ໃນກອງປະຊຸມໄດ້ຮັບຟັງການຜ່ານ ບົດລາຍງານຄຸນລັກສະນະຜູ້ເເທນກອງປະຊຸມ, ຜ່ານຮ່າງລາຍງານການເມືອງ ແລະ ທິດທາງໜ້າທີ່ຂອງຄະນະກໍາມະການເເນວລາວສ້າງຊາດ ໃນຊຸ້ມປີຕໍ່ໜ້າ, ຜ່ານເເຜນພັດທະນາວຽກງານເເນວລາວສ້າງຊາດ 5 ປີຕໍ່ໜ້າ. ປັດຈຸບັນມີຄະນະກໍາມະການແນວລາວສ້າງຊາດເມືອງ 40 ທ່ານ ຍິງ 2 ທ່ານ, ພະສົງ 1 ອົງ. ໃນ 5 ປີ ຜ່ານມາ ຄະນະກໍາມະການແນວລາວສ້າງຊາດເມືອງນາແລ ໄດ້ເອົາໃຈໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VIII ຂອງແນວລາວສ້າງຊາດແຂວງ, ປະຕິບັດແຜນພັດທະນາເສດຖະກິດ - ສັງຄົມຂອງເມືອງ ແລະ ມະຕິກອງປະຊຸມໃຫຍ່ຄັ້ງທີ VII ຂອງຜູ້ແທນແນວລາວສ້າງຊາດເມືອງນາແລ,.
ໃນໂອກາດທີ່ເຂົ້າຮ່ວມກອງປະຊຸມ ທ່ານ ບຸນປີ ໄລປະເສີດ ກໍາມະການພັກເເຂວງ ກໍາມະການສູນກາງເເນວລາວສ້າງຊາດ ປະທານເເນວລາວສ້າງຊາດເເຂວງ, ທ່ານ ບຸນທອນ ສີສະຫວັນ ກໍາມະການພັກເເຂວງ ເລຂາຄະນະບໍລິຫານງານພັກເມືອງ ໄດ້ພັດປ່ຽນກັນມີຄໍາເຫັນໂອ້. ຈາກນັ້ນ, ກອງປະຊຸມໄດ້ຜ່ານບົດສໍາຫຼວດການນໍາພາລວມຂອງຄະນະກໍາມະການແນວລາວສ້າງຊາດຊຸດທີ VII, ຄະນະກໍາມະການເເນວເມືອງຊຸດເກົ່າຂື້ນລາໜ້າທີ່ ພ້ອມທັງຜ່ານມາດຖານເງື່ອນໄຂຜູ້ທີ່ຈະສະມັກເປັນຄະນະກໍາມະການເເນວລາວສ້າງຊາດເມືອງຊຸດໃໝ່. ໃນນີ້, ປະກອບມີທັງໝົດ 43 ທ່ານ ຍິງ 4 ທ່ານ, ພະສົງ 1 ອົງ. ກອງປະຊຸມປະຖົມມະລຶກ ໄດ້ຕົກລົງຮັບຮອງເອົາຄະນະປະຈໍາແນວລາວສ້າງຊາດເມືອງ ສະໄໝທີ VIII ຈໍານວນ 5 ທ່ານ; ຍິງ 2 ທ່ານ ຄື: ທ່ານ ອຸດົມພອນ ປັນຖາວອນ, ທ່ານ ສາຍທອງ ພັນທະລັກ, ທ່ານຢວງ ດວງລິຍະຄໍາ, ທ່ານ ນາງ ພຸດທະສອນ ລໍຫວັນກູ໋, ທ່ານ ນາງ ໜຶ້ງຮັກ ແກ້ວປະເສີດ ຮັບຮອງເອົາປະທານ ແລະ ຮອງປະທານເເນວລາວເມືອງ ໂດຍຕົກລົງເອົາ ທ່ານ ອຸດົມພອນ ປັນຖາວອນ ເປັນປະທານ, ທ່ານ ສາຍທອງ ພັນທະລັກ ເປັນຮອງປະທານ, ທ່ານ ຢວງດວງລິຍະຄໍາ ເປັນຮອງປະທານ ແລະ ຮັບຮອງເອົາ ທ່ານ ສາຍທອງ ພັນທະລັກ ເປັນປະທານປະກວດກາ, ທ່ານ ພຸດນິກ ສຸນິແກ້ມ ເປັນຮອງປະທານກວດກາ ແລະ ຮັບຮອງເອົາທີ່ປຶກສາແນວລາວສ້າງຊາດເມືອງ ສະໄໝທີ VIII ຈໍານວນ 5 ທ່ານ, ຍິງ 1 ທ່ານ, ຮັບຮອງເອົາຄູ່ຮ່ວມງານຄະນະກໍາມະການແນວລາວສ້າງຊາດເມືອງ ສະໄໝທີ VIII ຈໍານວນ 11 ທ່ານ.
(ຂ່າວ: ອຸດົມສຸກ ວັນສະໝອນ)
ຄໍາເຫັນ