ໂຄງການອາຫານທ່ຽງໃນໂຮງຮຽນທີ່ອົງການອາຫານໂລກໃຫ້ການຊ່ວຍເຫຼືອ

ໂຄງການອາຫານທ່ຽງໃນໂຮງຮຽນຊ່ວຍເຮັດໃຫ້ອັດຕາການປະລະການຮຽນຫຼຸດລົງ

12:33 11/12/2024

ໂຮງຮຽນປະຖົມບ້ານນາຊຽງດີ ເມືອງຮຸນ ແຂວງອຸດົມໄຊເປັນໂຮງຮຽນອີກແຫ່ງໜຶ່ງທີ່ໄດ້ຮັບການຈັດຕັ້ງປະຕິບັດໂຄງການອາຫານທ່ຽງໃນໂຮງຮຽນທີ່ອົງການອາຫານໂລກໃຫ້ການຊ່ວຍເຫຼືອ ຊຶ່ງໂຄງການດັ່ງກ່າວໄດ້ສົ່ງຜົນດີໃຫ້ກັບນັກຮຽນ

ໄດ້ເປັນຢ່າງດີເຊັ່ນ: ນັກຮຽນມີເວລາໄດ້ຫຼິ້ນກິດຈະກໍາ,ທົບທວນບົດຮຽນເປັນກຸ່ມ,ມີການຮຽນເພີ່ມໃນເວລາພັກທ່ຽງ,ບໍ່ເສຍເວລາກັບເມືອກິນເຂົ້າຢູ່ເຮືອນ ຫຼຸດຜ່ອນພາລະຂອງຄອບຄົວ ແລະ ອື່ນໆ.

