ຂ່າວສານຊີອາໄອລາຍງານວ່າ: ໃນວັນທີ 6 ເມສາຜ່ານມາ, ຫ້ອງການຄົ້ນຄວ້າເສດຖະກິດມະຫາພາກຂອງອາຊຽນ ແລະ ຈີນ, ຍີ່ປຸ່ນ, ສ ເກົາຫຼີ ໄດ້ເປີດເຜີຍບົດລາຍງານຄາດຄະເນເສດຖະກິດຂອງພາກພື້ນອາຊຽນ ແລະ ຈີນ, ຍີ່ປຸ່ນ, ສ ເກົາຫຼີ ປີ 2026 ໂດຍຄາດຄະເນວ່າ: ຈັງຫວະການເຕີບໂຕຂອງເສດຖະກິດໃນພາກພື້ນອາຊຽນ ແລະ ຈີນ, ຍີ່ປຸ່ນ, ສ ເກົາຫຼີ ໃນປີ 2026 ແລະ 2027 ແມ່ນ 4%. ບົດລາຍງານລະບຸວ່າ: ການປະທະກັນຢູ່ຕາເວັນອອກກາງໄດ້ຮຸນແຮງຂຶ້ນຢ່າງຕໍ່ເນື່ອງ ແລະ ການສະໜອງດ້ານພະລັງງານທົ່ວໂລກຖືກຜົນກະທົບ ຈະເຮັດໃຫ້ຈັງຫວະການເຕີບໂຕຂອງເສດຖະກິດໃນພາກພື້ນມີຄວາມສ່ຽງຫຼຸດຕ່ຳລົງຫຼາຍຂຶ້ນ.
ບົດລາຍງານລະບຸຕື່ມວ່າ: ໂຄງສ້າງເສດຖະກິດໃນພາກພື້ນອາຊຽນ ແລະຈີນ, ຍີ່ປຸ່ນ, ສ ເກົາຫຼີ ພວມມີການປ່ຽນແປງອັນເລິກເຊິ່ງ. ປັດຈຸບັນ, ພາກພື້ນດັ່ງກ່າວໄດ້ກາຍເປັນໜຶ່ງໃນຕະຫຼາດໃຫຍ່ທີ່ສຸດໃນໂລກ, ກວມເອົາ 28% ຂອງຄວາມຕ້ອງການສຸດທ້າຍໃນທົ່ວໂລກ. ພ້ອມດຽວກັນນັ້ນ, ລະດັບການເພິ່ງພາອາໄສຕະຫຼາດອາເມຣິກາໄດ້ຫຼຸດໜ້ອຍລົງຢ່າງຊັດເຈນ, ຮູບແບບການພັດທະນາເສດຖະກິດໃນພາກພື້ນໄດ້ປ່ຽນຈາກແຫຼ່ງການຜະລິດທີ່ສຸມໃສ່ຕະຫຼາດພາຍນອກມາເປັນຕະຫຼາດພາກພື້ນທີ່ກະຕຸກຊຸກຍູ້ດ້ວຍຄວາມຕ້ອງການພາຍໃນ.
ຄໍາເຫັນ