫົວໜ້າພະແນກ, ຜູ້ອຳນວຍການໂຮງຮຽນ ແລະ ບັນດາຄູ-ອາຈານ ທີ່ກ່ຽວຂ້ອງເຂົ້າຮ່ວມ.

ການສອບເສັງຄັດເລືອກເອົາທຶນການສຶກສາ ຢູ່ ສສ ຫວຽດນາມ ແລະ ສປ ຈີນ ສົກຮຽນ 2026-2027 ຂອງແຂວງຫຼວງພະບາງ ໄດ້ຈັດຂຶ້ນວັນທີ 30 ມິຖຸນາ 2026 ນີ້ ທີ່ໂຮງຮຽນມັດທະຍົມສົມບູນ ສັນຕິພາບ ນະຄອນ ຫຼວງພະບາງ, ໂດຍມີ ທ່ານ ບຸນເສັງ ພິລາວັນ ຮອງຫົວໜ້າພະແນກສຶກສາທິການ ແລະ ກິລາແຂວງ, ພ້ອມດ້ວຍ ຫົວໜ້າ-ຮອງຫົວໜ້າຂະແໜງ, ຄະນະຮັບຜິດຊອບ, ກຳມະການຍາມຫ້ອງສອບເສັງ ແລະນັກສອບເສັງ ເຂົ້າຮ່ວມ.

ຫວ່າງມໍ່ໆມານີ້ ທີ່ກະຊວງສຶກສາທິການ ແລະ ກິລາ (ສສກ) ໄດ້ຈັດພິທີເປີດບັ້ນສອບເສັງຈົບຊັ້ນມັດທະຍົມສຶກສາຕອນປາຍບຳລຸງ (ມ7) ທົ່ວປະເທດ ປະຈໍາສົກຮຽນ 2025-2026 ຂຶ້ນຢ່າງເປັນທາງການ ໃນຮູບແບບເຊິ່ງໜ້າ ແລະ ທາງໄກ (ອອນລາຍ) ໂດຍການເປັນປະທານຂອງທ່ານ ນາງ ດາລາວອນ ກິດຕິພັນ ຮອງລັດຖະມົນຕີກະຊວງ ສສກ, ມີບັນດາຫົວໜ້າກົມ-ຮອງກົມ, ຄະນະຮັບຜິດຊອບຈາກພະແນກ ສສ ນວ ແລະ 17 ແຂວງໃນທົ່ວປະເທດ, ຕະຫຼອດຮອດຄູ-ອາຈານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ຄອບຄົວ ທ່ານທູດ ສຸທຳ ສາກົນນິຍົມ ແລະ ທ່ານທູດ ມະໄລວຽງ ສາກົນນິຍົມ ໄດ້ຈັດພິທີມອບປຶ້ມທີ່ມີຊື່ວ່າ “ຈົດໝາຍເຖິງຫຼານ” ທີ່ຂຽນໂດຍ ທ່ານປະທານປະເທດ ທອງລຸນ ສີສຸລິດ ສະບັບພາສາລາວ ແລະ ພາສາອັງກິດ ໃຫ້ຫ້ອງສະໝຸດຂອງໂຮງຮຽນ ມັດທະຍົມລາວ ແລະ ໂຮງຮຽນມັດທະຍົມນາໆຊາດ ຈໍານວນ 20 ໂຮງຮຽນ ໃນວັນທີ 29 ມິຖຸນາຜ່ານມານີ້ ທີ່ ນະຄອນຫຼວງວຽງຈັນ.

ເພື່ອກະກຽມຄວາມພ້ອມດ້ານບຸກຄະລາກອນສຶກສາ ແລະ ທົດແທນຄູທີ່ສູນເສຍໄປໃນແຕ່ລະປີ, ໃນວັນທີ 26 ມິຖຸນາຜ່ານມາ, ພະແນກສຶກສາທິການ ແລະ ກິລາ (ສກຂ) ແຂວງຄໍາມ່ວນ ໄດ້ຈັດກອງປະຊຸມປະຖົມນິເທດໃຫ້ຄູອາສາສະໝັກ ທີ່ຈະໄດ້ຮັບການພິຈາລະນາບັນຈຸເຂົ້າເປັນລັດຖະກອນຄູໃໝ່ ປະຈຳປີ 2026 ພາຍໃຕ້ການເປັນປະທານຂອງທ່ານ ນາງ ສຸກຂະເສີມ ສິດທິເດດ ຫົວໜ້າພະແນກ ສກຂ ຄໍາມ່ວນ, ມີຫົວໜ້າ-ຮອງຫົວໜ້າຂະແໜງການ ພ້ອມດ້ວຍຄູອາສາສະໝັກຈຳນວນ 95 ທ່ານ.