ທ່ານແຫມ ສຸວັນນະລີ ຜູ້ອໍານວຍການໂຮງຮຽນປະຖົມບ້ານນາຊຽງດີໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນ ໃນວັນທີ 10 ທັນວາ ນີ້ ທີ່ໂຮງຮຽນດັ່ງກ່າວ ວ່າ: ໂຮງຮຽນປະຖົມນາຊຽງດີເປັນໂຮງຮຽນທີ່ຕັ້ງຢູ່ຈຸດໃຈກາງເຂດນາຊຽງດີ ທົ່ວບ້ານມີ370ຫຼັງຄາເຮືອນ, ມີພົນລະເມືອງ 17,711ຄົນ ໃນນີ້ມີໂຮງຮຽນຊັ້ນອະນຸບານ ແລະ ປະຖົມ,ມີຄູສອນທັງໝົດ 7ຄົນ, ຍິງ 2 ຄົນ ມີນັກຮຽນ 300 ກວ່າຄົນ.ສໍາລັບໂຄງການອາຫານທ່ຽງໃນໂຮງຮຽນທີ່ອົງການອາຫານໂລກເຂົ້າຊ່ວຍເຫຼືອແມ່ນມີ 3ໄລຍະຄື: ໄລຍະທີໜຶ່ງສົ່ງເສີມທຶນໃຫ້ແກ່ປະຊາຊົນ 30 ຄົວເຮືອນ ກ່ຽວກັບການປູກ, ການລ້ຽງ; ໄລຍະທີສອງສະໜອງທຶນໃຫ້ 2 ຄົວເຮືອນກ່ຽວກັບການລ້ຽງປາ ແລະ ໄລຍະທີສາມ ສະໜອງທຶນໃຫ້ແກ່ 15 ຄົວເຮືອນ ໃນນັ້ນມີລ້ຽງໄກ່ 4 ຟາມ ແລະ ລ້ຽງປາ 2 ໜອງ; ນອກນັ້ນກໍມີການປູກຜັກສວນຄົວ, ພາຍຫຼັງທີ່ມີການເກັບກໍາຂໍ້ມູນແຕ່ລະຄົວເຮືອນເພື່ອຊອກຫາຄອບຄົວເປົ້າໝາຍທີ່ຈະໄດ້ຮັບທຶນຊ່ວຍເຫຼືອຂອງອົງການອາຫານໂລກ ເພື່ອຂະຫຍາຍເຊື່ອມຊຶມບົດຮຽນຕ່າງໆລະຫວ່າງຊຸດເກົ່າແລະ ຊຸດໃໝ່. ສ່ວນທຶນຂອງໂຄງການສະເພາະການລ້ຽງປາ ໂດຍສະໜອງແນວພັນປາໃຫ້2,000 ໂຕ ພ້ອມຫົວອາຫານ 6 ເປົາຕໍ່ຄອບຄົວ, ການລ້ຽງໄກ່ແມ່ນສະໜອງແນວພັນໄກ່ພັນໄຂ່ໃຫ້ 50ໂຕ ພ້ອມຫົວອາຫານ 12 ເປົາ,ສ່ວນເຮືອນຮົ່ມໄດ້ສະໜອງແຜ່ນຢາງເພື່ອມຸງເຮືອນຮົ່ມ ຖັງໃສ່ນໍ້າຂະໜາດ 200 ລິດ ແລະ ທໍ່ນໍ້າ,ບົວຫົດນໍ້າ ແລະ ແນວພັນຜັກ.ປັດຈຸບັນໂຄງການອາຫານທ່ຽງໃນໂຮງຮຽນ ອົງການອາຫານໂລກໄດ້ມອບໂອນໃຫ້ລັດຖະບານເປັນຜູ້ສືບຕໍ່ຈັດຕັ້ງປະຕິບັດ ໃນປີ2021ກໍໄດ້ເຊື່ອມຕໍ່ຮັກສາມູນເຊື້ອກ່ຽວກັບການປຸງແຕ່ງອາຫານໃຫ້ແກ່ນັກຮຽນໄດ້ກິນເປັນປະຈໍາ ໂດຍສະເພາະແມ່ນການສະໜອງຂອງຊຸມຊົນ ໂດຍໃຫ້ປະຊາຊົນມີສ່ວນຮ່ວມ ເປັນຕົ້ນການຫາຟືນເພື່ອນໍາໃຊ້ເຂົ້າໃນການປຸງແຕ່ງອາຫານ,ນອກນີ້ ກໍມີການປຸກລະດົມໃຫ້ປະຊາຊົນເຂົ້າມາມີສ່ວນຮ່ວມໂດຍການສະໜອງອາຫານ ແລະ ອຸປະກອນແຕ່ງກິນໃນແຕ່ລະວັນໂດຍມີການຜັດປ່ຽນກັນຂອງແມ່ຄົວແຕ່ງກິນພ້ອມກັນນັ້ນກໍໄດ້ປຸກລະດົມໃຫ້ນັກຮຽນມີສ່ວນຮ່ວມໃນການນໍາວັດຖຸດິບທີ່ມີໃນຄອບຄົວ ແລະ ເຂົ້າມາປະກອບສ່ວນໃນແຕ່ລະວັນ.

ສໍາລັບໂຄງການອາຫານທ່ຽງໃນໂຮງຮຽນໄດ້ສົ່ງຜົນດີກັບນັກຮຽນຫຼາຍຢ່າງເປັນຕົ້ນ: ນັກຮຽນມີເວລາຫຼີ້ນກິດຈະກໍາ,ທົບທວນບົດຮຽນເປັນໝູ່ ບໍ່ວ່າຈະເປັນການອ່ານ,ການຂຽນ, ການຮຽນເພີ່ມໃນເວລາພັກທ່ຽງບໍ່ຕ້ອງກັບເມືອກິນເຂົ້າຢູ່ເຮືອນໃຊ້ເວລາວ່າງໃນການຮໍ່າຮຽນ ແລະ ຜັກຜ່ອນຫຼາຍຂຶ້ນ, ເຮັດໃຫ້ອັດຕາການປະລະການຮຽນໜ້ອຍລົງ ແລະ ເປັນຈຸດໜຶ່ງທີ່ດຶງດູດນັກຮຽນໃຫ້ມາເຂົ້າໂຮງຮຽນຫຼາຍຂຶ້ນ ເຖິງແນວໃດກໍຕາມເພື່ອເຮັດໃຫ້ໂຄງການອາຫານທ່ຽງໃນໂຮງຮຽນມີຄວາມຍືນຍົງ ຮຽກຮ້ອງໃຫ້ທຸກພາກສ່ວນ ຕ້ອງມີສ່ວນຮ່ວມປະກອບສ່ວນ ແລະ ຈັດຕັ້ງຜັນຂະຫຍາຍຕໍ່ໄປເພື່ອສົ່ງເປັນຜົນດີຕໍ່ລູກຫຼານຕໍ່ໄປ.

