ຄື້ນຄວາມຮ້ອນໃນທະເລຮຸ່ນແຮງເພີ່ມຂຶ້ນ 3 ເທົ່າໃນ 80 ປີ

13:51 21/04/2025

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ການສຶກສາໃໝ່ທີ່ພິມເຜີຍແຜ່ໃນວາລະສານ Proceedings of the National Academy of Sciences ເປີດເຜີຍວ່າ: ຈຳນວນມື້ທີ່ມະຫາສະໝຸດທົ່ວໂລກປະສົບກັບຄື້ນຄວາມຮ້ອນຜີວນໍ້າທະເລລະດັບຮຸນແຮງ

ເພີ່ມຂຶ້ນເປັນ 3 ເທົ່າ ໃນໄລຍະ80 ປີທີ່ຜ່ານມາ ຊຶ່ງເປັນຜົນມາຈາກພາວະໂລກຮ້ອນ.

ນັກຄົ້ນຄວ້າພົບວ່າ: ໃນຊຸມປີ 1940, ຜີວນໍ້າທະເລທົ່ວໂລກມີຄື້ນຄວາມຮ້ອນຮຸນແຮງສະເລ່ຍປະມານ 15 ມື້ຕໍ່ປີ, ແຕ່ໃນປັດຈຸບັນໂຕເລກດັ່ງກ່າວໄດ້ເພີ່ມຂຶ້ນເປັນເກືອບ 50 ມື້ຕໍ່ປີ, ໂດຍພາວະໂລກຮ້ອນເປັນໜຶ່ງໃນສາເຫດຂອງການເກີດຄື້ນຄວາມຮ້ອນທາງທະເລເກືອບເຄິ່ງໜຶ່ງ.

ນອກຈາກນັ້ນ, ຄື້ນຄວາມຮ້ອນໃນທະເລໝາຍເຖິງໄລຍະເວລາທີ່ອຸນຫະພູມຂອງຜີວນໍ້າທະເລສູງກວ່າຄ່າປົກກະຕິຢ່າງຫຼວງຫຼາຍແລະຈະແກ່ຍາວເວລາຕໍ່ເນື່ອງເຖິງໄລຍະໜຶ່ງ.

ການສຶກສາດັ່ງກ່າວໄດ້ດໍາເນີນໂດຍນັກວິທະຍາສາດຈາກຫຼາຍສະຖາບັນ ເຊັ່ນ: ສະຖາບັນ Mediterranean ສໍາລັບການສຶກສາຂັ້ນສູງ,ມະຫາວິທະຍາໄລ Readingແລະ ສະຖາບັນວິທະຍາສາດອາວະກາດສາກົນ ແລະ ມະຫາວິທະຍາໄລໝູ່ເກາະບາເລອາຣິກ ຊຶ່ງຜົນການສຶກສາຍັງພົບວ່າ ອຸນຫະພູມໂລກທີ່ເພີ່ມສູງຂຶ້ນເຮັດໃຫ້ເຫດການຄື້ນຄວາມຮ້ອນໃນທະເລມີທ່າອ່ຽງທີ່ຈະຍາວນານ ແລະຮ້າຍແຮງຍິ່ງຂຶ້ນ.

ບັນດາຜູ້ຊ່ຽວຊານກ່າວວ່າ: ຄື້ນຄວາມຮ້ອນໃນທະເລສາມາດທຳລາຍລະບົບນິເວດໃຕ້ນ້ຳໄດ້ເຊັ່ນ:ເຮັດໃຫ້ປະກາລັງຕາຍ, ທໍາລາຍປ່າສາຫຼ່າຍ ແລະເປັນອັນຕະລາຍຕໍ່ທົ່ງຫຍ້າທະເລ.

ທັງນີ້, ຜົນກະທົບຂອງຄື້ນຄວາມຮ້ອນໃນທະເລຂະຫຍາຍອອກໄປໄກກວ່າມະຫາສະໝຸດ. ໂດຍນັກຄົ້ນຄວ້າເຕືອນວ່າຄວາມຖີ່ທີ່ເພີ່ມຂຶ້ນນີ້ສາມາດເຮັດໃຫ້ບັນຍາກາດຂອງໂລກມີສະຖຽນລະພາບໜ້ອຍລົງແລະພາໃຫ້ເກີດພາຍຸເຂດຮ້ອນທີ່ຮຸ່ນແຮງ ແລະ ເກີດຂຶ້ນເລື້ອຍໆຢູ່ບາງພາກພື້ນ.

