ເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງ, ມີສະຫາຍ ພັນເອກ ຄຳສອນ ໂພທິວັນ ຄະນະພັກກອງບັນຊາການ ຫົວໜ້າຫ້ອງເສນາທິການທະຫານແຂວງ, ມີຄະນະພັກຮາກຖານ, ບັນດາສະຫາຍຄະນະໜ່ວຍພັກທີ່ຂຶ້ນກັບ ແລະສະມາຊິກພັກພາຍໃນອົງການເຂົ້າຮ່ວມ.
ສະຫາຍ ພັນເອກ ຄຳສອນ ໂພທິວັນ ໄດ້ຂຶ້ນຜ່ານບົດລາຍງານການເມືອງສອງພາກໃຫ້ຮູ້ວ່າ: ຕະຫຼອດໄລຍະຜ່ານມາ ຄະນະພັກໄດ້ເອົາໃຈໃສ່ປັບປຸງກໍ່ສ້າງກໍາລັງດ້ວຍການນໍາເອົາມະຕິ, ຄໍາສັ່ງຂອງພັກ, ກົດໝາຍຂອງລັດ, ລະບຽບວິໄນຂອງກອງທັບ ແລະ ມູນເຊື້ອວັນປະຫວັດສາດທີ່ສໍາຄັນຕ່າງໆ ມາເປັນເນື້ອໃນສຶກສາອົບຮົມການເມືອງ ນໍາພາແນວຄິດ ເຮັດໃຫ້ນາຍ ແລະ ພົນທະຫານມີແນວຄິດອຸ່ນອ່ຽນທຸ່ນທ່ຽງ, ມີຄຸນທາດການເມືອງໜັກແໜ້ນ, ມີຄຸນສົມບັດ, ສິນທໍາປະຕິວັດ, ຫ້າວຫັນເຮັດສໍາເລັດໜ້າທີ່ການເມືອງທີ່ໄດ້ຮັບມອບໝາຍ ພ້ອມນີ້ ຍັງໄດ້ເອົາໃຈໃສ່ກໍ່ສ້າງພັກ - ກໍ່ສ້າງພະນັກງານ ມີຄວາມປອດໃສ, ເຂັ້ມແຂງຮອບດ້ານ.
ສໍາລັບວຽກງານເຮັດໃຫ້ສະພາບມີຄວາມສະຫງົບໄດ້ເອົາໃຈໃສ່ນໍາພາ -ຊີ້ນໍາວຽກງານອົບຮົມ - ຫັດແອບກໍ່ສ້າງທ່າສະໜາມປ້ອງກັນຊາດ - ປ້ອງກັນຄວາມສະຫງົບ, ເຊິ່ງຜ່ານມາໄດ້ຊີ້ນໍາອົງການ, ກົມກອງໜ່ວຍງານ ຈັດຕັ້ງກໍາລັງ ຫັນລົງກໍ່ສ້າງຮາກຖານການເມືອງປະຈຳຢູ່ບ້ານຫຼໍ່ແຫຼມໄດ້ 10 ໝູ່ບ້ານ ປະຕິບັດຕາມ 4 ເນື້ອໃນ 4 ຄາດໝາຍຕິດພັນວຽກງານ 3 ສ້າງ ແລະ ວຽກງານອື່ນໆ ກໍມີຜົນສໍາເລັດເປັນກ້າວໆ. ຈາກນັ້ນ, ໃນກອງປະຊຸມກໍໄດ້ດໍາເນີນການປ່ອນບັດເລືອກຕັ້ງຄະນະພັກຊຸດໃໝ່ ຊຶ່ງກອງປະຊຸມຄັ້ງປະຖົມມະລຶກໄດ້ເປັນເອກະສັນຮັບຮອງເອົາສະຫາຍ ພັນເອກ ຄຳສອນ ໂພທິວັນ ເປັນເລຂາຄະນະພັກຮາກຖານ, ສະຫາຍ ພັນໂທ ຊຽງຕີ ສະວະບຸດ ເປັນຮອງເລຂາ, ສະຫາຍ ພັນໂທ ຄໍາຮອນ ທອງແຊວກໍວິວັນ, ສະຫາຍ ພັນໂທ ຈັນເພັງ ໄຊອຸດົມ, ສະຫາຍ ພັນໂທ ພອນສີ ໄຊຍະເພັງ, ສະຫາຍ ພັນໂທ ທອງສຸກ ທຳມະວົງ ແລະ ສະຫາຍ ພັນໂທ ສົມຈິດ ພົງສະຫວັດ ເປັນຄະນະພັກຮາກຖານ ແລະ ໄດ້ແຕ່ງຕັ້ງສະຫາຍ ພັນໂທ ພອນສີ ໄຊຍະເພັງ ເປັນປະທານກວດກາ, ສະຫາຍ ພັນໂທ ຫຸມໄພ ໄຊຍະຈິດ ເປັນຮອງປະທານ.
(ຂ່າວ: ສົມພອນ ສຸວັນທອນ; ພາບ: ບຸນເພັງ ວົງແກ້ວມະນີ).
ຄໍາເຫັນ