ຂ່າວ-ພາບ: ຍຸພິນທອງ

ຄໍາເຫັນ

ຂ່າວສືກສາ-ກິລາ

ການນໍາແຂວງຈໍາປາສັກ ທັດສະນະສຶກສາສະຖານທີ່ທາງປະຫວັດສາດ

18/12/2025 11:36

ໃນໂອກາດສະຫຼອງວັນຊາດທີ 2 ທັນວາ ຄົບຮອບ 50 ປີ ແລະ ວັນເກີດປະທານ ໄກສອນ ພົມວິຫານ ຄົບຮອບ 105 ປີການນໍາແຂວງຈໍາປາສັກ ນໍາໂດຍທ່ານ ອາລຸນໄຊ ສູນນະລາດ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ໄດ້ຮ່ວມທັດສະນະສຶກສາຊົມສະຖານທີ່ທາງປະຫວັດສາດ ເຮືອນຂອງອະດີດປະທານ ໄກສອນ ພົມວິຫານ ທີ່ບ້ານລາດບົກ ເມືອງບາຈຽງຈະເລີນສຸກ, ພ້ອມນີ້ກໍໄດ້ຮັບຟັງການເລົ່າປະຫວັດຄວາມເປັນມາການເຄື່ອນໄຫວຂອງປະທານ ໄກສອນ ພົມວິຫານ ຈາກຜູ້ອາວຸໂສພາຍໃນບ້ານລາດບົກ, ມີກິດຈະກຳຖາມ-ຕອບ ວິທະຍາສາດ ນ້ອງໆເຍົາວະຊົນ-ຊາວໜຸ່ມ.

ນັກກິລາຟັນດາບຊາຍຈາກເເຂວງບໍລິຄໍາໄຊຍາດໄດ້ 2 ຫຼຽນຄໍາ

17/12/2025 13:50

ທ້າວ ສະເຫຼີມໄຊ ໄຊຍະສິດ ນັກກິລາຟັນດາບ ຈາກເເຂວງບໍລິຄໍາໄຊ ຍາດໄດ້ 2 ຫຼຽນຄໍາ ຈາກການລົງເເຂ່ງຂັນຟັນດາບ 2 ລາຍການ ຄື: ເອເປ ເເລະ ເຊເບີ ບັນລຸຕາມຄາດໝາຍທີ່ວາງໄວ້ ຂະນະດຽວກັນ ຫຼຽນເງິນ ເເລະ ຫຼຽນທອງ ເປັນຂອງນັກກິລາ ຈາກເເຂວງສະຫວັນນະເຂດ ຈາກການລົງເເຂ່ງຂັນກິລາຟັນດາບ ງານມະຫະກໍາກິລາຄົນພິການເເຫ່ງຊາດ ຄັ້ງທີ 4 ຫຼື ນະຄອນຫຼວງວຽງຈັນ ພາຣາເກມ 2025 ທີ່ນະຄອນຫຼວງວຽງຈັນຮັບກຽດເປັນເຈົ້າພາບ.

