ຄູຄືບຸກຄົນທີ່ມີກຽດ ຄວນຍົກສູງຈາລຶກບຸນຄຸນ ແລະ ຍ້ອງຍໍສັນລະເສີນຄຸນງາມຄວາມດີຂອງຄູ, ຄູເປັນຜູ້ຫຼໍ່ຫຼອມໃຫ້ຄົນມີຄວາມຮູ້ ປະເທດຊາດຈຶ່ງໄດ້ຮັບການພັດທະນາ. ເນື່ອງໃນໂອກາດວັນຄູແຫ່ງຊາດວັນທີ 7 ຕຸລາ ຄົບຮອບ 29 ປີທີ່ໃກ້ຈະມາເຖິງນີ້,ທ່ານນາງ ເອລາວັນ ນິຕິພົງຮອງຜູ້ອໍານວຍການໂຮງຮຽນມັດທະຍົມສຶກສາສົມບູນສາທິດ (ມ.ສ ສາທິດ) ຮັບຜິດຊອບໜ່ວຍງານວິຊາການໄດ້ໃຫ້ສຳພາດຕໍ່ສື່ມວນຊົນໃນວັນທີ 4 ຕຸລານີ້ວ່າ: ຄຳວ່າຄູໝາຍເຖິງຄົນທີ່ມີຄວາມຮູ້, ມີປະສົບການ, ມີບົດຮຽນ, ມີຈະລິຍະທໍາ, ມີຄຸນນະທໍາສາມາດຖ່າຍທອດຄວາມຮູ້ໄປສູ່ຜູ້ບໍ່ຮູ້ເອີ້ນວ່າ: ການສອນ ແລະ ການຮຽນ. ສະນັ້ນ, ຄູຈຶ່ງເປັນບຸກຄົນທີ່ມີຄວາມໝາຍ-ຄວາມສໍາຄັນປະກອບສ່ວນເຂົ້າໃນການພັດທະນາປະເທດຊາດໃຫ້ມີຄວາມເຂັ້ມແຂງຈະເລີນຮຸ່ງເຮືອງກ້າວໜ້າ.
ທ່ານນາງ ເອລາວັນ ນິຕິພົງ ກ່າວໃຫ້ຮູ້ວ່າ: ໃນສົກຮຽນ 2023-2024 ໂຮງຮຽນ ມ.ສ ສາທິດມີຄູທັງໝົດ 49ຄົນ ຍິງ38ຄົນ, ມີຄູລັດ 41 ຄົນ ຍິງ34ຄົນ, ມີພະນັກງານບໍລິຫານ 2 ຄົນ, ຄູອາສາ6 ຄົນຍິງ 4ຄົນ, ມີນັກຮຽນທັງໝົດ 2.315 ຄົນຍິງ 1.169ຄົນ. ໃນສົກຮຽນຜ່ານມາ, ການຈັດຕັ້ງການຮຽນ-ການສອນຂອງຄູມີຜົນງານພົ້ນເດັ່ນຫຼາຍດ້ານຊຶ່ງຄູທຸກຄົນລ້ວນເປັນຜູ້ທີ່ມີຄວາມຮູ້ ມີປະສົບການໃນການສອນມາຫຼາຍປີ. ສະແດງອອກດ້ານຜົນງານ ໄດ້ນໍາພານັກຮຽນເຂົ້າແຂ່ງຂັນເລກປິດສະໜາ (ຄະນິດຄິດໄວ) ຊຶ່ງໄດ້ຮັບລາງວັນປະເພດທີ II, ຜ່ານການສອນຕົວຈິງນັກຮຽນຫຼາຍຄົນສາມາດສອບເສັງເຂົ້າຮຽນຢູ່ໂຮງຮຽນພອນສະຫວັນຊົນເຜົ່າ, ໂຮງຮຽນ ມ.ສ ວຽງຈັນ, ພິເສດໃນສົກຮຽນຜ່ານມາ, ນັກຮຽນຂັ້ນ ມ.4 ແລະ ມ.7 ສາມາດສອບເສັງໄດ້ 100%. ນອກນັ້ນ, ນັກຮຽນທີ່ຮຽນຈົບມ.7 ສາມາດສອບເສັງຄັດເລືອກເຂົ້າຮຽນວິຊາຊີບຕ່າງໆໄດ້ຫຼາຍກວ່າ70% ຂຶ້ນໄປ.
