ກອງປະຊຸມຂໍ້ລິເລີ່ມການລົງທຶນໃນອະນາຄົດ

ກອງປະຊຸມຂໍ້ລິເລີ່ມການລົງທຶນໃນອະນາຄົດ (FII) ຄັ້ງທີ 8

10:29 31/10/2024

ຂ່າວສານຫວຽດນາມລາຍງານວ່າ: ກອງປະຊຸມຂໍ້ລິເລີ່ມການລົງທຶນໃນອະນາຄົດ (FII) ຄັ້ງທີ 8 ໄດ້ເປີດຂຶ້ນຢູ່ນະຄອນຫຼວງຣີຢາດ ຂອງ ຊາອຸດິດ ອາຣັບບີ ໃນວັນທີ 29-30 ຕຸລານີ້

, ໂດຍມີການເຂົ້າຮ່ວມຂອງບັນດາການນຳໂລກ, ພ້ອມທັງບັນດາຜູ້ຊ່ຽວຊານໃນຫຼາຍຂົງເຂດດ້ານການເງິນ ແລະ ເສດຖະກິດ.

ຂ່າວລະບຸວ່າ: ກອງປະຊຸມ FII 8 ໄດ້ດຳເນີນດ້ວຍຫົວຂໍ້: ຂອບຟ້າທີ່ບໍ່ມີຂີດຈຳກັດ, ລົງທຶນມື້ນີ້ເພື່ອສ້າງມື້ອື່ນທີ່ດີກວ່າ (Infinite Horizon: Investing Today, Shaping Tomorrow) ຜູ້ເຂົ້າຮ່ວມຈະປຶກສາຫາລືບັນດາໂອກາດ ແລະສິ່ງທ້າທາຍໃນອຸດສາຫະກໍາການເງິນຂອງໂລກ. ກອງປະຊຸມ FII 8 ປີນີ້ຍັງຈະໄດ້ຮັບຮູ້ການສົນທະນາກ່ຽວກັບວິທີການລົງທຶນສາມາດເປັນຕົວກະຕຸ້ນສໍາລັບອະນາຄົດທີ່ຈະເລີນຮຸ່ງເຮືອງ ແລະ ຍືນຍົງ.

ກ່ອນໜ້າກອງປະຊຸມຄັ້ງທີ 8, ທ່ານ ຣີຊາດ ແອເທຍ ປະທານ FII ກ່າວວ່າ: ຂໍ້ຕົກລົງທີ່ມີມູນຄ່າ 28 ຕື້ໂດລາ ຄາດວ່າຈະໄດ້ຮັບການປະກາດໃນໂອກາດນີ້ ແລະ ມີຜູ້ແທນ 7.100 ຄົນຈາກທົ່ວໂລກໄດ້ລົງທະບຽນເຂົ້າຮ່ວມ FII ໃນປີນີ້.

ໃນຂອບເຂດຂອງກອງປະຊຸມຈະດຳເນີນການປຶກສາຫາລືກ່ຽວກັບຄວາມໝັ້ນຄົງທາງດ້ານເສດຖະກິດ, ຄວາມເຄັ່ງຕຶງທາງດ້ານພູມສາດ ແລະ ການພັດທະນາທີ່ສະເໝີພາບກັນ ຫຼາຍກວ່າ 200 ກອງປະຊຸມ. ການເຈລະຈາທາງດ້ານເສດຖະກິດ ແລະ ທາງດ້ານພູມສາດ, ໃນກອງປະຊຸມຈະເປັນການເສີມສ້າງທີ່ສໍາຄັນຂອງການເຈລະຈາລະດັບໂລກ, ກຽມພ້ອມໃຫ້ຜູ້ນໍາມີຍຸດທະສາດການຄິດໄປຂ້າງໜ້າ ເພື່ອປັບປ່ຽນໃຫ້ທັນກັບສິ່ງທ້າທາຍຂອງໂລກທີ່ຈະມາເຖິງ.

ຄໍາເຫັນ

ຂ່າວຕ່າງປະເທດ

ເວທີປາໄສປັນຍາຊົນໜຸ່ມ ຫວຽດນາມ ທົ່ວໂລກ ຄັ້ງທີ 6

21/07/2025 13:33

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ເວທີປາໄສປັນຍາຊົນໜຸ່ມ ຫວຽດນາມ ທົ່ວໂລກ ຄັ້ງທີ 6 ຈັດຂຶ້ນຢູ່ນະຄອນຫຼວງຮ່າໂນ້ຍ. ດ້ວຍຫົວຂໍ້ “ປັນຍາຊົນໜຸ່ມຫວຽດນາມໃນທົ່ວໂລກປະກອບສ່ວນເຫື່ອແຮງພ້ອມກັບປະເທດຊາດກ້າວເຂົ້າສູ່ສັງກາດໃໝ່”, ເວທີປາໄສ ມີການເຂົ້າຮ່ວມຂອງຜູ້ແທນ200 ກວ່າທ່ານ ຊຶ່ງເປັນບັນດາປັນຍາຊົນໜຸ່ມດີເດັ່ນຢູ່ພາຍໃນ ແລະ ຕ່າງປະເທດ, ຕາງໜ້າໃນຫຼາຍຂົງເຂດປາຍແຫຼມ.