ນັກກິລາເປຕັງທີມຊາດສາມາດຍາດໄດ້ 2 ຫຼຽນຄຳໃນງານມະຫະກຳກິລາຊີເກມຄັ້ງທີ 33

17/12/2025 13:49

ທ່ານ ນາງ ດາລາວອນ ກິດຕິພັນ ຮອງລັດຖະມົນຕີ ກະຊວງ ສຶກສາທິການ ແລະ ກິລາ (ສສກ) , ທ່ານ ວິລະວັນ ບຸນສຸກໄທ ຫົວກົມກິລາມວນຊົນພາລະ ແລະ ສິລະປະສືກສາ ກະຊວງ ສສກ ພ້ອມດ້ວຍພະນັກງານ ແລະ ກ້ອນສິລະປະ ຊາວໜຸ່ມເຍົາວະຊົນ ກະຊວງສຶກສາທິການ ແລະ ກິລາ ໄດ້ຕ້ອນຮັບຄະນະນັກກິລາເປຕັງ ທີມຊາດລາວ ທີ່ສາມາດຍາດໄດ້ຫຼຽນຄໍາ ໃນງານມະຫະກຳກິລາຊີເກມຄັ້ງທີ 33ຢູ່ປະເທດໄທ ເປັນເຈົ້າພາບໃນວັນທີ 16 ທັນວານີ້ ທີ່ສະໜາມບິນສາກັນວັດໄຕ ນະຄອນຫຼວງວຽງຈັນ .

ໂຄງການອາຫານທ່ຽງຊ່ວຍໃຫ້ນັກຮຽນໂຮງຮຽນປະຖົມສົມບູນບ້ານແກ້ງກຸ່ມດີຂຶ້ນຫຼາຍ

17/12/2025 09:41

ໂຮງຮຽນປະຖົມສົມບູນບ້ານແກ້ງກຸ່ມເມືອງໂຂງ ແຂວງຈໍາປາສັກ ເປັນໂຮງຮຽນໜຶ່ງ ທີ່ອົງການອາຫານໂລກ (WFP) ໃຫ້ການຊ່ວຍເຫຼືອຈັດຕັ້ງປະຕິບັດໂຄງການອາຫານທ່ຽງໃຫ້ນັກຮຽນເລີ່ມແຕ່ປີ 2021 ຈົນຮອດປີ 2030. ຊຶ່ງຊ່ວຍໃຫ້ນັກຮຽນໂຮງຮຽນປະຖົມສົມບູນບ້ານແກ້ງກຸ່ມດີຂຶ້ນຫຼາຍ, ບໍ່ປະລະການຮຽນ ແລະ ຍັງຊ່ວຍຫຼຸດຜ່ອນອາຫານຂອງຜູ້ປົກຄອງ ທີ່ສໍາຄັນຍັງໄດ້ຮັບສານອາຫານ, ໂພຊະນາການທີ່ພຽງພໍ ແລະ ມີປະໂຫຍດດີຕໍ່ສຸຂະພາບ.

ກິລາດອກປິກໄກ່ ມີການຊີງຫຼຽນທັງໝົດ 20 ຫຼຽນ

16/12/2025 14:35

ການແຂ່ງຂັນກິລາດອກປິກໄກ່ ມີການຊີງຫຼຽນຄໍາ,ຫຼຽນເງິນ ແລະ ຫຼຽນທອງ ທັງໝົດ 20 ຫຼຽນ. ທ່ານ ນາງ ຈິນດາ ພົນເຕຊາ ຮອງສະຫະພັນກິລາດອກປິກໄກ່ແຫ່ງຊາດລາວ,ໄດ້ໃຫ້ສຳພາດຕໍ່ສື່ມວນຊົນວ່າ: ການແຂ່ງຂັນດອກປິໄກ່ ໃນງານມະຫະກໍາກິລາຄົນພິການແຫ່ງຊາດ ຄັ້ງທີ IV ຫຼື “ນະຄອນຫຼວງວຽງຈັນ ພາຣາເກມ 2025” ທີ່ນະຄອນຫຼວງວຽງຈັນ ໄດ້ຮັບກຽດເປັນເຈົ້າພາບ ມີ 4 ລາຍການແຂ່ງຂັນ ປະກອບມີຄື: ປະເພດກ່ຽວຊາຍ,ປະເພດດ່ຽວຍິງ,ປະເພດຄູ່ຊາຍ ແລະ ປະເພດຄູ່ຍິງ. ມີນັກກິລາເຂົ້າຮ່ວມ 18 ຄົນ, ຍິງ 4 ຄົນ.ໃນນັ້ນມີ 6 ແຂວງເຂົ້າຮ່ວມຄີ: ເຈົ້າພາບ ນະຄອນຫຼວງວຽງຈັນ, ສະຫວັນນະເຂດ, ຄຳມ່ວນ, ອຸດົມໄຊ, ບໍແກ້ວ ແລະ ຫຼວງພະບາງ. ຊຶ່ງການແຂ່ງຂັນ ແມ່ນຈະດຳເນີນເປັນເວລາ 3 ວັນ ວັນທີ 15-17 ທັນວານີ້.

