ທ່ານ ລີເບີ ລີບົວປາວ ປະທານກຳມາທິການແຜນການການເງິນ ແລະ ການກວດສອບ,ຕາງໜ້າຄະນະປະຈຳສະພາແຫ່ງຊາດໄດ້ປະກອບຄຳເຫັນຕໍ່ບົດສະຫຼຸບຕີລາຄາການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມທຸກຍາກດ້ານເສະຖະກິດ-ການເງິນ ໄລຍະ 3 ປີຜ່ານມາ ໃນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ IX ໃນວັນທີ 2 ພະຈິກ ຜ່ານມາ ໂດຍການເປັນ ປະທານ ຂອງ ທ່ານ ໄຊສົມພອນ ພົມວິຫານ ຊຶ່ງທ່ານ ລີເບີ ລີບົວປາວກ່າວວ່າ:ຜ່ານມາກ່ຽວກັບການຈັດຕັ້ງປະຕິບັດບັນດາແຜນວຽກຈຸດສຸມ ໂດຍພື້ນຖານເຫັນດີເປັນເອກະພາບຕາມການລາຍງານຂອງລັດຖະບານແຕ່ຜ່ານການຕິດຕາມກວດກາຂອງຄະນະປະຈຳສະພາແຫ່ງຊາດຕໍ່5 ແຜນວຽກຈຸດສຸມ ຄື: ແຜນວຽກສຸດສຸມ ທີ 1 ກ່ຽວກັບການສົ່ງເສີມການຜະລິດເພື່ອທົດແທນການນຳເຂົ້າ ແລະ ເປັນສິນຄ້າສົ່ງອອກ ແມ່ນສະເໜີໃຫ້ລັດຖະບານເອົາໃຈໃສ່ປະຕິບັດກົດໝາຍຄຸ້ມຄອງເງິນຕາຕ່າງປະເທດກ່ຽວກັບການຄຸ້ມຄອງເງິນຕາຈາກການສົ່ງອອກ ແລະ ມະຕິສະພາແຫ່ງຊາດໃຫ້ມີຜົນສັກສິດ,ສະເໜີໃຫ້ມີການສົ່ງເສີມການສົ່ງອອກສິນຄ້າທີ່ມີການປຸງແຕ່ງ,ມີມູນຄ່າເພີ່ມສູງ ແລະ ມີຄວາມຍືນຍົງ,ບໍ່ສົ່ງຜົນກະທົບຕໍ່ສັງຄົມ ແລະ ສິ່ງແວດລ້ອມ,ແຜນວຽກຈຸດສຸມທີ 2 ກ່ຽວກັບການສ້າງຄວາມເຂັ້ມແຂງທາງດ້ານການເກັບລາຍຮັບເຂົ້າງົບປະມານຕ້ອງເອົາໃຈໃສ່ສ້າງຄວາມເຂັ້ມແຂງຖານລາຍຮັບໃໝ່ທີ່ມີຄຸນນະພາບ ແລະ ຄວາມຍືນຍົງ,ບໍ່ສ້າງຄວາມເສຍຫາຍ ແລະ ກະທົບຕໍ່ສັງຄົມ ແລະ ສິ່ງແວດລ້ອມ,ສືບຕໍ່ຫັນເປັນທັນສະໄໝການເກັບລາຍຮັບໃຫ້ຄົບຖ້ວນ,ສາມາດບັນລຸຄາດໝາຍເກັບລາຍຮັບ 17%ຂອງ GDP ຕາມທີ່ໄດ້ກຳນົດໃນມະຕິກອງປະຊຸມສະພາແຫ່ງຊາດ,ເອົາໃຈໃສ່ເກັບລາຍຮັບຈາກຜົນກວດສອບ ແລະ ກວດກາ,ຄຸ້ມຄອງ ແລະ ຂະຫຍາຍຖານລາຍຮັບໃນລະບົບເສດຖະກິດທີ່ບໍ່ເປັນທາງການໃຫ້ເຂົ້າສູ່ລະບົບຖານລາຍຮັບທາງການໃຫ້ໄດ້ຫຼາຍຂຶ້ນ,ແຜນວຽກຈຸດສຸມທີ 3 