ສະຫະລັດ ອາເມຣິກາ ກຽມປັບຂຶ້ນຄ່າວີຊາ

21/07/2025 13:31

ຂ່າວຕ່າງປະເທດລາຍງານ ໃນວັນທີ 20 ກໍລະກົດ ຜ່ານມາວ່າ: ສື່ມວນຊົນທ້ອງຖິ່ນຫຼາຍແຫ່ງຂອງສະຫະລັດ ອາເມຣິກາ ລາຍງານວ່າ, ລັດຖະບານຂອງປະທານາທິບໍດີ ໂດໂນ ທຣໍາ ກຽມຈະປະກາດເກັບຄ່າທຳນຽມວີຊາເພີ່ມເຕີມໃນການຂໍວີຊາ ໂດຍເລີ່ມຕົ້ນ250 ໂດລາແລະ ອາດມີຜົນບັງຄັບໃຊ້ໃນປີງົບປະມານ 2025/2026 ຊຶ່ງຈະເລີ່ມໃນວັນທີ 1 ຕຸລາ 2025 ນີ້.

ໄຂ້ຫວັດສັດປີກລະບາດ ໃນແອັດສະປາຍ

21/07/2025 13:30

ຂ່າວຕ່າງປະເທດລາຍງານໃນວັນທີ 19 ກໍລະກົດ ຜ່ານມາວ່າ: ການລະບາດຂອງພະຍາດໄຂ້ຫວັດສັດປີກ ຊະນິດ H5N1ໄດ້ເຮັດໃຫ້ໄກ່ງ່ວງຕາຍເກືອບໝົດຟາມໃນແຄວ້ນເອັກເຕຣມາດູຣາທາງພາກຕາເວັນຕົກສ່ຽງໃຕ້ຂອງປະເທດແອັດສະປາຍ, ໂດຍມີໄກ່ງວງພຽງ 10 ໂຕເທົ່ານັ້ນທີ່ລອດຊີວິດ ແລະຖືກຂ້າເພື່ອປ້ອງກັນການແຜ່ລະບາດຂອງພະຍາດດັ່ງກ່າວ ຊຶ່ງເປັນສ່ວນໜຶ່ງຂອງມາດຕະການຄວບຄຸມ.

ກຳປູເຈຍປາບປາມການຫຼອກລວງທາງອິນເຕີເນັດຈັບຜູ້ຕ້ອງຫາ 2.000 ກວ່າຄົນ

21/07/2025 13:29

ຂ່າວສານຊີອາໄອລາຍງານໃນວັນທີ 20 ກໍລະກົດ ຜ່ານມາວ່າ: ໃນຕອນຄ່ຳວັນທີ 18 ກໍລະກົດຜ່ານມານີ້, ທ່ານເນັດ ເພກຕຣາ ລັດຖະມົນຕີກະຊວງຖະແຫຼງຂ່າວກຳປູເຈຍກ່າວວ່າ: ຫວ່າງມໍ່ໆມານີ້, ກຳປູເຈຍໄດ້ດຳເນີນການເຄື່ອນໄຫວປາບປາມການຫຼອກລວງທາງອິນເຕີເນັດ ໂດຍໄດ້ຈັບຜູ້ຕ້ອງຫາທັງໝົດ 2.270 ຄົນ.

ຈີນດຶງດູດທຶນຕ່າງປະເທດຫຼາຍກວ່າ 423 ຕື້ຢວນ

21/07/2025 13:28

ຂ່າວສານຊີອາໄອລາຍງານໃນວັນທີ 20 ກໍລະກົດ ຜ່ານມາວ່າ: ນັບແຕ່ເດືອນມັງກອນຫາເດືອນມິຖຸນາປີນີ້, ທົ່ວປະເທດຈີນໄດ້ສ້າງຕັ້ງວິສາຫະກິດໃໝ່ທີ່ລົງທຶນໂດຍຕ່າງປະເທດ 30.014 ແຫ່ງ, ເພີ່ມຂຶ້ນ 11.7% ເມື່ອທຽບໃສ່ໄລຍະດຽວກັນຂອງປີກາຍ, ໄດ້ນຳໃຊ້ທຶນຕ່າງປະເທດຕົວຈິງເຖິງ 423 ຕື້ 230 ລ້ານຢວນ, ຫຼຸດລົງ 15,2%.

ຫວຽດນາມ ປຶກສາຫາລືແຜນການພັດທະນາວິທະຍາສາດເຕັກໂນໂລຊີ

21/07/2025 13:27

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 20 ກໍລະກົດ ຜ່ານມາຢູ່ສຳນັກງານລັດຖະບານ ຫວຽດນາມທີ່ນະຄອນຫຼວງຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມຫົວໜ້າຄະນະຊີ້ນຳຂອງລັດຖະບານກ່ຽວກັບການພັດທະນາວິທະຍາສາດເຕັກໂນໂລຊີ, ນະວັດຕະກຳ, ຫັນເປັນດີຈີຕອນ ໄດ້ເປັນປະທານກອງປະຊຸມຄັ້ງທີ 3 ຂອງ ຄະນະຊີ້ນຳສະຫຼຸບການຈັດຕັ້ງປະຕິບັດວຽກງານ 6 ເດືອນຕົ້ນປີ, ຜັນຂະຫຍາຍໜ້າທີ່6 ເດືອນທ້າຍປີ 2025.