ຄໍາເຫັນ

ຂ່າວຕ່າງປະເທດ

ຜູ້ຊ່ຽວຊານເຕືອນ ອາຫານປຸງແຕ່ງສູງ ສາມາດກິນໄດ້ໃນລະດັບປານກາງ

19/05/2025 13:55

ຂ່າວຕ່າງປະເທດລາຍງານ ເມື່ອບໍ່ດົນມານີ້; ໜັງສືພິມ Washington Post ລາຍງານວ່າ: ເຖິງແມ່ນວ່າການຄົ້ນຄວ້າຫຼາຍໆຄັ້ງຈະພົບວ່າ ການບໍລິໂພກອາຫານທີ່ປຸງແຕ່ງສູງ (ultra-processed food) ຫຼື ອາຫານທີ່ຜ່ານການປຸງແຕ່ງຫຼາຍເປັນພິເສດເຊັ່ນ: ພິດຊາແຊ່ແຂງ ໃນປະລິມານຫຼາຍ ກ່ຽວຂ້ອງກັບຄວາມສ່ຽງທີ່ເພີ່ມຂຶ້ນຂອງພະຍາດຊໍາເຮື້ອ. ແຕ່ຜູ້ຊ່ຽວຊານດ້ານສຸຂະພາບແນະນໍາວ່າບໍ່ຄວນຫຼີກລ່ຽງອາຫານເຫຼົ່ານີ້ທັງໝົດ, ແຕ່ຄວນຈໍາກັດປະລິມານການບໍລິໂພກ.

ມຽນມາ ກຽມຈັດກອງປະຊຸມຟື້ນຟູເສດຖະກິດຫຼັງແຜ່ນດິນໄຫວ

19/05/2025 13:47

ຂ່າວຕ່າງປະເທດລາຍງານ ຫວ່າງມໍ່ໆມານີ້; ກະຊວງຖະແຫຼງຂ່າວມຽນມາ ເປີດເຜີຍວ່າ: ມຽນມາ ກະກຽມຈັດກອງປະຊຸມກ່ຽວກັບການຟື້ນຟູເສດຖະກິດຫຼັງແຜ່ນດິນໄຫວ ທີ່ນະຄອນຫຼວງເນປີດໍ ລະຫວ່າງວັນທີ 30 ຫາ 31 ພຶດສະພານີ້.

ລາຄານຳເຂົ້າ ສ ເກົາຫຼີ ຫຼຸດລົງ 3 ເດືອນຕິດຕໍ່ກັນ

19/05/2025 13:29

ຂ່າວຕ່າງປະເທດລາຍງານ; ທະນາຄານກາງ ສ ເກົາຫຼີ ໄດ້ເປີດເຜີຍຂໍ້ມູນໃນທ້າຍອາທິດຜ່ານມານີ້ວ່າ: ດັດຊະນີລາຄານຳເຂົ້າໃນເດືອນເມສາ ຫຼຸດລົງ 1.9% ຈາກເດືອນກ່ອນ. ສືບຕໍ່ຈາກການຫຼຸດລົງ 0.4% ໃນເດືອນມີນາ.

ກອງປະຊຸມຄະນະກຳມະການໃຫ້ຄຳປຶກສາການຮ່ວມມືສາກົນ “ໜຶ່ງແລວໜຶ່ງເສັ້ນທາງ”

