ນັບມື້ດີຂຶ້ນບົນພື້ນຖານເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງໃຫ້ຕົນເອງ ໃນການພັດທະນາຄອບຄົວໃຫ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ.
ຄອບຄົວທ່ານ ພັນແກ້ວ ມິດລະແສນ ອາຍຸ 54 ປີ ອາຊີບ ທູລະກິດ ແລະ ລ້ຽງສັດ ຢູ່ບ້ານລ້ອງມູນຈອມແກ້ວ ເມືອງນາແລແຂວງຫຼວງນໍ້າທາເປັນຄອບຄົວຕົວແບບໃນການລ້ຽງສັດ,ການສ້າງເສດຖະກິດຄອບຄົວຂອງຕົນເອງ. ທ່ານ ພັນແກ້ວ ມິດລະແສນ ໄດ້ກ່າວວ່າ: ຄອບຄົວຂອງຂ້າພະເຈົ້າ ມີທັງໝົດ 6 ຄົນຍິງ 3 ຄົນ, ແຮງງານຕົ້ນຕໍ 5 ແຮງງານຍິງ 3 ແຮງງານ, ໃນເມື່ອກ່ອນລາຍຮັບຕົ້ນຕໍແມ່ນໄດ້ມາຈາກການຄ້າຂາຍພຽງຢ່າງດຽວ.ແຕ່ຍ້ອນເຫັນໄດ້ແນວທາງນະໂຍບາຍຂອງພັກ-ລັດທີ່ຖືກຕ້ອງ, ຂ້າພະເຈົ້າຈິ່ງຫັນມາລ້ຽງສັດ.ຊຶ່ງໄດ້ເລີ່ມຕົ້ນລ້ຽງງົວ-ຄວາຍແຕ່ປີ 2005, ໃນເບື້ອງຕົ້ນ ມີງົວ 15 ໂຕ, ຄວາຍ 11ໂຕ, ນຳໃຊ້ທຶນທັງໝົດ 22,400,000 ກີບ, ຊຶ່ງລ້ຽງແບບປະຖົມປະຖານ (ປ່ອຍຫາກິນຕາມທໍາມະຊາດ) ໄປພ້ອມໆກັບການເກັບຊື້ເຄື່ອງປ່າຂອງດົງ, ໃນ 3 ປີຕໍ່ມາ (ປີ 2008) ຈໍານວນງົວ-ຄວາຍໄດ້ເພີ່ມຂຶ້ນເປັນ 46 ໂຕ; ເພື່ອສະດວກໃນການລ້ຽງ, ເບິ່ງແຍງ ແລະ ບໍ່ສິ້ນເປືອງເວລາ ຂ້າພະເຈົ້າ ໄດ້ມີແນວຄິດລິເລີ່ມຫັນວິທີຈາກການລ້ຽງແບບປະຖົມປະຖານ, ເຮັດຕາມທໍາມະຊາດໃນເມື່ອກ່ອນ ມາລ້ຽງແບບເປັນຄອກ, ພ້ອມທັງໄດ້ປູກຫຍ້າບາງຈຸດ ແລະ ວານເກືອໄອໂອດິນທຸກໆວັນ. ມາຮອດປີ 2015 ມີງົວ-ຄວາຍເພີ່ມຂຶ້ນເປັນ 85 ໂຕ ແລະ ແຍກງົວ-ຄວາຍລ້ຽງເປັນ 2 ຈຸດ ແລະມີງົວ-ຄວາຍເພີ່ມຂຶ້ນໃນແຕ່ລະປີ ແລະ ຂາຍອອກ ໂດຍສະເລ່ຍ 15 ໂຕຕໍ່ປີ. ນັບແຕ່ປີ 2015 ເປັນຕົ້ນມາ ຍອດຂາຍໄດ້ມີການເພີ່ມຂຶ້ນ ແລະ ສາມາດສ້າງລາຍຮັບຈາກການຂາຍງົວ-ຄວາຍປີໜຶ່ງປະມານ 127,000,000 ກີບ, ຈາກນັ້ນຍັງໄດ້ເກັບຊື່ເຄື່ອງປ່າຂອງດົງ, 400,000,000 ກີບຕໍ່ປີ, ເກັບຊື່ຢາງພາລາ 170,000,000 ກີບຕໍ່ປີ ແລະ ປາດຢາງພາລາຂອງຕົນເອງ 25,000,000 ກີບຕໍ່ປີ. ຍ້ອນແນວນັ້ນ, ຄອບຄົວທ່ານ ພັນແກ້ວ ມິດລະແສນ ຈິ່ງໄດ້ຢຶດຖືເອົາການລ້ຽງສັດ ແລະ ເກັບຊື້ເຄື່ອງປ່າຂອງດົງເປັນອາຊີບຕົ້ນຕໍ ແລະ ເຮັດອັນອື່ນໆເປັນອາຊີບເສີມ. ມາຮອດປັດຈຸບັນ, ມີ ງົວ-ຄວາຍຂອງຕົນເອງມີ 165 ໂຕ.
ສັງລວມແລ້ວ, ໃນ 1 ປີ ຄອບຄົວມີລາຍຮັບ ຈາກການຂາຍງົວ-ຄວາຍ, ເກັບຊື້ເຄື່ອງປ່າຂອງດົງ, ເກັບຊື້ຢາງພາລາ ໄດ້ປະມານ 722.000.000 ກີບ, ສະເລ່ຍລາຍຮັບຕໍ່ຫົວຄົນໄດ້ 120.000.000 ກີບ/ປີ, ເຮັດໃຫ້ພື້ນຖານຊີວິດການເປັນຢູ່ຂອງຄອບຄົວນັບມື້ນັບດີຂຶ້ນເລື້ອຍໆ. ຜ່ານການສະສົມລາຍໄດ້ໃນແຕ່ລະປີ ຂ້າພະເຈົ້າມີເຮືອນຖາວອນໄດ້ 5 ຫຼັງ ມີລົດໃຫຍ່ 3 ຄັນ, ລົດຈັກ 3 ຄັນ.
(ຂ່າວຈາກ: ຄຳບາງ ໄຊວົງ)
ຄໍາເຫັນ