 |
ລາຍການນີ້ ຈັດຂຶ້ນກໍເພື່ອສ້າງຂະບວນການສະເຫຼີມສະຫຼອງວັນສື່ມວນຊົນ ແລະ ການພິມຈໍາໜ່າຍ ຄົບຮອບ 75 ປີ ແລະ ຍັງເປັນການຮັດແໜ້ນຄວາມສາມັກຄີ ລະຫວ່າງສື່ມວນຊົນ ແລະ ພາກສ່ວນທຸລະກິດໃຫ້ນັບມື້ເຕີບໃຫຍ່ຂະຫຍາຍຕົວຫຼາຍຂຶ້ນກວ່າເກົ່າ ຊຶ່ງມີທີມບໍລິສັດ ໝາຍເວ ສະປອດແວ ລາວ, ບໍລິສັດ ເບຍລາວ ຈຳກັດ, ໄອເອັມຊີ ຢູໄນເຕັດ ແລະ ກຸ່ມນັກຂ່າວສາຍກິລາລາວ ເຈົ້າພາບ ການແຂ່ງຂັນແມ່ນກຳນົດໃຫ້ທັງ 4 ພາກສ່ວນດັ່ງກ່າວ ມີການຈັບສະຫຼາກປະກົບຄູ່ແຂ່ງຂັນ ຄັດເລືອກທີມຊະນະ ຜ່ານເຂົ້າໄປຊີງຊະນະເລີດ ໃນລາຍການ ດິວິຊັນ 1 ສ່ວນທີມເສຍ ໄປຊີງຊະນະເລີດ ລາຍການ ດິວິຊັນ 2.
ຜ່ານການແຂ່ງຂັນຜົນປະກົດວ່າ: ຄູ່ຊີງຊະນະເລີດ ລາຍການ ດິວິຊັນ 1 ທີມບໍລິສັດ ເຄື່ອງກິລາພິມລາຍ ໝາຍເວ ສະປອດແວ ລາວ ຈຳກັດ ຊະນະ ໄອເອັມຊີ ຢູໄນເຕັດ 3-1 ໄດ້ແຊັມລາຍການດັ່ງກ່າວໄປຄອງ ສ່ວນ ໄອເອັມຊີ ຢູໄນເຕັດ ໄດ້ທີ 2 ຂະນະທີ່ຄູ່ຊີງຊະນະເລີດ ລາຍການດິວິຊັນ 2 ບໍລິສັດ ເບຍລາວ ຊະນະ ກຸ່ມນັກຂ່າວສາຍກິລາລາວ 4-1 ປະຕູ ໄດ້ແຊັມໄປຄອງ ສ່ວນເຈົ້າພາບ ໄດ້ພຽງທີ 2.
 |
ໃນບັນຍາກາດການແຂ່ງຂັນດັ່ງກ່າວ ທາງບໍລິສັດ ເຄື່ອງກິລາພິມລາຍ ໝາຍເວ ສະປອດແວ ລາວ ຈຳກັດ ກໍໄດ້ໃຫ້ການສະໜັບສະໜູນເຄື່ອງນຸ່ງກິລາພິມລາຍ ຈຳນວນເກືອບ 100 ຊຸດ ລວມມູນຄ່າ 25 ລ້ານກີບ, ບໍລິສັດ ເບຍລາວ ຈຳກັດ ມອບເຄື່ອງດື່ມເພື່ອສຸຂະພາບ ຈຳນວນໜຶ່ງ, ສະມາຄົມຮ້ານອາຫານລາວ ສະໜັບສະໜູນນເງິນ 2 ລ້ານກວ່າກີບ, ທ່ານ ບຸນມີ ຫຼ່ຽມໄຊຍະຈັກ ປະທານບໍລິສັດ ເບ ສະຫວັນ ອິນເຕີ ຈຳກັດຜູ້ດຽວ ມອບ 2 ລ້ານກີບ, ທ່ານ ບຸນມີ ໄຊຍະວົງ ປະທານສະໂມສອນ ເອັນແອນເອັນ 2 ລ້ານກີບ. ນອກນັ້ນ, ທ່ານ ເກດຕິໄຊ ພົມມະນີ ປະທານບໍລິສັດ CSC ຄອນກຣີດ ສະໜັບສະໜູນ 1 ລ້ານກີບ ແລະ ພາກສ່ວນອື່ນໆອີກດ້ວຍ.
ປະທານຈັດການແຂ່ງຂັນ ໄດ້ກ່າວສະແດງຄວາມຂອບໃຈເປັນຢ່າງສູງມາຍັງບັນດາບໍລິ ສັດ, ຮ້ານອາຫານ ແລະ ບັນດາປະທານບໍລິສັດ ທີ່ໄດ້ໃຫ້ການສະໜັບສະໜູນງານແຂ່ງຂັນໃນຄັ້ງນີ້ ອວຍພອນໃຫ້ບັນດາປະທານບໍລິສັດ ແລະ ບັນດຮ້ານອາຫານ ຈົ່ງປະສົບຜົນສຳເລັດໃນການດຳເນີນທຸລະກິດຂອງບັນດາທ່ານ.
(ຂ່າວ:ຕຸໄລເພັດ)
ຄໍາເຫັນ