19/05/2025 12:51

ຂ່າວສານຊີອາໄອລາຍງານ ຫວ່າງມໍ່ໆມານີ້ວ່າ: ກອງປະຊຸມປະຈຳປີ 2025 ຂອງຄະນະກຳມະການໃຫ້ຄຳປຶກສາເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ໄດ້ຈັດຂຶ້ນຢູ່ນະຄອນນິງໂປ ແຂວງເຈີ້ຈ່ຽງປະເທດຈີນ. ບັນດາສະມາຊິກຄະນະກຳມະການດັ່ງກ່າວທີ່ເຂົ້າຮ່ວມກອງປະຊຸມໄດ້ປຶກສາຫາລືໂດຍປິ່ນອ້ອມຫົວຂໍ້ຕົ້ນຕໍຄື “ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ທີ່ມີຄຸນນະພາບສູງ, ສ້າງໂລກທີ່ເປີດກວ້າງ, ກວມລວມ, ເຊື່ອມໂຍງເຊື່ອມຈອດ ແລະ ພັດທະນາຮ່ວມກັນ”, ໂດຍໄດ້ລົງເລິກປຶກສາຫາລືກ່ຽວກັບ ການຮ່ວມມືສາກົນ “ໜຶ່ງແລວໜຶ່ງເສັ້ນທາງ”, ການເປີດເສລີ ແລະ ການອຳນວຍຄວາມສະດວກໃຫ້ແກ່ການຄ້າ ແລະ ການລົງທຶນ, ການຮ່ວມມືດ້ານເສດຖະກິດດີຈີ ຕອນກັບປັນຍາປະດິດ ແລະ ຫົວຂໍ້ອື່ນໆ.

ມະຕິຍຸດທະສາດ 4 ສະບັບ ນຳປະເທດຫວຽດນາມບືນຕົວຂຶ້ນ

19/05/2025 12:38

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້ ຢູ່ນະຄອນຫຼວງຮ່າໂນ້ຍ, ກົມການເມືອງ, ຄະນະເລຂາ ໄດ້ຈັດຕັ້ງກອງປະຊຸມທົ່ວປະເທດເຊື່ອມຊຶມ, ຜັນຂະຫຍາຍປະຕິບັດມະຕິເລກທີ 66 ຂອງກົມການເມືອງກ່ຽວກັບການປ່ຽນແປງໃໝ່ວຽກງານກໍ່ສ້າງ ແລະ ປະຕິບັດກົດໝາຍຕອບສະໜອງຄວາມຮຽກຮ້ອງຕ້ອງການພັດທະນາປະເທດຊາດໃນຍຸກສະໄໝໃໝ່ ແລະ ມະຕິເລກທີ 68 ຂອງກົມການເມືອງກ່ຽວກັບການພັດທະນາເສດຖະກິດເອກະຊົນ. ໂດຍການເຂົ້າຮ່ວມຂອງທ່ານ ໂຕເລິມ ເລຂາທິການໃຫຍ່.

ສະໜາມບິນສາກົນພະນົມເປັນ ຈະປິດບໍລິການໃນວັນທີ 9 ກໍລະກົດປີນີ້

16/05/2025 14:19

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ເຈົ້າໜ້າທີ່ກະຊວງທີ່ປຶກສາແຫ່ງລັດດ້ານການບິນພົນລະເຮືອນກຳປູເຈຍເປີດເຜີຍໃຫ້ຮູ້ວ່າ, ສະໜາມບິນສາກົນ Techo ຂອງກຳປູເຈຍຄາດວ່າຈະເປີດບໍລິການຢ່າງເປັນທາງການໃນວັນທີ 10 ກໍລະກົດ ຈະມາເຖິງນີ້, ຮອດເວລານັ້ນສະໜາມບິນສາກົນພະນົມເປັນຈະປິດບໍລິການຢ່າງຮອບດ້ານ ແລະວຽກງານທັງໝົດຈະຍ້າຍໄປສະໜາມບິນສາກົນ Techo ທີ່ສ້າງສຳເລັດໃໝ່.

