ກິລາດອກປິກໄກ່ ມີການຊີງຫຼຽນທັງໝົດ 20 ຫຼຽນ

ມະຫາວິທະຍາໄລແຫ່ງຊາດ (ມຊ) ກໍຄືພາກວິຊາສື່ສານມວນຊົນ ຄະນະອັກສອນສາດ ມຊ ໄດ້ມີການຄົ້ນຄວ້າ ແລະ ຫັນປ່ຽນຫຼັກສູດການຮຽນ-ການສອນສະບັບໃໝ່ ໂດຍຫັນຈາກ "ທິດສະດີດັ້ງເດີມ" ໄປສູ່ "ການປະສົມປະສານທັກສະເຕັກໂນໂລຊີ ແລະ ການປະຕິບັດຕົວຈິງ" ຢ່າງຮອບດ້ານ ແນໃສ່ການພັດທະນາບຸກຄະລາກອນສື່ສານມວນຊົນ ໃຫ້ເປັນມືອາຊີບ ແລະ ທັນກັບຍຸກສະໄໝ ໂດຍເນັ້ນໃສ່ 4 ປັດໄຈຫຼັກ.

ກົມໃຫຍ່ພະລາທິການກອງທັບ ສ້າງຂະບວນການແຂ່ງຂັນກິລາຍິງປືນ ເພື່ອຂໍ່ານັບຮັບຕ້ອນວັນສ້າງຕັ້ງກົມໃຫຍ່ພະລາທິການກອງທັບ ຄົບຮອບ 70 ປີ (5 ສິງຫາ 1956-5 ສິງຫາ 2026) ຂຶ້ນໃນວັນທີ 3 ສິງຫາ ຜ່ານມາ, ໂດຍການເປັນປະທານຂອງສະຫາຍ ພົນຕີ ຈັນດີ ສຸລິວົງສັກ ຫົວໜ້າກົມໃຫຍ່ພະລາທິການກອງທັບ ມີຄະນະນໍາກົມໃຫຍ່, ຄະນະພັກ-ຄະນະບັນຊາ, ຄະນະຮັບຜິດຊອບ ແລະ ນັກກິລາເຂົ້າຮ່ວມ.

ງານ ກິດຈະກຳ “ທ່າແຂກ ໄບລ໌ຄິງ ຊາເລນຈ໌” (ThaKhaek Biking Challenge) ໄດ້ ໂດຍມີນັກປັ່ນຈາກຫຼາຍແຂວງ ແລະ ຫຼາຍປະເທດເຂົ້າຮ່ວມຢ່າງຄຶກຄື້ນ ເພື່ອພິສູດຄວາມອຶດທົນ ຄວາມແຂງແຮງ ແລະ ຮ່ວມສົ່ງເສີມການທ່ອງທ່ຽວຂອງແຂວງຄຳມ່ວນ ໄດ້ຈັດຂຶ້ນໃນວັນທີ 2 ສິງຫາ 2026 ຢູ່ຕໍ່ໜ້າຫໍມູນເຊື້ອ 21 ມີນາ (ນໍ້າພຸ) ເມືອງທ່າແຂກ ແຂວງຄໍາມ່ວນ.

ພິທີປິດການແຂ່ງຂັນບານເຕະລາວລີກ 2 ນະຄອນຫຼວງວຽງຈັນ (ນວ) ປະຈໍາປີ 2026 ຈັດຂຶ້ນໃນວັນທີ 2 ສິງຫາຜ່ານມາ ທີ່ສະໜາມບານເຕະຫຍ້າທຽມລ້ານຊ້າງ ບ້ານໜອງໄຮ ເມືອງຫາດຊາຍຟອງ ນວ, ມີທ່ານນາງ ວິໄລວອນ ຈັນທະລາຕີ ຮອງປະທານຄະນະກໍາມະການປົກຄອງ ນວ ພ້ອມດ້ວຍຜູ້ໃຫ້ການສະໜັບສະໜູນ ຄະນະປະທານສະໂມສອນ, ຄູຝຶກ ແລະ ນັກກິລາ ເຂົ້າຮ່ວມ.