ຫ້ອງວ່າການນະຄອນຫຼວງວຽງຈັນ (ນວ) ຈັດພິທີຕ້ອນຮັບ ແລະ ງານລ້ຽງອາຫານເບົາ ເພື່ອຊົມເຊີຍຜົນສໍາເລັດການແຂ່ງຂັນຂອງນັກເຕະຮຸ່ນອາຍຸບໍ່ເກີນ 10 ປີ (U-10) ສະໂມສອນ ເບ ສະຫວັນ ເອັບຊີ ຫຼັງສ້າງຜົນງານທີ່ພົ້ນເດັ່ນໃນການແຂ່ງຂັນເຕະບານເຍົາວະຊົນນາໆຊາດ ລາຍການ VIETNAM INTERNA TIONAL ACF FOOTBALL TOURNAMENT ຢູ່ ສສ ຫວຽດນາມ ຂຶ້ນເມື່ອບໍ່ດົນມານີ້ຢູ່ຫ້ອງວ່າການ ນວ, ໂອກາດດັ່ງກ່າວທ່ານ ສີລິລາດທົງສິນ ທອງເພັງ ປະທານຄະນະກໍາມະການປົກ ຄອງ ນວ ກໍໄດ້ມອບເງິນປະກອບສ່ວນຊຸກຍູ້ທີມ 40 ລ້ານກີບ ຕາງໜ້າກ່າວຮັບຂອງ ທ່ານ ບຸນມີ ຫຼ່ຽມໄຊຍະຈັກ ປະທານສະຫະພັນບານເຕະຄົນພິການຕາແຫ່ງຊາດລາວ ຮອງປະທານສະຫະພັນບານເຕະ ນວ ປະທານກິດຕິມະສັກສະໂມສອນ ເບ ສະຫວັນ ເອັບຊີ ພ້ອມດ້ວຍຮອງປະທານຄະນະກໍາມະການປົກຄອງ ນວ ຄະນະປະທານທີ່ປຶກສາກິດຕິມະສັກສະໂມສອນ ເບ ສະຫວັນ ເອັບຊີ ຜູ້ຕາງໜ້າພະແນກ, ເມືອງ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ພິທີເປີດອົບຮົມ-ຫັດແອບວິຊາສຶກສາປ້ອງກັນຊາດ (ປກຊ)-ປ້ອງກັນຄວາມສະຫງົບ (ປກສ) ໃຫ້ນັກຮຽນຊັ້ນມັດທະຍົມສຶກສາຕອນປາຍ (ມ7) ທົ່ວເມືອງທ່າແຕງ ແຂວງເຊກອງ ປະຈຳສົກຮຽນ 2025-2026 ຈັດຂຶ້ນໃນວັນທີ 22 ມິຖຸນາຜ່ານມາ, ທີ່ໂຮງຮຽນ ມສ ທ່າແຕງ, ໂດຍການເປັນປະທານຂອງທ່ານ ພັທ ຄໍາສະໄຫວ ບຸດດາຜົນ ຫົວໜ້າກອງບັນຊາການປ້ອງກັນຄວາມສະຫງົບເມືອງ ຮອງປະທານ ປກຊ-ປກສ ເມືອງ, ມີທ່ານ ວິຊິດ ຫຼວງຄໍາຊາວ ຮອງຫົວໜ້າຫ້ອງການສຶກສາທິການ ແລະ ກິລາເມືອງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ຊຸດຝຶກອົບຮົມການນໍາໃຊ້ອຸປະກອນຊ່ວຍເຫຼືອຄູ ແລະ ການສອນຫ້ອງຄວບ ໃຫ້ຄູສອນຊັ້ນປະຖົມ ປ1- ປ5 ທົ່ວເມືອງວຽງຄໍາ ແຂວງຫຼວງພະບາງ ຈັດຂຶ້ນໃນວັນທີ 20 ມິຖຸນາຜ່ານມາ, ທີ່ສະໂມສອນເມືອງ, ມີທ່ານ ສຸລິເດດ ແກ້ວບົວລະເພັດ ຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ ພ້ອມດ້ວຍແຂກຮັບເຊີນ ແລະ ຄູສອນຊັ້ນປະຖົມທົ່ວເມືອງເຂົ້າຮ່ວມ.