ກອງປະຊຸມ ຮ່ວມລະຫວ່າງ ອົງການປົກຄອງແຂວງ ແລະ ສະພາປະຊາຊົນແຂວງ (ສພຂ) ຈຳປາສັກ ໄດ້ຈັດຂຶ້ນ ໃນວັນທີ 12 ມັງກອນ ນີ້ທີ່ຫ້ອງວ່າການແຂວງຈຳປາສັກ, ໂດຍການເປັນປະທານຮ່ວມຂອງ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ, ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 15, ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ, ທ່ານ ສາຍທອງ ໄຊຍະວົງ ປະທານສະພາປະຊາຊົນແຂວງ, ມີພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ໄດ້ຮັບຟັງການລາຍງານກ່ຽວກັບການກະກຽມຄວາມພ້ອມທາງດ້ານເນື້ອໃນຂອງແຕ່ລະພາກສ່ວນທີ່ຈະລາຍງານຕໍ່ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງຊຸດທີ II ຈາກຕາງໜ້າຄະນະປະຈໍາສະພາປະຊາຊົນແຂວງ, ອົງການປົກຄອງແຂວງ, ສານປະຊາຊົນແຂວງ, ອົງການໄອຍະການພາກໃຕ້, ອົງການກວດສອບພາກໃຕ້ ແລະ ຮັບຟັງການລາຍງານຂອງພະແນກການ ກ່ຽວກັບ ການຄຸ້ມຄອງ ທີ່ດິນເຂດອຸດສາຫະກຳຂອງແຂວງ; ລາຍງານຂອງຄະນະປະຈໍາສະພາປະຊາຊົນແຂວງ ກ່ຽວກັບການສະເໜີອອກຂໍ້ຕົກລົງຊົດເຊີຍ ໂຄງການພັດທະນາເຂດເສດຖະກິດໃໝ່ສີທັນດອນ; ຮັບຟັງການລາຍງານຜົນການແກ້ໄຂ ຕາມບົດບັນທຶກກອງປະຊຸມ ລະຫວ່າງ ສະພາປະຊາຊົນແຂວງ ກັບອົງການປົກຄອງແຂວງ ໃນຄັ້ງວັນທີ 16 ສິງຫາ 2023 ກ່ຽວກັບ ຜົນການແກ້ໄຂບັນຫາຮ້ານກິນດື່ມ-ຮ້ານບັນເທີງ, ວຽກງານຄຸ້ມຄອງການທ່ອງທ່ຽວ ແລະ ແຜນການກະກຽມເປີດປີທ່ອງທ່ຽວຂອງແຂວງຈຳປາສັກ ໃນປີ 2024; ຜົນການແກ້ໄຂຮ້ານເກມອອນລາຍ; ຜົນການແກ້ໄຂບັນຫາຊິງຊັ່ງຜອງຕາມທ້ອງຕະຫຼາດ; ຜົນການແກ້ໄຂບັນຫາການເກັບເງິນຄ່າຜ່ານທາງ ແຕ່ເສັ້ນທາງເລກທີ 16W (ຂົວລາວ-ຍີ່ປຸ່ນ ເມືອງໂພນທອງ) ຫາ ເສັ້ນທາງເລກທີ 14A (ບ້ານພະພິນ ເມືອງຈໍາປາສັກ).
ພ້ອມນີ້, ປະທານກອງປະຊຸມ ໄດ້ຮຽກຮ້ອງມາຍັງພາກສ່ວນທີ່ກ່ຽວຂ້ອງ ຈົ່ງຮ່ວມກັນຄົ້ນຄວ້າ, ປະກອບຄໍາເຫັນ ຢ່າງສ້າງສັນ, ພາວະວິໄສ, ມີເຫດມີຜົນ, ຮັດກຸມ ບົນພື້ນຖານແນວທາງນະໂຍບາຍຂອງພັກ, ກົດໝາຍຂອງລັດ ແລະ ສະພາບຄວາມເປັນຈິງຂອງແຂວງ ເພື່ອເຮັດໃຫ້ບັນຫາດັ່ງກ່າວສາມາດນໍາໄປຈັດຕັ້ງປະຕິບັດຢ່າງເປັນຮູບປະທໍາຢ່າງແທ້ຈິງ. ຮ່ວມກັນຕົກລົງບາງວຽກງານທີ່ສຳຄັນຂອງທ້ອງຖິ່ນ ແລະ ເປັນການກະກຽມຄວາມພ້ອມ ກ່ອນການດຳເນີນກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງທີ່ຈະເປີດຂຶ້ນໃນວັນທີ 15-17 ມັງກອນ 2024 ນີ້.