ອາເມຣິກາ ແລະ ຊາອຸດິດ ອາຣັບບີ ລົງນາມໃນຂໍ້ຕົກລົງ ມູນຄ່າ 142 ຕື້ກວ່າໂດລາ

16/05/2025 14:19

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ທ່ານ ໂດໂນ ທຣຳ ປະທານາທິບໍດີ ສະຫະລັດ ອາເມຣິກາ ໄດ້ເດີນທາງຮອດ ນະຄອນຫຼວງຣີຢາດ ປະເທດຊາອຸດິດ ອາຣັບບີ ຊຶ່ງເປັນປະເທດທຳອິດໃນການຢ້ຽມຢາມ 3 ປະເທດເຂດອ່າວ ເປີເຊີຍ ລວມມີ: ຊາອຸດິດ ອາຣັບບີ, ກາຕາ ແລະ ສະຫະລັດ ອາຣັບ ເອມີເລດ (UAE). ຕິດຕາມທ່ານປະທານາທິບໍດີ ອາເມຣິກາ ໃນການຢ້ຽມຢາມຄັ້ງນີ້ ມີການນຳວິສາຫະກິດແຖວໜ້າຂອງ ສະຫະລັດ ອາເມຣິກາ, ໃນນັ້ນມີ ທ່ານ ອີລອນ ມາກ.

ທ່ານ ສີຈິ້ນຜິງ ພົບປະກັບປະທານາທິບໍດີຊີເລ

16/05/2025 14:17

ຂ່າວສານຊີອາໄອລາຍງານວ່າ: ໃນຕອນເຊົ້າວັນທີ 14 ພຶດສະພາ ຜ່ານມານີ້, ທ່ານ ສີຈິ້ນຜິງ ປະທານປະເທດຈີນໄດ້ພົບປະກັບທ່ານ ກາເບຣລ ໂບຣິກ ປະທານາທິບໍດີຊີເລ ທີ່ຫໍສະພາປະຊາຊົນແຫ່ງຊາດ ທີ່ນະຄອນຫຼວງປັກກິ່ງ ຂອງຈີນ.

ນາຍົກຫວຽດນາມ ສະເຫນີ World Bank ໜູນຊ່ວຍໂຄງການພື້ນຖານໂຄງລ່າງທີ່ມີຂອບຂະໜາດໃຫຍ່

16/05/2025 14:15

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 15 ພຶດສະພາ ຜ່ານມາ ຢູ່ນະຄອນຫຼວງຮ່າໂນ້ຍ, ໃນການຕ້ອນຮັບທ່ານນາງ ມາຮຽມ ເຊີແມນ (Mariam J. Sherman) ຜູ້ອຳນວຍການແຫ່ງຊາດ ຂອງຫ້ອງການ World Bank ຢູ່ ພາກພື້ນ ຫວຽດນາມ, ລາວ ແລະ ກຳປູເຈຍ, ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ສະເໜີ World Bank ປະຕິຮູບບັນດາລະບຽບການ, ເງື່ອນໄຂກູ້ຢຶມທຶນ, ໃຫ້ຄຳປຶກສານະໂຍບາຍ ແລະ ຫນູນຊ່ວຍ ຫວຽດນາມ ປະຕິບັດບັນດາເປົ້າໝາຍຍຸດທະສາດ ເປັນຕົ້ນແມ່ນການພັດທະນາພື້ນຖານໂຄງລ່າງທີ່ມີຂອບຂະໜາດໃຫຍ່.

KDI ຫຼຸດການຄາດຄະເນການເຕີບໂຕເສດຖະກິດ ສ ເກົາຫຼີ ລົງເປັນ 0.8% ໃນປີນີ້

16/05/2025 09:18

ຂ່າວຕ່າງປະເທດລາຍງານ ໃນວັນທີ 14 ພຶດສະພານີ້ ວ່າ: ສະຖາບັນການພັດທະນາເກົາຫຼີ (KDI) ຊຶ່ງເປັນອົງການຂອງລັດຖະບານ ສ ເກົາຫຼີ ໄດ້ຫຼຸດການຄາດຄະເນການເຕີບໂຕຂອງເສດຖະກິດ ສ ເກົາຫຼີ ໃນປີ 2025 ລົງເຖິງ 50% ເຫຼືອພຽງ 0.8% ຈາກໂຕເລກການຄາດຄະເນທີ່ຜ່ານມາ 1.6%, ໂດຍລະບຸວ່າການຄ້າໃນທົ່ວໂລກມີຄວາມບໍ່ແນ່ນອນຫຼາຍຂຶ້ນ ແລະ ການສົ່ງອອກຊ້າລົງ.

ເພີ່ມເຕີມ