ໃນປີ 2024 ແຂວງອັດຕະປື ໄດ້ກໍານົດຄາດໝາຍສູ້ຊົນດ້ານເສດຖະກິດມະຫາພາກ, ໃນນີ້, ໄດ້ກໍານົດການເຕີບໂຕຂອງເສດຖະກິດ ໃຫ້ລວມຍອດຜະລິດຕະພັນພາຍໃນ (ຈີດີພີ) ເພີ່ມຂຶ້ນບໍ່ໃຫ້ຫຼຸດ 6,92% ໃນນີ້, ຂະແໜງກະສິກໍາ-ປ່າໄມ້ ເພີ່ມຂຶ້ນ 8,49% ກວມເອົາ 48,43% ຂອງຈີດີພີ, ຂະແໜງອຸດສາຫະກໍາ ເພີ່ມຂຶ້ນ 4,27% ກວມເອົາ 23,27% ຂອງຈີດີພີ, ຂະແໜງການບໍລິການ ເພີ່ມຂຶ້ນ 5,05% ກວມເອົາ 28,29% ຂອງຈີດີພີ, ສ່ວນລວມຍອດຜະລິດຕະພັນພາຍໃນຕາມລາຄາໃນປີ ໃຫ້ໄດ້ 6.615 ຕື້ກີບ ແລະ ລາຍໄດ້ສະເລ່ຍຕໍ່ຫົວຄົນໃຫ້ໄດ້ 40 ລ້ານກວ່າກີບ ເທົ່າກັບ 2.120 ໂດລາ.
ທ່ານ ສູນນະຄອນ ແກ້ວວຽງຄໍາ ຫົວໜ້າພະແນກແຜນການ ແລະ ການລົງທຶນ ແຂວງອັດຕະປື ໄດ້ລາຍງານຕໍ່ກອງປະຊຸມອົງການປົກຄອງແຂວງທີ່ເປີດຂຶ້ນໃນລະຫວ່າງວັນທີ 18-19 ທັນວາ 2023 ນີ້ວ່າ: ໃນປີ 2023 ອົງການປົກຄອງແຂວງອັດຕະປື ທຸກຂັ້ນໄດ້ເອົາໃຈໃສ່ຕໍ່ການພັດທະນາເສດຖະກິດ-ສັງຄົມ, ໂດຍສະເພາະດ້ານເສດຖະກິດ ໄດ້ເອົາໃຈໃສ່ຄຸ້ມຄອງດ້ານເສດຖະກິດມະຫາພາກ ເຮັດໃຫ້ ຈີດີພີ ຂະຫຍາຍຕົວຢູ່ໃນລະດັບ 6,77% ມະຕິທີ່ສະພາຮັບຮອງຢູ່ທີ່ 6,42%, ມູນຄ່າຕາມລາຄາໃນປີ 5.925 ຕື້ກີບ, ມະຕິສະພາຮັບຮອງຢູ່ທີ່ 4.298,87 ຕື້ກີບ, ຍອດຜະລິດຕະພັນພາຍໃນສະເລ່ຍຕໍ່ຫົວຄົນປະມານ 36 ລ້ານກວ່າກີບ ເທົ່າກັບ 1.923 ໂດລາ, ໃນນີ້, ຂະແໜງກະສິກໍາເພີ່ມຂຶ້ນ 7,29% ກວມເອົາ 48,50% ຂອງຈີດີພີ, ຂະແໜງອຸດສາຫະກຳ ເພີ່ມຂຶ້ນ 6,2% ກວມເອົາ 24,69% ຂອງຈີດີພີ, ຂະແໜງການບໍລິການ ເພີ່ມຂຶ້ນ 5,78% ກວມເອົາ 26,81% ຂອງຈີດີພີ. (ຂ່າວ: ພອນປະເສີດ)
ທ່ານ ສູນນະຄອນ ແກ້ວວຽງຄໍາ ຫົວໜ້າພະແນກແຜນການ ແລະ ການລົງທຶນ ແຂວງອັດຕະປື ໄດ້ລາຍງານຕໍ່ກອງປະຊຸມອົງການປົກຄອງແຂວງທີ່ເປີດຂຶ້ນໃນລະຫວ່າງວັນທີ 18-19 ທັນວາ 2023 ນີ້ວ່າ: ໃນປີ 2023 ອົງການປົກຄອງແຂວງອັດຕະປື ທຸກຂັ້ນໄດ້ເອົາໃຈໃສ່ຕໍ່ການພັດທະນາເສດຖະກິດ-ສັງຄົມ, ໂດຍສະເພາະດ້ານເສດຖະກິດ ໄດ້ເອົາໃຈໃສ່ຄຸ້ມຄອງດ້ານເສດຖະກິດມະຫາພາກ ເຮັດໃຫ້ ຈີດີພີ ຂະຫຍາຍຕົວຢູ່ໃນລະດັບ 6,77% ມະຕິທີ່ສະພາຮັບຮອງຢູ່ທີ່ 6,42%, ມູນຄ່າຕາມລາຄາໃນປີ 5.925 ຕື້ກີບ, ມະຕິສະພາຮັບຮອງຢູ່ທີ່ 4.298,87 ຕື້ກີບ, ຍອດຜະລິດຕະພັນພາຍໃນສະເລ່ຍຕໍ່ຫົວຄົນປະມານ 36 ລ້ານກວ່າກີບ ເທົ່າກັບ 1.923 ໂດລາ, ໃນນີ້, ຂະແໜງກະສິກໍາເພີ່ມຂຶ້ນ 7,29% ກວມເອົາ 48,50% ຂອງຈີດີພີ, ຂະແໜງອຸດສາຫະກຳ ເພີ່ມຂຶ້ນ 6,2% ກວມເອົາ 24,69% ຂອງຈີດີພີ, ຂະແໜງການບໍລິການ ເພີ່ມຂຶ້ນ 5,78% ກວມເອົາ 26,81% ຂອງຈີດີພີ. (ຂ່າວ: ພອນປະເສີດ)
ຄໍາເຫັນ