 |
ທ່ານ ນາງ ພູວັນ ແສນບຸດຕະລາດ ໄດ້ກ່າວເປີດກອງປະຊຸມໂດຍ ເນັ້ນໜັກເຖິງຄວາມສໍາຄັນ ຂອງອັດຕາຄ່າບໍລິການທີ່ຄອບຄຸມຄ່າໃຊ້ຈ່າຍ, ການຫຼຸດຜ່ອນນ້ຳປະປາທີ່ບໍ່ແມ່ນລາຍຮັບ ແລະ ການ ຄຸ້ມຄອງສາທາລະນຸປະໂພກທີ່ເຂັ້ມແຂງກວ່າເກົ່າ ເພື່ອຮັບປະກັນການໃຫ້ບໍລິການທີ່ຍືນຍົງ, ຂະແໜງ ການສະໜອງນໍ້າປະປາພົບກັບບັນຫາສິ່ງທ້າທາຍທີ່ຍັງຄົງຄ້າງໃນດ້ານຄວາມຍືນຍົງທາງດ້ານການເງິນ, ນໍ້າປະປາ ທີ່ບໍ່ແມ່ນລາຍຮັບສູງ, ການບຳລຸງຮັກສາຊັບສິນ ແລະ ການວາງແຜນວົງ ຈອນຊີວິດ ກັບຊັບສິນທີ່ມີໜ້ອຍ, ຄວາມສາມາດຂອງແຂວງທີ່ຈຳກັດ ແລະ ຄວາມສ່ຽງທີ່ກ່ຽວຂ້ອງກັບການ ປ່ຽນແປງ ຂອງດິນຟ້າອາກາດ ແລະ ຜົນກະທົບທີ່ເພີ່ມຂຶ້ນ ຊຶ່ງເຮັດໃຫ້ການໃຫ້ບໍລິການທີ່ມີຄວາມຍືນຍົງຫຼຸດລົງ.
ທ່ານ ນາງ ນິຕາ ໂພເດຄວ ມີຄຳເຫັນວ່າ: ການມີສ່ວນຮ່ວມຂອງ ADB ໃນຂະແໜງ ການນໍ້າປະປາໃນຕົວເມືອງຂອງ ສປປ ລາວ ມີມາດົນແລ້ວ ແລະ ມີການພັດທະນາມາເລື້ອຍໆ, ປະສົບການສະແດງໃຫ້ເຫັນວ່າພື້ນຖານໂຄງລ່າງພຽງຢ່າງດຽວບໍ່ ພຽງພໍ; ຄວາມຍືນຍົງທາງດ້ານການເງິນ, ຄວາມສາມາດໃນການກຸ້ມຕົນເອງຂອງບັນດາແຂວງ ແລະ ລະບົບທີ່ມີຄວາມຍືນຍົງແມ່ນສິ່ງຈໍາເປັນສໍາລັບ ການໃຫ້ບໍລິການນໍ້າປະປາໃນຕົວເມືອງໃນໄລຍະຍາວໃນ ສປປ ລາວ.
 |
ກອງປະຊຸມຄັ້ງນີ້ເພື່ອແບ່ງປັນບົດຮຽນທີ່ໄດ້ຮຽນຮູ້ຈາກໂຄງການທີ່ຜ່ານມາ ແລະ ໂຄງການທີ່ ກຳລັງດຳເນີນຢູ່ ໂດຍສະເພາະແມ່ນໂຄງການທີ່ໄດ້ຮັບການສະໜັບສະໜູນຈາກທະນາຄານພັດທະນາອາຊີ ADB ເພື່ອເນັ້ນໃສ່ການປະຕິບັດທີ່ດີໃນບັນດາສາທາລະນຸປະໂພກນໍ້າປະປາຂອງບັນດາແຂວງ ແລະ ກຳນົດວິທີແກ້ໄຂ ເພື່ອແກ້ໄຂສິ່ງທ້າທາຍທີ່ມີຢູ່ໃນການເສີມສ້າງການຄຸ້ມຄອງດ້ານການເງິນ ແລະ ຊັບສິນ. ໃນນັ້ນ, ກອງປະຊຸມຍັງໄດ້ສົນທະນາ ແລະ ສຸມໃສ່ມາດຕະການ ປະຕິບັດຕົວຈິງເພື່ອປັບປຸງສະຖຽນລະ ພາບທາງດ້ານການເງິນລາວຂອງບັນດາລັດວິສາຫະກິດນໍ້າປະປາ ຂອງແຂວງໃນ ສປປ ລາວ
ໂຄງການດັ່ງກ່າວຍັງມີບົດຝຶກຫັດການວາງແຜນການລົງທຶນແບບໂຕ້ຕອບ ແລະ ການປັບປຸງ ການສຶກສາກ່ຽວກັບການເສີມສ້າງສະຖາບັນ ແລະ ການພັດທະນາຄວາມສາມາດຂອງຂະແໜງການ ສະໜອງນໍ້າປະປາ ແລະ ສຸຂາພິບານໃນຕົວ ເມືອງທີ່ໄດ້ຮັບການສະໜັບສະໜູນຈາກທະນາຄານພັດ ທະນາອາຊີ ADB, ລວມທັງຂອບເຂດ, ຜົນການຄົ້ນພົບ ແລະ ແຜນການຝຶກອົບຮົມ ຊຶ່ງດໍາເນີນໂດຍ Ramboll (ເດນມາກ), ຮ່ວມທຶນກັບ World Water Net (ເວີວໍເທີເນັດ), ໂດຍການປະສານງານ ຢ່າງໃກ້ຊິດກັບກົມນໍ້າປະປາ, ກະຊວງໂຍທາທິການ ແລະ ຂົນສົ່ງ.
(ຂ່າວ-ພາບ: ສຳນານ)
ຄໍາເຫັນ