ຄູ-ອາຈານ ສຂຈ ໄດ້ຮັບລາງວັນຊະນະເລີດການແຂ່ງຂັນຄູຕົວແບບສອນດີສອນເດັ່ນພາສາຈີນ

ການແຂ່ງຂັນດັ່ງກ່າວໄດ້ແບ່ງອອກເປັນສອງສາຍຄື: ການສິດສອນພາສາຈີນສໍາລັບຜູ້ໃຫຍ່ ແລະ ການສອນພາສາຈີນສໍາລັບເດັກນ້ອຍ. ຜ່ານການແຂ່ງຂັນດັ່ງກ່າວຕົວແທນຄູ-ອາຈານຈາກ ສຂຈ ມະຫາວິທະຍາໄລແຫ່ງຊາດທ່ານສີສະຫວາດພອນນະໄຊສາມາດຍາດໄດ້ລາງວັນຊະນະເລີດ "ການແຂ່ງຂັນຄູຕົວແບບໃນການສອນພາສາຈີນ”ແຫ່ງປະເທດອາຊີຕາເວັນອອກສຽງໃຕ້ປະຈໍາປີ2025ແລະ ທ່ານນາງ ມະນີສາຄອນທິບທິລາດສາມາດຍາດໄດ້ລາງວັນ "ການອອກແບບການສອນດີເດັ່ນ" ໃນກຸ່ມການສອນພາສາຈີນໃຫ້ແກ່ຜູ້ໃຫຍ່ຊຶ່ງເປັນສອງລາງວັນທີ່ສໍາຄັນໃນການແຂ່ງຂັນໃນຄັ້ງນີ້ ແລະ ທ່ານນາງ ວັນພອນພັນວົງສາ, ທ່ານນາງທອງຈັນມະນີພອນ ໄດ້ຮັບລາງວັນຊົມເຊີຍດີເດັ່ນໃນປະເພດການສິດສອນພາສາຈີນສໍາລັບເດັກນ້ອຍ.

ການເຂົ້າຮ່ວມແຂ່ງຂັນຄັ້ງນີ້, ສະແດງເຖິງຄວາມຮູ້, ຄວາມສາມາດທັກສະແລະປະສິດທິພາບໃນການສິດສອນພາສາຈີນຂອງຄູ-ອາຈານຝ່າຍລາວ, ສະແດງໃຫ້ເຫັນເຖິງຄວາມເຂັ້ມແຂງດ້ານວຽກງານວິຊາການກໍຄືການສິດສອນພາສາຈີນໃນສະຖາບັນຂົງຈືມຊເປັນການປະກອບສ່ວນໃນການສ້າງຜົນງານອັນໂດດເດັ່ນໃຫ້ແກ່ສະຖາບັນຂົງຈືມຊໃນລະດັບພາກພື້ນແລະສາກົນທັງເປັນເວທີໃນການແລກປ່ຽນຄວາມຮູ້ແລະປະສົບການການສອນພາສາຈີນກັບບັນດາປະເທດໃນເຂດພາກພື້ນແລະສາກົນ.

ຂ່າວ: ສຂຈ