ພິທີປິດການແຂ່ງຂັນກິລາກະຕໍ້ຊີງແຊັມທົ່ວປະເທດຄັ້ງທີ I ຊີງຂັນທ່ານຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດປະຈໍາປີ 2026 ໄດ້ຈັດຂຶ້ນໃນວັນທີ 2 ສິງຫານີ້ ທີ່ສູນກິລາບູໂດເຊັນເຕີ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ພົນເອກ ຄໍາລຽງ ອຸທະໄກສອນ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ, ມີທ່ານ ສັນຕິສຸກ ສິມມາລາວົງ ລັດຖະມົນຕີກະຊວງເຕັກໂນໂລຊີ ແລະ ການສື່ສານປະທານສະຫະພັນກິລາກະຕໍ້ແຫ່ງຊາດລາວ, ມີຮອງລັດຖະມົນຕີ, ຄູຝຶກ, ນັກກິລາ ແລະ ພາກສ່ວນກ່ຽວຂ້ອງເຂົ້າຮ່ວມ.

ງານແຂ່ງຂັນກິລາປິ່ງປ່ອງຊາວໜຸ່ມ-ເຍົາວະຊົນໂລກ ແລະ ຮຸ່ນທົ່ວໄປລາຍການ "WTT Youth Contender" (ຄັ້ງທີ 4) ແລະ "WTT Feeder Series" (ຄັ້ງທີ 2) ປະຈຳປີ 2026 ທີ່ ສປປ ລາວເຮົາເປັນເຈົ້າພາບຈັດຂຶ້ນວັນທີ 30 ກໍລະກົດ ຫາ ວັນທີ 8 ສິງຫາ 2026 ທີ່ສູນການຄ້າລາວ-ໄອເຕັກ ມໍ ຊັ້ນ 7 ນະຄອນຫຼວງວຽງຈັນ (ນວ) ຊຶ່ງການແຂ່ງຂັນຈັດຂຶ້ນວັນທີ 30 ກໍລະກົດ ນີ້ ມີທ່ານ ສຳລານ ພັນຄະວົງ ປະທານສະຫະພັນກິລາປິ່ງປ່ອງແຫ່ງຊາດລາວ, ທ່ານ ນາງ ບົວສີ ສີສະຫວັດ ແລະ ທ່ານ ນາງ ອໍລະໄທ ສັນຕິຄົງຄາ ຮອງປະທານສະຫະພັນກິລາປິ່ງປ່ອງແຫ່ງຊາດລາວ, ທ່ານ ນາງ ຈິນດາ ພົນເຕຊາ ຄະນະບໍລິຫາງານສະຫະພັນກິລາປິ່ງປ່ອງແແຫ່ຊາງລາວ ປະທານສະຫະພັນກິລາປິ່ງປ່ອງ ນວ, ທ່ານ ນາງ ອາລິສາ ໄຊຍະກຸມມານ ຮອງປະທານສະຫະພັນກິລາປິ່ງປ່ອງ ນວ, ຜູ້ສະໜັບສະໜູນ, ຜູ້ຊົມຜູ້ເຊຍ ແລະ ນັກກິລາເຂົ້າຮ່ວມ.

ໂຮງຮຽນ ນານາຊາດ ພອນສະຫວັນ (ນານາຊາດ ເຮີໝິງ）ຕັ້ງຢູ່ໃນ ເຂດເສດຖະກິດພິເສດບຶງທາດຫຼວງ ເມືອງໄຊເສດຖາ, ນະຄອນຫຼວງວຽງຈັນ (ຄອນໂດມີນຽມເລກທີ 02) ຢູ່ຫ່າງຈາກໃຈກາງເມືອງພຽງ ແຕ່ 4 ກິໂລແມັດ, ມີຄວາມສະດວກໃນການເດີນທາງ, ເປັນໂຮງຮຽນ ທີໄດ້ຮັບການອະນຸມັດ ຈາກກະຊວງສຶກສາທິການ ແລະ ກິລາ, ເປັນໂຮງຮຽນແຫ່ງທໍາອິດຂອງ ສປປ ລາວ ທີ່ນໍາໃຊ້ ລະບົບການສຶກສາທີ່ປະສົມປະສານ ລະຫວ່າງ ລະບົບຫຼັກສູດ K12 ຂອງຈີນ ແລະ ລະບົບຫຼັກສູດ VCE ຂອງອົສຕຣາລີ, ອັງກິດສົມທົບ ການຮຽນ-ການສອນ ທີ່ນໍາໃຊ້ປັນຍາປະດິດ (AI) ເພື່ອພັດທະນາການເຕີບໂຕທາງດ້ານຈິດຕະວິທະຍາຂອງນັກຮຽນ ຕາມຄວາມເໝາະສົມ ແລະ ຮອງຮັບແນວທາງການສຶກສາໃນອະນາຄົດ.