ທ່ານຮອງຜູ້ອໍານວຍການໂຮງຮຽນ ກ່າວໃຫ້ຮູ້ອີກວ່າ: ໃນສະພາບເສດຖະກິດປັດຈຸບັນ,ທາງໂຮງຮຽນມີສິ່ງທ້າທາຍຫຼາຍດ້ານເປັນຕົ້ນ ດ້ານການຮຽນ-ການສອນຈໍານວນຄູສອນຫຼຸດລົງ, ນັກຮຽນມີຈຳນວນເພີ່ມຂຶ້ນໃນແຕ່ລະປີ ຍ້ອນວ່າໃນທຸກໆສົກຮຽນຄູຮັບອຸດໜູນບໍານານ ແລະ ຜູ້ປົກຄອງມີຄວາມຕ້ອງການ(ຈໍາເປັນ)ຍົກຍ້າຍລູກຫຼານເຂົ້າມາຮຽນມີຈໍານວນຫຼາຍຂຶ້ນ ເຮັດໃຫ້ຫ້ອງຮຽນແອອັດ, ການຄຸ້ມຄອງນັກຮຽນບໍ່ທົ່ວເຖິງ, ອຸປະກອນຮັບໃຊ້ການຮຽນ-ການສອນ ໂດຍສະເພາະຄອມພິວເຕີຍັງມີໜ້ອຍ, ບໍ່ມີຫ້ອງທົດລອງ, ສະພາບແວດລ້ອມຂອງໂຮງຮຽນຍັງມີຂໍ້ຈໍາກັດຫຼາຍຢ່າງ.
ສໍາລັບແຜນພັດທະນາໂຮງຮຽນໃນຕໍ່ໜ້າຈະເລັ່ງໃສ່ແກ້ໄຂ 2ບັນຫາຄື: ຄູອາສາສະໝັກ-ສັນຍາຈ້າງ ໂດຍການເພີ່ມນະໂຍບາຍເງິນອຸດໜູນຊ່ວຍຄູ (ຜ່ານການປະເມີນ), ປັບປຸງດ້ານສະພາບແວດລ້ອມໂຮງຮຽນໃຫ້ໜ້າຢູ່ເພື່ອດຶງດູດນັກຮຽນໃຫ້ມາໂຮງຮຽນໃຫ້ຫຼາຍຂຶ້ນ ເພື່ອສ້າງນັກຮຽນໃຫ້ມີຄວາມຮູ້ ເປັນໜໍ່ແໜງທີ່ສຳຄັນໃຫ້ແກ່ປະເທດຊາດ.