ກ່ຽວກັບການສົ່ງເສີມການປະຢັດ,ຕ້ານການຟຸມເຟືອຍ,ຍົກສູງປະສິດທິຜົນການຄຸ້ມຄອງລາຍຈ່າຍງົບປະມານໃນການແກ້ໄຂໜີ້ສິນຕ່າງປະເທດ ສະເໜີໃຫເອົາໃຈໃສ່ສ້າງແຜນແກ້ໄຂໜີ້ສິນສາທາລະນະໃຫ້ບັນລຸຄາດໝາຍວາລະແຫ່ງຊາດດ້ວຍການແກ້ໄຂຂໍ້ຫຍຸ້ງຍາກດ້ານເສດຖະກິດໃຫ້ຊັດເຈນໂດຍສະເພາະແຫຼ່ງທຶນ ແລະ ການປະຕິບັດໄລຍະເວລາຊຳລະໃຫ້ໄປຕາມສັນຍາ ແລະ ຂໍ້ຕົກລົງຂອງເຈົ້າໜີ້ ແລະ ລູກໜີ້, ສືບຕໍ່ຄົ້ນຄວ້ານະໂຍບາຍ ແລະ ມາດຕະການຄຸ້ມຄອງ ແລະ ນຳໃຊ້ງົບປະມານຂອງລັດໃຫ້ມີປະສິດທິພາບ,ຄຸນນະພາບ ແລະ ມີປະສິດທິຜົນສູງສຸດ,ແຜນວຽກຈຸດສຸມທີ 4 ກ່ຽວກັບການຮັກສາສະຖຽນລະພາບດ້ານເງິນຕາ ສະເໜີໃຫ້ເອົາໃຈໃສ່ແກ້ໄຂບັນຫາເຄັ່ງຮ້ອນໃນປັດຈຸບັນ ດ້ວຍການຄົ້ນຄວ້າ ແລະ ປະຕິບັດລະບົບມາດຕະການທີ່ຄົບຊຸດຕາມທີ່ໄດ້ກຳນົດໃນມະຕິກອງປະຊຸມສະພາແຫ່ງຊາດຄື: ມາດຕະການທາງດ້ານເງິນຕາ,ຄວບຄຸມ ແລະ ນຳໃຊ້ປະລິມານເງິນ M2 ທີ່ຂະຫຍາຍຕົວໃນລະດັບສູງເພື່ອຊຸກຍູ້ສົ່ງເສີມການຜະລິດ ແລະ ຊຸກຍູ້ການເຕີບໂຕຂອງເສດຖະກິດ,ຄຸ້ມຄອງອັດຕາແລກປ່ຽນເພື່ອເຮັດໃຫ້ເງິນກີບແຂງຄ່າຂຶ້ນດ້ວຍການປະຕິບັດກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດໃຫ້ມີຜົນສັກສິດ ແລະ ແຜນວຽກຈຸດສຸມ ທີ 5ກ່ຽວກັບການຍົກສູງປະສິດທິພາບການຄຸ້ມຄອງລັດຄຸ້ມຄອງສັງຄົມດ້ວຍກົດໝາຍ ສະເໜີໃຫ້ເອົາໃຈໃສ່ປະຕິບັດກົດໝາຍທີ່ພົວພັນກັບວາລະແຫ່ງຊາດ ກ່ຽວກັບການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ໂດຍສະເພາະເອົາໃຈໃສ່ປະຕິບັດບັນດາມາດຕາທີ່ໄດ້ກຳນົດກ່ຽວກັບຂໍ້ຫ້າມ ແລະ ຜົນສັດສິດໃນການຈັດຕັ້ງປະຕິບັດກົດໝາຍເປັນຕົ້ນແມ່ນກົດໝາຍວ່າດ້ວຍໜີ້ສິນສາທາລະນະ,ກົດໝາຍວ່າດ້ວຍການລົງທຶນຂອງລັດ,ກົດໝາຍວ່າດ້ວຍງົບປະມານແຫ່ງລັດ,ກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ,ກົດໝາຍວ່າດ້ວຍການຄຸ້ມຄອງສ່ວຍສາອາກອນ,ກົດໝາຍວ່າດ້ວຍການກວດສອບ ແລະ ກວດກາ.
(ຂ່າວ-ພາບ:ສຳນານ)
(ຂ່າວ-ພາບ:ສຳນານ)
ຄໍາເຫັນ