ສະຫາຍ ນາງ ບົວວອນ ສຸກລາແສງ ກ່າວວ່າ: ກອງປະຊຸມໃຫຍ່ຄັ້ງນີ້ຖືເປັນຂີດໝາຍປະຫວັດສາດອັນສຳ ຄັນຂອງພັກເຮົາໃນຮອບ 5 ປີ ເປັນທີ່ໜ້າເອກອ້າງທະນົງໃຈຊຶ່ງກອງປະຊຸມໄດ້ຈັດຂຶ້ນໃນທ່າມກາງບັນຍາກາດທີ່ທົ່ວປວງຊົນລາວທັງຊາດພວມສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ ແລະ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ.
ຕະຫຼອດໄລຍະຜ່ານມາ, ພາຍໃຕ້ການນຳພາອັນສະຫຼາດສ່ອງໃສຂອງພັກ ປະເທດພວກເຮົາຍາດໄດ້ຜົນງານອັນພົ້ນເດັ່ນຫຼາຍດ້ານ ຍົກໃຫ້ເຫັນເຖິງຍຸດທະສາດການເຊື່ອມໂຍງ-ເຊື່ອມຈອດກັບພາກພື້ນ ແລະ ສາກົນ ໂດຍສະເພາະແມ່ນໂຄງການທາງລົດໄຟລາວ-ຈີນ ທີ່ໄດ້ກາຍເປັນທ່າແຮງສຳຄັນໃຫ້ການພັດທະນາ. ນອກຈາກນັ້ນ ການພັດທະນາເສດຖະກິດໃນແຕ່ລະທ້ອງຖິ່ນ ກໍມີບາດກ້າວຂະຫຍາຍຕົວຢ່າງແຂງແຮງ ບໍ່ວ່າຈະເປັນຂະແໜງ ການຜະລິດກະສິກຳ, ການຜະລິດສິນຄ້າອຸປະໂພກ-ບໍລິໂພກ ແລະ ການບໍລິການທີ່ສ້າງລາຍຮັບໃຫ້ປະຊາຊົນຢ່າງເປັນຮູບປະທຳ.
ໂອກາດດັ່ງກ່າວ, ສະຫາຍໄດ້ຕາງໜ້າໃຫ້ຄະນະພັກນະຄອນຫຼວງວຽງຈັນ ອວຍພອນໃຫ້ກອງປະຊຸມໃຫຍ່ ຄັ້ງທີ XII ຂອງພັກ ຈົ່ງປະສົບຜົນສຳເລັດຢ່າງຈົບງາມຕາມຄາດໝາຍທີ່ວາງໄວ້ ເຊື່ອໝັ້ນວ່າມະຕິກອງປະຊຸມໃຫຍ່ໃນຄັ້ງນີ້ຈະກາຍເປັນເຂັມທິດເຍືອງທາງອັນສຳຄັນໃນການສືບຕໍ່ນຳພາປະເທດຊາດກ້າວໄປສູ່ຄວາມວັດທະນາຖາ ວອນ ແລະ ສ້າງຜົນງານອັນໃໝ່ໆ ຍິ່ງໃຫຍ່ກວ່າເກົ່າໃນອະນາຄົດ.
ຄໍາເຫັນ