ທ່ານນາງ ເອລາວັນ ນິຕິພົງ ກ່າວໃຫ້ຮູ້ວ່າ: ໃນສົກຮຽນ 2023-2024 ໂຮງຮຽນ ມ.ສ ສາທິດມີຄູທັງໝົດ 49ຄົນ ຍິງ38ຄົນ, ມີຄູລັດ 41 ຄົນ ຍິງ34ຄົນ, ມີພະນັກງານບໍລິຫານ 2 ຄົນ, ຄູອາສາ6 ຄົນຍິງ 4ຄົນ, ມີນັກຮຽນທັງໝົດ 2.315 ຄົນຍິງ 1.169ຄົນ. ໃນສົກຮຽນຜ່ານມາ, ການຈັດຕັ້ງການຮຽນ-ການສອນຂອງຄູມີຜົນງານພົ້ນເດັ່ນຫຼາຍດ້ານຊຶ່ງຄູທຸກຄົນລ້ວນເປັນຜູ້ທີ່ມີຄວາມຮູ້ ມີປະສົບການໃນການສອນມາຫຼາຍປີ. ສະແດງອອກດ້ານຜົນງານ ໄດ້ນໍາພານັກຮຽນເຂົ້າແຂ່ງຂັນເລກປິດສະໜາ (ຄະນິດຄິດໄວ) ຊຶ່ງໄດ້ຮັບລາງວັນປະເພດທີ II, ຜ່ານການສອນຕົວຈິງນັກຮຽນຫຼາຍຄົນສາມາດສອບເສັງເຂົ້າຮຽນຢູ່ໂຮງຮຽນພອນສະຫວັນຊົນເຜົ່າ, ໂຮງຮຽນ ມ.ສ ວຽງຈັນ, ພິເສດໃນສົກຮຽນຜ່ານມາ, ນັກຮຽນຂັ້ນ ມ.4 ແລະ ມ.7 ສາມາດສອບເສັງໄດ້ 100%. ນອກນັ້ນ, ນັກຮຽນທີ່ຮຽນຈົບມ.7 ສາມາດສອບເສັງຄັດເລືອກເຂົ້າຮຽນວິຊາຊີບຕ່າງໆໄດ້ຫຼາຍກວ່າ70% ຂຶ້ນໄປ.
ທ່ານຮອງຜູ້ອໍານວຍການໂຮງຮຽນ ກ່າວໃຫ້ຮູ້ອີກວ່າ: ໃນສະພາບເສດຖະກິດປັດຈຸບັນ,ທາງໂຮງຮຽນມີສິ່ງທ້າທາຍຫຼາຍດ້ານເປັນຕົ້ນ ດ້ານການຮຽນ-ການສອນຈໍານວນຄູສອນຫຼຸດລົງ, ນັກຮຽນມີຈຳນວນເພີ່ມຂຶ້ນໃນແຕ່ລະປີ ຍ້ອນວ່າໃນທຸກໆສົກຮຽນຄູຮັບອຸດໜູນບໍານານ ແລະ ຜູ້ປົກຄອງມີຄວາມຕ້ອງການ(ຈໍາເປັນ)ຍົກຍ້າຍລູກຫຼານເຂົ້າມາຮຽນມີຈໍານວນຫຼາຍຂຶ້ນ ເຮັດໃຫ້ຫ້ອງຮຽນແອອັດ, ການຄຸ້ມຄອງນັກຮຽນບໍ່ທົ່ວເຖິງ, ອຸປະກອນຮັບໃຊ້ການຮຽນ-ການສອນ ໂດຍສະເພາະຄອມພິວເຕີຍັງມີໜ້ອຍ, ບໍ່ມີຫ້ອງທົດລອງ, ສະພາບແວດລ້ອມຂອງໂຮງຮຽນຍັງມີຂໍ້ຈໍາກັດຫຼາຍຢ່າງ.
ສໍາລັບແຜນພັດທະນາໂຮງຮຽນໃນຕໍ່ໜ້າຈະເລັ່ງໃສ່ແກ້ໄຂ 2ບັນຫາຄື: ຄູອາສາສະໝັກ-ສັນຍາຈ້າງ ໂດຍການເພີ່ມນະໂຍບາຍເງິນອຸດໜູນຊ່ວຍຄູ (ຜ່ານການປະເມີນ), ປັບປຸງດ້ານສະພາບແວດລ້ອມໂຮງຮຽນໃຫ້ໜ້າຢູ່ເພື່ອດຶງດູດນັກຮຽນໃຫ້ມາໂຮງຮຽນໃຫ້ຫຼາຍຂຶ້ນ ເພື່ອສ້າງນັກຮຽນໃຫ້ມີຄວາມຮູ້ ເປັນໜໍ່ແໜງທີ່ສຳຄັນໃຫ້ແກ່ປະເທດຊາດ.
ຄໍາເຫັນ