ກໍາມະການສູນກາງພັກ ເລຂາຄະນະພັກ ລັດຖະມົນຕີ ກຕສ, ມີບັນດາ ຮອງເລຂາຄະນະພັກ, ຄະນະປະຈໍາພັກ ເຂົ້າຮ່ວມຢ່າງພ້ອມພຽງ.
ໃນວາລະປະຊຸມ, ຈະໄດ້ຮັບຟັງ ບົດລາຍງານ 40ປີ ແຫ່ງການປ່ຽນແປງໃໝ່ ໃນຂົງເຂດເຕັກໂນໂລຊີ ແລະ ການສື່ສານ(1986-2026), ບົດສະຫຼຸບການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງ ປະຈໍາໄຕມາດ 3 ແລະ ທິດທາງແຜນການ ໄຕມາດ4 (2024), ບົດສະຫຼຸບສະພາບການຫັນເປັນດີຈີຕອນ ຂອງ ສປປ ລາວ ໄລຍະ 3ເດືອນ ຜ່ານມາ ແລະ ທິດທາງແຜນການ 3ເດືອນໃນຕໍ່ໜ້າ, ລາຍງານກ່ຽວກັບການກະກຽມດໍາເນີນກອງປະຊຸມໃຫຍ່ 3ຂັ້ນ ພາຍໃນອົງຄະນະພັກ ກຕສ, ຮ່າງແຜນພັດທະນາປະຈໍາປີ 2025 ຂະແໜງເຕັກໂນໂລຊີ ແລະ ການສື່ສານ ແລະ ວຽກງານອື່ນໆ.
ຈາກນັ້ນ, ທ່ານແກ້ວວິສຸກ ໂສລະພົມ ຄະນະປະຈໍາພັກ ກຕສ ໄດ້ລາຍງານຜົນສໍາເລັດການຫັນເປັນດີຈີຕອນ ຂອງ ສປປ ລາວ ແລະ ທິດທາງໃນຕໍ່ໜ້າ. ສໍາລັບ ພາຍໃນ ສປປ ລາວ, ບັນດາກະຊວງ, ອົງການ, ແຂວງ, ນະຄອນຫຼວງ ສ່ວນໃຫຍ່ແມ່ນໄດ້ສ້າງຄະນະຫັນເປັນດີຈີຕອນ ຂອງພາກສ່ວນຕົນແລ້ວຊຶ່ງສາມາດສັງລວມໄດ້ 13 ກະຊວງ ແລະ 14 ແຂວງ ທີ່ໄດ້ສໍາເລັດການສ້າງຄະນະແລ້ວ. (13 ກະຊວງ: ກຊ ຕສ, ການເງິນ, ແຜນການ, ສຶກສາ, ອຸດສາຫະກຳ ແລະ ການຄ້າ, ກະຊວງພາຍໃນ, ກະຊວງຍຸຕິທຳ, ສາທາ, ທຫລ, ປກສ, ຍທຂ, ກະສິກຳ, ແຮງງານ) (14 ແຂວງ: ວຽງຈັນ, ເຊກອງ, ບໍ່ແກ້ວ, ຜົ້ງສາລີ, ອຸດົມໄຊ, ໄຊສົມບູນ, ສະຫວັນນະເຂດ, ຫຼວງນໍ້າທາ, ຫົວພັນ, ບໍລິຄໍາໄຊ,...).
ກະຊວງ ຕສ ກໍໄດ້ເຊັນສັນຍາການຮ່ວມມື (MOU) ກ່ຽວກັບການຫັນເປັນດີຈີຕອນ ເປັນຕົ້ນອົງການຈັດຕັ້ງພັກ, ອົງການຈັດຕັ້ງມະຫາຊົນ: ຄະນະໂຄສະນາອົບຮົມສູນກາງພັກ, ຊາວໜຸ່ມ, ແມ່ຍິງ, ຫ້ອງວ່າການສູນກາງພັກ, ຄະນະພົວພັນຕ່າງປະເທດສູນກາງພັກ. ພ້ອມດຽວກັນນັ້ນ, ບັນດາພາກສ່ວນຕ່າງໆ ກໍໄດ້ມີການພັດທະນາລະບົບທັນສະໄໝ ເປັນຕົ້ນໂຄງການຖານຂໍ້ມູນພົນລະເມືອງ ແລະ ບັດປະຈຳຕົວ ຂອງ ກະຊວງປ້ອງກັນຄວາມສະຫງົບ ສປປ ລາວ(ຫວຽດນາມຊ່ວຍເຫຼືອ).
(ຂ່າວ-ພາບ: ແສງຈັນ)
ຄໍາເຫັນ