ຂ່າວ-ພາບ: ທັດຊະນະ
ກອງປະຊຸມຄັ້ງນີ້ໄດ້ຮັບຟັງການລາຍງານກ່ຽວກັບການກະກຽມຄວາມພ້ອມທາງດ້ານເນື້ອໃນຂອງແຕ່ລະພາກສ່ວນທີ່ຈະລາຍງານຕໍ່ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງຊຸດທີ II ຈາກຕາງໜ້າຄະນະປະຈໍາສະພາປະຊາຊົນແຂວງ, ອົງການປົກຄອງແຂວງ, ສານປະຊາຊົນແຂວງ, ອົງການໄອຍະການພາກໃຕ້, ອົງການກວດສອບພາກໃຕ້ ແລະ ຮັບຟັງການລາຍງານຂອງພະແນກການ ກ່ຽວກັບ ການຄຸ້ມຄອງ ທີ່ດິນເຂດອຸດສາຫະກຳຂອງແຂວງ; ລາຍງານຂອງຄະນະປະຈໍາສະພາປະຊາຊົນແຂວງ ກ່ຽວກັບການສະເໜີອອກຂໍ້ຕົກລົງຊົດເຊີຍ ໂຄງການພັດທະນາເຂດເສດຖະກິດໃໝ່ສີທັນດອນ; ຮັບຟັງການລາຍງານຜົນການແກ້ໄຂ ຕາມບົດບັນທຶກກອງປະຊຸມ ລະຫວ່າງ ສະພາປະຊາຊົນແຂວງ ກັບອົງການປົກຄອງແຂວງ ໃນຄັ້ງວັນທີ 16 ສິງຫາ 2023 ກ່ຽວກັບ ຜົນການແກ້ໄຂບັນຫາຮ້ານກິນດື່ມ-ຮ້ານບັນເທີງ, ວຽກງານຄຸ້ມຄອງການທ່ອງທ່ຽວ ແລະ ແຜນການກະກຽມເປີດປີທ່ອງທ່ຽວຂອງແຂວງຈຳປາສັກ ໃນປີ 2024; ຜົນການແກ້ໄຂຮ້ານເກມອອນລາຍ; ຜົນການແກ້ໄຂບັນຫາຊິງຊັ່ງຜອງຕາມທ້ອງຕະຫຼາດ; ຜົນການແກ້ໄຂບັນຫາການເກັບເງິນຄ່າຜ່ານທາງ ແຕ່ເສັ້ນທາງເລກທີ 16W (ຂົວລາວ-ຍີ່ປຸ່ນ ເມືອງໂພນທອງ) ຫາ ເສັ້ນທາງເລກທີ 14A (ບ້ານພະພິນ ເມືອງຈໍາປາສັກ).
ພ້ອມນີ້, ປະທານກອງປະຊຸມ ໄດ້ຮຽກຮ້ອງມາຍັງພາກສ່ວນທີ່ກ່ຽວຂ້ອງ ຈົ່ງຮ່ວມກັນຄົ້ນຄວ້າ, ປະກອບຄໍາເຫັນ ຢ່າງສ້າງສັນ, ພາວະວິໄສ, ມີເຫດມີຜົນ, ຮັດກຸມ ບົນພື້ນຖານແນວທາງນະໂຍບາຍຂອງພັກ, ກົດໝາຍຂອງລັດ ແລະ ສະພາບຄວາມເປັນຈິງຂອງແຂວງ ເພື່ອເຮັດໃຫ້ບັນຫາດັ່ງກ່າວສາມາດນໍາໄປຈັດຕັ້ງປະຕິບັດຢ່າງເປັນຮູບປະທໍາຢ່າງແທ້ຈິງ. ຮ່ວມກັນຕົກລົງບາງວຽກງານທີ່ສຳຄັນຂອງທ້ອງຖິ່ນ ແລະ ເປັນການກະກຽມຄວາມພ້ອມ ກ່ອນການດຳເນີນກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງທີ່ຈະເປີດຂຶ້ນໃນວັນທີ 15-17 ມັງກອນ 2024 ນີ້.
ຂ່າວ-ພາບ: ທັດຊະນະ
ຄໍາເຫັນ