ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ, ມີສະຫາຍ ພົຈວ ບົວພັນ ອິນທະປັນຍາ ຮອງເລຂາພັກແຂວງ ພ້ອມດ້ວຍຄະນະປະຈຳພັກແຂວງ, ກຳມະການພັກແຂວງ ຕະຫຼອດຮອດຫົວໜ້າ, ຮອງຫົວໜ້າພະແນກການ, ອົງການ, ກົມກອງ ອ້ອມຂ້າງແຂວງເຂົ້າຮ່ວມ.
ໃນພີທີ ໄດ້ຮັບຟັງການຜ່ານ ມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການບົ່ງຕົວແຕ່ງຕັ້ງ ເລຂາຄະນະພັກ ກອງບັນຊາການ ປ້ອງກັນຄວາມສະຫງົບແຂວງ ຄື: ບົ່ງຕົວແຕ່ງຕັ້ງ ສະຫາຍ ອຸໄດ ອິນສຸວັນ ເປັນເລຂາຄະນະພັກ ກອງບັນຊາການປ້ອງກັນຄວາມສະຫງົບ ແຂວງໄຊສົມບູນ, ດໍາລັດວ່າດ້ວຍການແຕ່ງຕັ້ງຫົວໜ້າກອງບັນຊາການປ້ອງກັນຄວາມສະຫງົບ ແຂວງໄຊສົມບູນ ໂດຍແຕ່ງຕັ້ງ ທ່ານ ພັອ ອຸໄດ ອິນສຸວັນ ເປັນຫົວໜ້າກອງບັນຊາການປ້ອງກັນຄວາມສະຫງົບແຂວງ ແລະ ມະຕິຕົກລົງຂອງກະຊວງປ້ອງກັນຄວາມສະຫງົບ ວ່າດ້ວຍການຍົກຍ້າຍນາຍຕໍາຫຼວດ ທີ່ຂຶ້ນກັບກອງບັນຊາການ ປ້ອງກັນຄວາມສະຫງົບ ແຂວງໄຊສົມບູນຄື: ຍົກຍ້າຍສະຫາຍ ພັອ ອິນປັນ ຍາດຕິວົງ ຮອງຫົວໜ້າກອງບັນຊາການປ້ອງກັນຄວາມໝາຍງົບແຂວງໄຊສົມບູນ ໄປຮັບໜ້າທີ່ໃໝ່ຢູ່ກົມໃຫຍ່ການເມືອງກະຊວງປ້ອງກັນຄວາມສະຫງົບ.
ໂອກາດດັ່ງກ່າວ, ທ່ານ ພົອ ວິໄລ ຫຼ້າຄໍາຟອງ ໄດ້ເນັ້ນໜັກໃຫ້ນາຍຕໍາຫຼວດ ທີ່ໄດ້ຖືກແຕ່ງຕັ້ງຮັບໜ້າທີ່ໃໝ່ ຢູ່ກອງບັນຊາການປ້ອງກັນຄວາມສະຫງົບແຂວງ ຈົ່ງເອົາໃຈໃສ່ນໍາພາ-ຊີ້ນໍາ ແລະ ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງພັກ ແລະ ຈັດຕັ້ງປະຕິບັດໜ້າທີ່ວຽກງານຂອງຕົນ ຕາມການມອບໝາຍໃຫ້ສໍາເລັດ, ມີແບບແຜນວິທີເຮັດວຽກທີ່ທັນສະໄໝ ແລະ ວິທະຍາສາດຫຼາຍຂຶ້ນ, ມີຄວາມສາມັກຄີເປັນເອກະພາບພາຍໃນ, ມີຄວາມເດັດດ່ຽວໜຽວແໜ້ນເຮັດສຸດກົກສຸດປາຍ, ມີທັດສະນະຊົນຊັ້ນທີ່ຈະແຈ້ງ, ມີຄວາມເປັນເອກະພາບຕໍ່ອຸດົມການຂອງພັກ, ຍົກສູງສະຕິຊາດເປັນເຈົ້າຕົນເອງ, ມີນໍ້າໃຈເສຍສະຫຼະຢ່າງບໍ່ມີຂອບເຂດເພື່ອປະເທດຊາດ ແລະ ປະຊາຊົນ, ເດັດດ່ຽວຕ້ານ, ສະກັດກັ້ນໜໍ່ແໜງ ຄວາມບໍ່ສະຫງົບທີ່ອາດຈະເກີດຂຶ້ນໃນສັງຄົມໃຫ້ທັນການ, ປຸກລະດົມຂົນຂວາຍພໍ່ແມ່ປະຊາຊົນໃຫ້ປະກອບສ່ວນເຂົ້າໃນວຽກງານປ້ອງກັນຄວາມສະຫງົບ ຢ່າງແຂງແຮງ ໂດຍຕິດພັນກັບການລົງກໍ່ສ້າງຮາກຖານການເມືອງ ພັດທະນາຊົນນະບົດ ເພື່ອແກ້ໄຂຊີວິດການເປັນຢູ່ຂອງປະຊາຊົນ ໃຫ້ດີຂຶ້ນ, ເອົາໃສ່ສ້າງກົມກອງປ້ອງກັນຄວາມສະຫງົບ ໃຫ້ມີຄວາມເຂັ້ມແຂງ, ບໍລິສຸດສັດຊື່ ແລະ ມີລະບຽບຫຼັກການ, ມີນໍ້າໃຈຮັບໃຊ້ຊາດ-ຮັບໃຊ້ປະຊາຊົນຢ່າງສຸດໃຈ, ຮັບປະກັນໃຫ້ແຂວງໄຊສົມບູນ ມີຄວາມສະຫງົບປອດໄພໜັກ ແໜ້ນ ແລະ ພ້ອມກັນນໍາພາກອງບັນຊາການປ້ອງກັນຄວາມສະຫງົບແຂວງ ໃຫ້ເຕີມໃຫຍ່ຂະຫຍາຍຕົວຂຶ້ນຢ່າງບໍ່ຢຸດຢັ້ງ .
(ແຫຼ່ງຂ່າວ: ແຂວງໄຊສົມບູນ)
ຄໍາເຫັນ