ທ່ານ ມະໂນລົດ ພິນິດ ໄດ້ກ່າວວ່າ: ການແຂ່ງຂັນກິລາມວຍປໍ້າໃນງານມະຫະກຳກິລາແຫ່ງຊາດ ຄັ້ງທີ Xllທີ່ນະຄອນ ຫຼວງວຽງຈັນເກມ, ໂດຍການຊີ້ນໍາຂອງຄະນະກຳມະການຈັດການແຂ່ງຂັນກິລາແຫ່ງຊາດ ກຳມະການເຕັກ ນິກການແຂ່ງຂັນ ສະຫະພັນ ມວຍປໍ້າແຫ່ງຊາດໄດ້ປະສານສົມທົບກັບສະ ໂມສອນຕ່າງໆ ຫ້າງຫາກະກຽມຝຶກຊ້ອມນັກກິລາຂອງ ຕົນຢ່າງເອົາໃຈໃສ່ໂດຍການກະກຽມຄັດເລືອກນັກກິລາໃໝ່ ເພື່ອປະກອບສ່ວນເປັນນັກກິລາທີມຊາດ ເຂົ້າຮ່ວມງານກິລາ SEAGameຊຶ່ງໃນການແຂ່ງຂັນກິລາມວຍປໍ້າທີ່ໄດ້ຈັດໃນຄັ້ງທີ່ຜ່ານມາມີຄື: ງານມະຫະກຳກິລາແຫ່ງຊາດຄັ້ງທີ X ອຸດົມໄຊ ມີຊີງໄຊ 17 ຫຼຽນຄໍາ, ງານມະຫະກຳກິລາແຫ່ງຊາດຄັ້ງທີ XI ຊຽງຂວາງ ມີຊີງໄຊ 17 ຫຼຽນຄໍາ ແລະ ງານມະຫະກຳກິລາແຫ່ງຊາດຄັ້ງທີ XII ນະຄອນ ຫຼວງວຽງຈັນເກມ ຄັ້ງນີ້ ມີຊີງໄຊ 11 ຫຼຽນຄໍາ, ມີນັກກິລາ ເຂົ້າຮ່ວມແຂ່ງ ຂັນລວມ 46 ຄົນ, ຍິງ 17, ມາຈາກ 5 ແຂວງ, 1 ນະຄອນຫລວງ ແລະ 2 ກະຊວງ ປກຊ-ປກສ. ໃນນີ້, ແຂ່ງຂັນ ລຸ້ນນໍ້າໜັກ 60 Kg ຍິງ, ນໍ້າໜັກ 53 Kg ຊາຍ, ນໍ້າໜັກ 48 Kg ຊາຍ, ນໍ້າໜັກ 45 Kg ຍິງ, ການແຂ່ງຂັນກິລາປະເພດນີ້ ຈະດໍາເນີນໄປຮອດວັນທີ 18 ພະຈິກ ຈຶ່ງສໍາເລັດ.ຂໍ້ມູນຈາກສູນຂ່າວ
ບານສົ່ງຍິງ ທີມຊາດຈີນ ປ້ອງກັນແຊັມສະໄໝທີ 3 ຕິດຕໍ່ກັນ
ຜົນການແຂ່ງຂັນບານສົ່ງຍິງ ຮອບຊີງຊະນະເລີດ ຫຼື ຊີງຫຼຽນຄຳ ໃນງານມະຫະກຳກິລາເອຊຽນເກມ ຄັ້ງທີ 20 ທີ່ໄອຈິ - ນາໂກຢ່າ ປະເທດຍີ່ປຸ່ນ ເປັນການພົບກັນ ລະຫວ່າງ ທີມຊາດຍີ່ປຸ່ນເຈົ້າພາບລົງສະໜາມ ພົບກັບ ທີມຊາດຈີນ. ຜົນການແຂ່ງຂັນ ທີມຊາດຈີນ ເອົາຊະນະໄປໄດ້ 3 – 0 ເຊັດ ດ້ວຍຄະແນນ 25-19, 25-20 ແລະ 25-23 ສົ່ງຜົນໃຫ້ຈີນ ຄ້ວາຫຼຽນຄຳມາຄອງເປັນສະໄໝທີ 3 ຕິດຕໍ່ກັນ ແລະ ເປັນສະໄໝທີ 10 ໃນເອຊຽນເກມ. ສ່ວນທີມຊາດຍີ່ປຸ່ນໄດ້ຫຼຽນເງິນ ເປັນຄັ້ງທີ 5, ຫຼຽນທອງທີມຊາດໄທ ທີ່ເອົາຊະນະ ທີມຊາດ ສ ເກົາຫຼີ 3-0 ເຊັດ.
ຄໍາເຫັນ