ຄົ້ນຄວ້າຕຳແໜ່ງວິຊາການຄູຂັ້ນຮອງສາດສະດາຈານຢູ່ ວປກ

      ໂອກາດນີ້, ສະຫາຍ ພັນເອກ ໄຊອຸດອນ ສຸພິດາ ຫົວໜ້າກົມຄົ້ນຄວ້າວິທະຍາສາດການທະຫານ-ການ ເມືອງ, ຫົວໜ້າກອງເລຂາ ວປກ ໄດ້ລາຍງານຫຍໍ້ການຈັດຕັ້ງປະຕິບັດກ່ຽວກັບການຄັດເລືອກຕໍາແໜ່ງວິຊາການຄູຢູ່ ວປກ, ຜ່ານຂໍ້ຕົກລົງວ່າດ້ວຍການແຕ່ງຕັ້ງຄະນະກໍາມະການຜູ້ຊົງຄຸນວຸດທິໃນຂະແໜງວິຊາສະເພາະຕ່າງໆ ແລະ ສະຫຼຸບຫຍໍ້ການຈັດຕັ້ງປະຕິບັດກ່ຽວກັບການຄັດເລືອກຕໍາແໜ່ງວິຊາການຄູ, ອີງຕາມກອງປະຊຸມເຜີຍແຜ່ດໍາລັດວ່າດ້ວຍຕໍາແໜ່ງວິຊາການຄູຢູ່ສະຖາບັນການສຶກສາຊັ້ນສູງ ແລະ ໃນລະດັບຕໍ່າກວ່າໃນກອງທັບ ອະນຸມັດໂດຍກະຊວງປ້ອງກັນປະເທດ, ກອງເລຂາ ວປກ ໄດ້ຮິບໂຮມຂໍ້ມູນຜູ້ທີ່ມີເງື່ອນໄຂຄັດເລືອກເພື່ອນໍາສະເໜີຕໍ່ສະພາຄົ້ນຄວ້າຕາມນິຕິກໍາແບບຟອມຂອງກະຊວງສຶກສາທິການ ແລະ ກິລາ ບັນທຶກຜົນງານຕ່າງໆ ຂອງຜູ້ທີ່ສະ ເໜີຕໍາແໜ່ງວິຊາການຄູຈົນສາມາດປະກອບເອກະສານ ເພື່ອນໍາສະເໜີສະພາຜູ້ຊົງຄຸນວຸດທິ ແລະ ປະຕິບັດຕາມຂໍ້ຕົກລົງຂອງສະພາຂັ້ນ ວປກ ວ່າດ້ວຍການຄົ້ນຄວ້ານໍາສະເໜີຕໍາແໜ່ງວິຊາການຄູຂັ້ນຮອງສາດສະດາຈານເຊິ່ງມີດັ່ງນີ້: ສະເໜີຕໍາແໜ່ງວິຊາການຄູຂັ້ນຮອງສາດສະດາຈານມີ 1 ສະຫາຍ (ສະຫາຍ ພົນຕີ ພັນແສງ ບຸນພັນ ຫົວໜ້າການເມືອງ ວປກ). ທັງນີ້ເພື່ອເປັນການປະຕິບັດນະໂຍບາຍຂອງພັກ-ລັດ ກໍຄືແຈ້ງການຂອງກະຊວງປ້ອງກັນປະເທດ ແລະ ດຳລັດຂອງລັດຖະບານຕໍ່ການຍົກລະດັບພາລະບົດບາດຂອງຄູ-ອາຈານຕາມຕຳແໜ່ງວິຊາການຂັ້ນຕ່າງໆ ໃຫ້ປະກົດຜົນເປັນຈິງໃນຖານະເປັນແມ່ພິມຂອງຊາດ. ພ້ອມນີ້, ກອງປະຊຸມຍັງໄດ້ຕີລາຄາຄັດເລືອກເອົາບຸກຄະລາກອນຜູ້ທີ່ມີຄວາມຮູ້-ຄວາມສາມາດ ເປັນແບບຢ່າງນຳໜ້າໃນການສິດສອນ ກໍຄືມີຜົນງານໃນການຄົ້ນ ຄວ້າວິທະຍາສາດເພື່ອເປັນບ່ອນອີງໃຫ້ການຮັບນາມມະຍົດທີ່ເໝາະສົມໃນຕຳແໜ່ງວິຊາການດັ່ງກ່າວອີກດ້ວຍ.

ຂ່າວ: ເຂັງພອນ ແກ້ວຄໍາລຽງ