ລິນລີ່ ສຸພັນທະວົງ ສາວນັກກິລາບ໋ອດເຊຍຄວ້າຫຼຽນຄໍາທໍາອິດໃຫ້ແຂວງຫຼວງພະບາງ

16/12/2025 10:39

ນາງ ລິນລີ່ ສຸພັນທະວົງ ນັກກິລາບ໋ອດເຊຍຄວ້າຫຼຽນຄຳທໍາອິດໃຫ້ນັກກິລາຄົນພິການແຂວງຫຼວງພະບາງ ໃນງານມະຫະກຳກິລາຄົນພິການແຫ່ງຊາດ ຄັ້ງທີ IV ຫຼື “ນະຄອນຫຼວງວຽງຈັນພາຣາເກມ 2025” ທີ່ນະຄອນ ຫຼວງວຽງຈັນ (ນວ) ຮັບກຽດເປັນເຈົ້າພາບ.

ສູນຝຶກອົບຮົມກອງພົນທີ3 ເປີດຂະບວນການແຂ່ງຂັນກິລາມ່ວນຊົນເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ

15/12/2025 14:59

ໃນຕອນເຊົ້າວັນທີ 15 ທັນວານີ້, ສູນຝຶກອົບຮົມກອງພົນທີ3 ໄດ້ຈັດພິທີເປີດຂະບວນການແຂ່ງຂັນກິລາມວນຊົນເພື່ອຂ່ຳນັບຮັບຕ້ອນວັນສໍາຕ່າງໆຂອງຊາດ, ຂອງພັກ, ຂອງກອງທັບ ແລະ ຂອງກົມກອງ ເວົ້າລວມ, ເວົ້າສະເພາະແມ່ນ ຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ (20 ມັງກອນ 1949–20 ມັງກອນ 2026) ຂຶ້ນຢູ່ທີ່ເດີນກິລາຂອງກົມ-ກອງ ໂດຍການເປັນປະທານຂອງ ສະຫາຍ ພັນເອກ ຄໍາສອນ ໄຊສົງຄາມ ຮອງເລຂາຄະນະພັກ ຫົວໜ້າການທະຫານສູນຝຶກອົບຮົມກອງພົນທີ3, ມີສະຫາຍ ພັນໂທ ສີພົນ ແສງຄໍາ ເລຂາຄະນະພັກ ຫົວຫນ້າການເມືອງສູນຝຶກອົບຮົມ ພ້ອມດ້ວຍຄະນະພັກ - ຄະນະບັນຊາ, ພະນັກງານ-ນັກຮົບຕະຫຼອດຮອດນັກກິລາທົ່ວສູນຝຶກອົບຮົມເຂົ້າຮ່ວມ.

ນວ ເຈົ້າພາບໄດ້ຫຼຽນຄໍາທຳອິດກິລາຟັນດາບຄົນພິການ

15/12/2025 14:55

ການແຂ່ງຂັນກິລາຟັນດາບຄົນພິການ ໃນງານມະຫະກໍາກິລາຄົນພິການແຫ່ງຊາດ ຄັ້ງທີ IV ຫຼື “ນະຄອນ ຫຼວງວຽງຈັນພາຣາເກມ 2025” ທີ່ນະຄອນຫຼວງວຽງຈັນ (ນວ) ໄດ້ຮັບກຽດເປັນເຈົ້າພາບ ຈັດຂຶ້ນໃນວັນທີ 15 ທັນວານີ້, ທີ່ສະໂມສອນມະຫາວິທະຍາໄລແຫ່ງຊາດ, ເປັນກຽດເຂົ້າຮ່ວມມີທ່ານ ນາງ ຂັນທະລີ ສີຣິພົງພັນ ປະທານຄະນະກໍາມະການພາຣາແລມປິກແຫ່ງຊາດລາວ, ມີທ່ານ ກິດຕິພົງ ຫາດທະວາການ ນາຍົກສະມາຄົມວີວແຊຟັນດາບແຫ່ງປະເທດໄທ, ມີບັນດາຜູ້ຕາງໜ້າຈາກພະແນກສຶກສາທິການ ແລະ ກິລາ ນວ, ແຂວງ, ຄູຝຶກ ພ້ອມດ້ວຍຄະນະຮັບຜິດຊອບເຂົ້າຮ່ວມ.