ໃນວັນທີ 25 ກໍລະກົດ ຜ່ານມາ ທີ່ໂຮງແຮມແລນມາກ ລີເວີໄຊ, ສະຫະພັນກິລາປິ່ງປ່ອງແຫ່ງຊາດລາວ (ສປລ) ໄດ້ຈັດພິທີຖະແຫຼງຂ່າວຢ່າງເປັນທາງການ ເພື່ອປະກາດຄວາມພ້ອມໃນການເປັນເຈົ້າພາບຈັດງານແຂ່ງຂັນກິລາປິ່ງປ່ອງຊາວໜຸ່ມ-ເຍົາວະຊົນໂລກ ແລະ ຮຸ່ນທົ່ວໄປ ລາຍການ "WTT Youth Contender" (ຄັ້ງທີ 4) ແລະ "WTT Feeder Series" (ຄັ້ງທີ 2) ປະຈຳປີ 2026. ງານແຂ່ງຂັນລະດັບໂລກຄັ້ງນີ້ ຈະຈັດຂຶ້ນໃນລະຫວ່າງວັນທີ 30 ກໍລະກົດ ຫາ 8 ສິງຫາ 2026 ທີ່ສູນການຄ້າ ລາວ-ໄອເຕັກມໍ ຊັ້ນ 7 ນະຄອນຫຼວງວຽງຈັນ.

ວັນທີ 23 ກໍລະກົດຜ່ານມາ, ຄະນະຊາວໜຸ່ມປະຊາຊົນ ປະຕິວັດລາວ ແຂວງວຽງຈັນ ໄດ້ລົງເຄື່ອນໄຫວຕິດຕາມ ແລະ ຊຸກຍູ້ວຽກງານຮອບດ້ານ ໃນຂົງເຂດວຽກງານຊາວໜຸ່ມ-ເຍົາວະຊົນ ຢູ່ເມືອງທຸລະຄົມ, ນໍາພາໂດຍ ສະຫາຍ ນາງ ທິບພະຈັນ ສຸທໍາມະວົງ ຮອງເລຂາຄະນະບໍລິຫານງານຊາວໜຸ່ມແຂວງວຽງຈັນ, ເຂົ້າຮ່ວມມີ ສະຫາຍ ນາງ ກຸ້ງ ສິງຫາວົງ ຮອງເລຂາຄະນະບໍລິຫານງານຊາວໜຸ່ມເມືອງທຸລະຄົມ, ມີຄະນະບໍລິຫານງານຊາວໜຸ່ມເມືອງ, ຄະນະຊາວໜຸ່ມໜ່ວຍຮາກຖານອ້ອມຂ້າງເມືອງ ແລະ ສະມາຊິກຊາວໜຸ່ມເຂົ້າຮ່ວມ.

ຊຸດຝຶກອົບຮົມການຮຽນ-ການສອນດົນຕີພື້ນເມືອງລາວ ໃຫ້ເດັກນ້ອຍສູນວັດທະນະທຳເດັກແຂວງອັດຕະປື​ ຄັ້ງທີ III ໄດ້ສຳເລັດໃນວັນທີ 17 ກໍລະກົດຜ່ານມາ. ພາຍຫຼັງດໍາເນີນມາແຕ່ວັນທີ​ 6​ ກໍລະກົດ 2026 ທີ່ຫໍປະຊຸມໃຫຍ່ແຂວງ ໂດຍການຮ່ວມມືລະຫວ່າງ ໂຄງການມູນນິທິມໍຣະດົກລາວ ແລະ ພະແນກວັດທະ​ນະທຳ ແລະ ການທ່ອງທ່ຽວ (ວທ) ແຂວງອັດຕະປື, ໂດຍມີທ່ານ ອ໋ອງຄໍາ ຄູນສະໄໜ ຮອງຫົວໜ້າພະແນກ ວທ ແຂວງ ພ້ອມດ້ວຍຄູ-ອາຈານ​, ຜູ້ປົກຄອງ​ ແລະ​ ນ້ອງນ້ອຍສູນວັດທະນະທຳເດັກເຂົ້າຮ່ວມ.