 |
ຫໍພິພິທະພັນສິລະປະລາວໄດ້ເຫັນຄຸນຄ່າຂອງເສດໄມ້ທີ່ຖືກຖີ້ມ ຈຶ່ງນໍາມາສ້າງເປັນງານສິລະປະທີ່ສວຍງາມ ແລະ ມີຄຸນຄ່າທາງວັດທະນະທຳ ໂດຍໄດ້ຮັບການສົ່ງເສີມຈາກພັກ ແລະ ລັດຖະບານ; ດ້ານວັດທະນະທຳ ແລະ ການສຶກສາ, ການສ້າງຫໍພິພິທະພັນເພື່ອວາງ ສະແດງງານສິລະປະໃຫ້ເປັນແລນມາກ (LANDMARK) ເປັນແຫຼ່ງທ່ອງທ່ຽວແຫ່ງໃໝ່ຂອງນະຄອນຫຼວງວຽງຈັນ ແລະ ນຳໃຊ້ພິພິທະພັນເປັນຊັອບຟາວເວີ (Soft Power) ໃນການດຶງດູດນັກທ່ອງທ່ຽວຈາກຕ່າງຊາດ ແລະ ການສ້າງກິດຈະກຳຕ່າງໆ ໃນຫໍພິພິທະພັນເພື່ອສົ່ງເສີມການສຶກສາ, ຄວາມຄິດສ້າງສັນ, ຄວາມຮູ້ຄວາມເຂົ້າໃຈໃນວັດທະນະທຳລາວ ເປັນພື້ນທີ່ຮຽນຮູ້ຂອງເຍົາວະຊົນ ແລະ ປູກຝັງໃຫ້ເຫັນຄຸນຄ່າຂອງສິ່ງແວດລ້ອມ ທັງເປັນການສົ່ງເສີມຫົວຄິດປະດິດສ້າງ ແລະ ພູມປັນຍາດ້ານວິຈິດສິນຂອງຄົນລາວ ແລະ ອະນຸລັກໄມ້ເພື່ອເປັນມໍຣະດົກຂອງໂລກໃນອະນາຄົດ; ດ້ານຊັບພະຍາກອນ ແລະ ຊຸມຊົນ ເປັນການອະນຸລັກຮັກສາ ແລະ ຍົກສູງວັດທະນະທຳລາວ ໝູນວຽນນຳໃຊ້ຊັບພະຍາກອນຈາກເສດໄມ້ມາເປັນຜົນງານສິລະປະທີ່ສວຍງາມ; ສົ່ງເສີມການທ່ອງທ່ຽວແບບອະນຸລັກ ຊຶ່ງມີຄວາມຍືນຍົງຫຼາຍກວ່າ, ການຈ້າງງານສ້າງສີມືໃຫ້ຄົນທ້ອງຖິ່ນ, ສົ່ງເສີມໃຫ້ຄົນໃນຊຸມຊົນໄດ້ມີວຽກເຮັດງານທຳ ເພື່ອສ້າງລາຍຮັບໃຫ້ຄອບຄົວ, ສ້າງອາຊີບໃຫ້ຊຸມຊົນ ແລະ ກະຈາຍລາຍໄດ້ໄປສູ່ທຸລະກິດຂົງເຂດໃກ້ຄຽງ.
 |
ທ່ານ ນາງ ອາລີຍາ ໄຊຍະທິດ ໃຫ້ຮູ້ຕື່ມວ່າ: ໃນປີ 2025 ນີ້ ມີນັກທ່ອງທ່ຽວເຂົ້າມາທ່ຽວຊົມຫໍພິພິທະພັນສິລະປະລາວທັງໝົດ 343,643 ຄົນ.
 |
ໃນນັ້ນມີພະສົງ 9,790 ອົງ, ນັກຮຽນ, ນັກສຶກສາ 8,980 ຄົນ, ອົງການຈັດຕັ້ງແຕ່ລະພະແນກ-ກະຊວງຕ່າງໆ 15,250 ຄົນ. ຂ່າວ: ບຸນອູ້ມ
ຄໍາເຫັນ