 |
ສະຫາຍ ຫງວຽນ ຮວ່າງ ຢາງ ໄດ້ກ່າວອວຍພອນ ມາຍັງຄະນະນຳພັກ-ຄະນະນໍາ ແລະ ປະຊາຊົນບັນດາເຜົ່າແຂວງເຊກອງ ຈົ່ງມີແຕ່ຄວາມສຸກຄວາມຈະເລີນ ແລະ ປະສົບຜົນສຳເລັດໃນທຸກຂົງເຂດວຽກງານ ໃນປີໃໝ່ທີ່ກຳລັງຈະມາເຖິງນີ້. ພ້ອມນີ້ ກໍໄດ້ຕີລາຄາສູງຕໍ່ການພົວພັນຮ່ວມມືໃນຫຼາຍດ້ານ ໃນໄລຍະຜ່ານມາ ລະຫວ່າງ ແຂວງກວາງຫງາຍ ກັບ ແຂວງເຊກອງ ໂດຍສະເພາະ ໃນດ້ານເສດຖະກິດ, ການຄ້າ, ການລົງທຶນ ແລະ ການພັດທະນາທາງດ້ານສັງຄົມ.
 |
ການມາອວຍພອນປີໃໝ່ລາວຄັ້ງນີ້, ແຂວງກວາງຫງາຍ ຍັງໄດ້ສະເໜີແນວທາງການເສີມສ້າງຄວາມຮ່ວມມື ໃນໄລຍະຕໍ່ໜ້າ ເພື່ອໃຫ້ເກີດປະໂຫຍດສູງສຸດ ແກ່ປະຊາຊົນ ສອງຊາດ ລາວ-ຫວຽດນາມ ກໍຄືປະຊາຊົນບັນດາເຜົ່າແຂວງເຊກອງ ແລະ ປະຊາຊົນແຂວງກວາງຫງາຍ ເປັນການສານຕໍ່ຄວາມສຳພັນ ມິດຕະພາບແບບພິເສດ ແລະ ຄວາມຮ່ວມມືແບບຮອບດ້ານ ໃຫ້ໝັ້ນຄົງຂະໜົງແກ່ນຕະຫຼອດໄປ.
ສະຫາຍ ຂັນຕິ ສີລະວົງສາ ກໍໄດ້ສະແດງຄວາມຂອບໃຈ ຕໍ່ຄະນະພັກ, ຄະນະນໍາ ແຂວງກວາງຫງາຍ ທີ່ໄດ້ມາຢ້ຽມຢາມ ແລະ ອວຍພອນປີໃໝ່ລາວຄັ້ງນີ້, ອັນໄດ້ສະແດງໃຫ້ເຫັນເຖິງສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືຮອບດ້ານ ລະຫວ່າງ ສອງແຂວງ ແລະ ເຊື່ອໝັ້ນວ່າ: ການພົວພັນ ຮ່ວມມື ຈະສືບຕໍ່ກວ້າງຂວາງກວ່າເກົ່າ ເພື່ອຕອບສະໜອງຕາມຄວາມມຸ້ງຫວັງຂອງປະຊາຊົນ, ປະກອບສ່ວນຢ່າງຕັ້ງໜ້າໃນການເພີ່ມທະວີສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ-ສອງລັດ ແລະ ປະຊາຊົນ ສອງຊາດ ລາວ-ຫວຽດນາມ, ຫວຽດນາມ-ລາວ ເວົ້າລວມ, ເວົ້າສະເພາະ ລະຫວ່າງ ແຂວງເຊກອງ ກັບ ແຂວງກວາງຫງາຍ ໂດຍປັດຈຸບັນ ແຂວງເຊກອງ ກໍມີທ່າແຮງບົ່ມຊ້ອນຫຼາຍດ້ານ ເໝາະແກ່ການລົງທຶນ ບໍ່ວ່າຈະເປັນດ້ານກະສິກຳ, ການຄ້າ-ການບໍລິການ ແລະ ການທ່ອງທ່ຽວ ຊຶ່ງຍິນດີຈະສ້າງເງື່ອນໄຂໃຫ້ນັກລົງທຶນ ຈາກ ສສ ຫວຽດນາມ ເຂົ້າມາສຶກສາສໍາຫຼວດຄວາມເປັນໄປໄດ້ໃນການລົງທຶນ ເພື່ອປະກອບສ່ວນພັດທະນາເສດຖະກິດ-ສັງຄົມຂອງແຂວງເຊກອງ ໃຫ້ຂະຫຍາຍຕົວຢ່າງຕໍ່ເນື່ອງ; ຈາກນັ້ນ, ການນໍາແຂວງກວາງຫງາຍ ກໍໄດ້ມອບເງິນ 500 ລ້ານດົ້ງ ເພື່ອຊຸກຍູ້ການພັດທະນາເສດຖະກິດ-ສັງຄົມແຂວງເຊກອງ.
(ຂ່າວ: ອັດສະວິນ)
ຄໍາເຫັນ