ເປີດສາກແຂ່ງຂັນຢ່າງຄຶກຄື້ນກິລາບານບ້ວງລໍ້ເລື່ອນຄົນພິການ

15/12/2025 14:51

ກິລາບານບ້ວງລໍ້ເລື່ອນໃນງານມະຫະກໍາກິລາຄົນພິການແຫ່ງຊາດ ຄັ້ງທີ IV ຫຼື ນະຄອນຫຼວງວຽງຈັນພາຣາເກມ 2025 ທີ່ນະຄອນຫຼວງວຽງຈັນ (ນວ) ເປັນເຈົ້າພາບ, ເຊິ່ງກິລາຄົນພິການແຫ່ງຊາດຄັ້ງນີ້ຖືກບັນຈຸເຂົ້າແຂ່ງຂັນເປັນຄັ້ງທີ IV ຕິດຕໍ່ກັນ 2 ຄັ້ງທຳອິດທີ່ຫຼວງພະບາງ ແລະ ອຸດົມໄຊ ເປັນກິລາສາທິດ ແຕ່ມາຊີງຫຼຽນໃນຄັ້ງທີ III ທີ່ແຂວງຊຽງຂວາງ ແລະ ນວ ໃນຄັ້ງນີ້, ແຂ່ງຂັນທີ່ສູນການແພດຟື້ນຟູໜ້າທີ່ການ ໂດຍມີ 3 ພາກສ່ວນເຂົ້າຮ່ວມຄື: ນວ ເຈົ້າພາບ, ແຂວງຈຳປາສັກ ແລະ ແຂວງຊຽງຂວາງ, ແຂ່ງຂັນ 4 ລາຍການ: ທີມຍິງ-ທີມຊາຍ 3x3 ແລະ 5x5, ມີນັກກິລາເຂົ້າຮ່ວມທັງໝົດ 27 ຄົນ ຍິງ 10 ຄົນ.

ເປີດການແຂ່ງຂັນກິລາດອກປີກໄກ່ “ນະຄອນຫຼວງວຽງຈັນພາຣາເກມ 2025”

15/12/2025 13:15

ການແຂ່ງຂັນກິລາດອກປີກໄກ່ ໃນງານມະຫະກໍາກິລາຄົນພິການແຫ່ງຊາດ ຄັ້ງທີ IV ຫຼື “ນະຄອນ ຫຼວງວຽງຈັນພາຣາເກມ 2025” ທີ່ນະຄອນຫຼວງວຽງຈັນ (ນວ) ໄດ້ຮັບກຽດເປັນເຈົ້າພາບໄດ້ເປີດສາກຂຶ້ນຢ່າງເປັນທາງການໃນວັນທີ 15 ທັນວານີ້, ທີ່ເດີ່ນກິລາໃນຮົ່ມໂອແລມປາເຊຍ ນວ, ເປັນກຽດເຂົ້າຮ່ວມຂອງທ່ານ ນາງ ຈິນດາ ພົນເຕຊາ ຮອງປະທານສະຫະພັນກິລາດອກປີກໄກ່ແຫ່ງຊາດລາວ, ທ່ານ ລິມ ເຊັງຊາຍ ຮອງປະທານສະຫະພັນກິລາດອກປີກໄກ່ແຫ່ງຊາດລາວ, ທ່ານ ກຸ່ຍ ພົນເຕຊາ ຄະນະກຳມະການກິລາດອກປີກໄກ່ແຫ່ງຊາດລາວ ພ້ອມດ້ວຍນັກກິລາ ແລະ ມວນຊົນເຂົ້າຮ່ວມ.

ເພີ່ມເຕີມ