ວິທະຍຸກະຈາຍສຽງຫວຽດນາມລາຍງານວ່າ: ຄວາມຄາດຫວັງການເຕີບໂຕເສດຖະກິດ GDP ຂອງ ຫວຽດນາມ ປີ 2024 ອາດຈະບັນລຸ 6,13 – 6,48%. ນີ້ແມ່ນການຄາດຄະເນໃນບົດລາຍງານຄົ້ນຄວ້າທີ່ໄດ້ຍົກອອກມາໃນກອງປະຊຸມສຳມະນາ “ເສດຖະກິດ ຫວຽດນາມ ປີ 2023 ແລະ ຄວາມຄາດຫວັງໃນ ປີ 2024: ປະຕິຮູບເພື່ອເພີ່ມຄວາມໄວໃນການຟື້ນຟູການເຕີບໂຕ”, ໂດຍສະຖາບັນຄຸ້ມຄອງເສດຖະກິດສູນກາງສົມທົບກັບອົງການຮ່ວມມືສາກົນ ເຢຍລະມັນ (GIZ) ຈັດຂຶ້ນໃນວັນທີ 15 ມັງກອນ ຜ່ານມາ ຢູ່ຮ່າໂນ້ຍ ຊຶ່ງນອນໃນຂອບເຂດໂຄງການປະຕິຮູບເສດຖະກິດມະຫາພາກ, ການເຕີບໂຕສີຂຽວ ໂດຍກະຊວງຮ່ວມມືເສດຖະກິດ ແລະ ພັດທະນາສະຫະພັນ ເຢຍລະມັນ ເປັນຜູ້ອຸປະຖຳ.
ບົດລາຍງານຄົ້ນຄວ້າຂອງສະຖາບັນຄົ້ນຄວ້າຄຸ້ມຄອງເສດຖະກິດສູນກາງໄດ້ສະແດງໃຫ້ເຫັນວ່າ: ໂດຍຜ່ານຜ່າຄວາມຫຍຸ້ງຍາກ, ສິ່ງທ້າທາຍຂອງເສດຖະກິດສາກົນ ແລະ ພາຍໃນປະເທດ, ເສດຖະກິດ ຫວຽດນາມ ໄດ້ຟື້ນຟູການເຕີບໂຕຈະແຈ້ງພໍສົມຄວນໃນຊຸມເດືອນທ້າຍປີ 2023. ທ່ານ ຫງວຽນແອັງເຢືອງ ຫົວໜ້າຄະນະຄົ້ນຄວ້າສັງລວມ, ສະຖາບັນຄົ້ນຄວ້າຄຸ້ມຄອງເສດຖະກິດສູນກາງ ໃຫ້ຮູ້ວ່າ: ປີ 2024, ພວກຂ້າພະເຈົ້າໄດ້ສ້າງ 2 ແຜນການເຕີບໂຕ GDP ໂດຍລະອຽດ: ອາດຈະຢູ່ໃນລະດັບປະມານ 6,13% ໃນແຜນທຳມະດາ, ຖ້າຫາກວ່າດີກວ່ານັ້ນ, ອາດຈະແມ່ນເກືອບ 6,5%. ກ່ຽວກັບການເຕີບໂຕໃນການສົ່ງອອກປີນີ້, ເບິ່ງລວມແລ້ວອາດຈະແມ່ນລະດັບບວກ ແລະ ພວກຂ້າພະເຈົ້າຫວັງວ່າ ດຸນການຄ້າຈະແມ່ນສ່ວນເກີນ, ແຕ່ສ່ວນມູນຄ່າເກີນນີ້ອາດຈະບໍ່ຫຼາຍຄືໃນປີ 2023.
ຄໍາເຫັນ