ທ່ານ ນາງ ຄຳຫຼ້າ ແກ້ວອຸ່ນຄຳ ຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ.
ທ່ານ ໜູຮັກ ຫຼວງໂຄດ ຮອງເລຂາໜ່ວຍພັກ ຮອງຫົວໜ້າໂຮງຮຽນການເມືອງ ແລະ ການປົກຄອງແຂວງວຽງຈັນ ໄດ້ຂຶ້ນຜ່ານແຜນການເຄື່ອນໄຫວຈັດຕັ້ງປະຕິບັດຊຸດຮຽນທິດສະດີການເມືອງ ຂັ້ນກາງຮຸ່ນທີ V ວ່າ: ຈຸດປະສົງເພື່ອເປັນການບຳລຸງທິດສະດີການເມືອງໃຫ້ພະນັກງານນໍາພາ ແລະ ພະນັກງານຄຸ້ມຄອງຮຸ່ນສືບທອດຢູ່ບັນດາເມືອງ ແລະ ພະແນກການ, ອົງການ, ກົມກອງຂອງແຂວງ ທີ່ພວມດຳລົງຕຳແໜ່ງ ຫຼື ກຽມດຳລົງຕຳແໜ່ງ ຢູ່ອົງການຈັດຕັ້ງພັກ-ລັດ ແລະ ອົງການຈັດຕັ້ງມະຫາຊົນ ໃຫ້ມີຄວາມຮູ້ທາງດ້ານທິດສະດີການເມືອງໃນໄລຍະໃໝ່ຢ່າງເປັນລະບົບ. ເພື່ອຍົກລະດັບຄວາມຮູ້, ຄວາມສາມາດທາງດ້ານທິດສະດີການເມືອງ, ແນວຄິດ ໄກສອນ ພົມວິຫານ, ແນວທາງນະໂຍບາຍຂອງພັກ, ການຄຸ້ມຄອງຂອງລັດ, ເຮັດໃຫ້ພະນັກງານມີແນວຄິດທັດສະນະຫຼັກໝັ້ນຊົນຊັ້ນກຳມະກອນ, ມີແນວຄິດເຊື່ອໝັ້ນຕໍ່ການນໍາພາຂອງພັກ, ມີຄວາມເປັນເອກະພາບ ແລະ ເຊື່ອໝັ້ນຕໍ່ແນວທາງປ່ຽນແປງໃໝ່ຂອງພັກ, ຢຶດໝັ້ນຕໍ່ຈຸດໝາຍກ້າວຂຶ້ນສັງຄົມນິຍົມຂອງປະເທດເຮົາ.
ຊຸດຮຽນຄັ້ງນີ້, ມີນັກສຶກສາຈາກພະແນກການ, ກົມກອງຂອງແຂວງ ແລະ ບັນດາຫ້ອງການ, ກົມກອງ ຈາກ 11 ຕົວເມືອງຂອງແຂວງ ທັງໝົດ 55 ທ່ານ ຍິງ 17 ທ່ານ, ຊຶ່ງຈະໄດ້ໃຊ້ເວລາຮຽນທັງໝົດ 6 ເດືອນ, ມີວິຊາຮຽນ ຈໍານວນທັງໝົດ 13 ວິຊາ, ແບ່ງອອກເປັນ 7 ກຸ່ມວິຊາຮຽນ ແລະ ຂຽນບົດຈົບຂັ້ນ, ລວມທັງໝົດ ເທົ່າກັບ 720 ຊົ່ວໂມງ.
(ແຫຼ່ງຂ່າວ: ແຂວງວຽງຈັນ)
ຄໍາເຫັນ