 |
ສະຫາຍ ຄຳຜອຍ ວັນນະສານ ໄດ້ກ່າວວ່າກອງປະຊຸມໃນຄັ້ງນີ້: ພວກເຮົາໄດ້ພ້ອມກັນຕີລາຄາຄືນ ການຈັດຕັ້ງປະຕິບັດມະຕິກອງປະຊຸມໃຫຍ່ສະມາຊິກພັກ ອົງຄະນະພັກ ສກລ ຄັ້ງທີ IV ຕິດພັນກັບການຜັນຂະຫຍາຍມະຕິກອງປະຊຸມໃຫຍ່ຄັ້ງທີ XII ຂອງພັກ, ເພື່ອທົບທວນຄືນໃຫ້ເຫັນດ້ານດີ, ຜົນງານ, ໄຊຊະນະທີ່ພວກເຮົາຍາດມາໄດ້ໃນ 5 ປີຜ່ານມາ, ພ້ອມກັນນັ້ນ ກໍຈະໄດ້ຕີລາຄາດ້ານອ່ອນຂໍ້ຄົງຄ້າງ, ສາເຫດ ແລະ ບົດຮຽນທີ່ຖອດຖອນໄດ້ໃນຊຸມປີຜ່ານມາ ແລະ ພ້ອມກັນຄົ້ນຄວ້າຮັບຮອງເອົາທິດທາງ, ຄາດໝາຍ ແລະ ໜ້າທີ່ໃນຊຸມປີຕໍ່ໜ້າ.
 |
ສະຫາຍ ພອນສານ ວິໄລເມັ້ງ ຄະນະບໍລິຫານງານພັກ ຮອງປະທານສູນກາງສະຫະ ພັນກຳມະບານລາວ ໄດ້ຜ່ານບົດລາຍງານການເມືອງຕໍ່ ກອງປະຊຸມວ່າ: ວຽກງານປົກປ້ອງແຮງງານ, ສກລ ໄດ້ເອົາໃຈໃສ່ໃນການປົກປ້ອງສິດ ແລະ ຜົນປະໂຫຍດອັນຊອບທຳຂອງສະມາຊິກພັກ, ພະນັກງານ, ສະມາຊິກກຳມະບານ, ກໍາມະ ກອນ ແລະ ຜູ້ອອກແຮງງານ; ໄດ້ເປັນເຈົ້າການປະສານສົມ ທົບກັບຄະນະກໍາມະການແຮງງານແຫ່ງຊາດ, ຂັ້ນແຂວງ ຄົ້ນ ຄວ້າ ວິໄຈຜົນກະທົບຄ່າຄອງ ຊີບ ແລະ ນໍາສະເໜີລັດຖະ ບານພິຈາລະນາປັບຂຶ້ນຄ່າແຮງ ງານຂັ້ນຕໍ່າສຸດ ໃຫ້ແກ່ຜູ້ອອກແຮງງານພາກວິສາຫະກິດ ໄດ້ 2 ຄັ້ງ; ສະເໜີ ລັດຖະບານພິຈາ ລະນາເພີ່ມເງິນເດືອນ ແລະ ສະຫວັດດີການ ເພື່ອແກ້ໄຂຊີວິດການເປັນຢູ່ໃຫ້ແກ່ພະນັກງານ-ລັດຖະກອນ ໃຫ້ດີຂຶ້ນກວ່າເກົ່າ; ໄດ້ເຂົ້າຮ່ວມກັບພາກສ່ວນທີ່ກ່ຽວຂ້ອງ ຄົ້ນຄວ້າ, ສ້າງ ແລະ ປັບປຸງບັນດານິຕິກໍາທີ່ກ່ຽວຂ້ອງເຖິງວຽກງານແຮງງານ ແລະ ສະຫວັດດີການສັງ ຄົມ ເພື່ອເປັນບ່ອນອີງໃນການ ເຄື່ອນໄຫວວຽກງານປົກປ້ອງແຮງງານ ຂອງສະຫະພັນກຳ ມະບານລາວ; ຊຸກຍູ້ໃຫ້ຫົວ ໜ່ວຍແຮງງານສ້າງສັນຍາແຮງ ງານບຸກຄົນ ແລະ ສັນຍາແຮງງານລວມໝູ່ ປະຕິບັດໄດ້ 95%; ເຂົ້າຮ່ວມການແກ້ໄຂຂໍ້ຂັດແຍ່ງແຮງງານໃຫ້ຜູ້ອອກແຮງງານ ໃນຂອບເຂດທົ່ວປະເທດ, ໄດ້ຮັບຄໍາຮ້ອງຂໍຄວາມເປັນທໍາ ຈໍານວນ 332 ສະບັບ ສາມາດແກ້ໄຂໄດ້ 260 ສະບັບ, ລວມມູນຄ່າ 15,7 ຕື້ກວ່າກີບ; ໂຄສະນາ, ເຜີຍແຜ່ ແລະ ປູກຈິດສໍານຶກກ່ຽວກັບການເຄື່ອນຍ້າຍແຮງງານທີ່ປອດໄພ ໂດຍຕິດພັນກັບການຕ້ານການຄ້າມະນຸດ, ຊຸກຍູ້, ຕິດຕາມການນຳໃຊ້ແຮງງານເພດຍິງ-ເດັກ, ວຽກງານປະກັນສັງຄົມ, ການປະຕິບັດຄ່າແຮງງານຂັ້ນຕໍ່າສຸດ, ເງິນອຸດໝູນຄ່າຄອງຊີບ ແລະ ການຂັບຂີ່ປອດໄພທາງຫຼວງ ໃຫ້ສະມາຊິກກໍາມະບານ, ກຳມະກອນ ແລະ ຜູ້ອອກແຮງງານ; ໄດ້ສຳ ເລັດການໂຄສະນາ, ເຜີຍແຜ່ ວຽກ ງານຄວາມປອດໄພ ແລະ ສຸຂະພາບແຮງງານ, ສ້າງຕັ້ງ ຄະນະກຳມະການຄວາມປອດໄພ, ສຸຂະພາບແຮງງານ ຢູ່ຫົວ ໜ່ວຍແຮງງານ; ຊຸຸກຍູ້ໃຫ້ຜູ້ໃຊ້ແຮງງານນໍາພາຜູ້ອອກແຮງງານກວດສຸຂະພາບປະຈຳປີ ປະຕິບັດລື່ນຄາດໝາຍ 47%; ຊຸກຍູ້ການສ້າງຕັ້ງກຸ່ມແຮງງານນອກລະບົບໃນຂອບເຂດທົ່ວປະເທດໄດ້ 208 ກຸ່ມ; ໄດ້ຊຸກຍູ້ການເຄື່ອນໄຫວຂອງສູນໃຫ້ຄໍາປຶກສາ ແລະ ຊ່ວຍເຫຼືອແຮງງານເຄື່ອນຍ້າຍ (MRC) ຢູ່ 3 ແຂວງ.
ໃນກອງປະຊຸມຍັງໄດ້ປ່ອນບັດເລືອກຕັ້ງເອົາຄະນະບໍລິຫານງານພັກ ສກລ ສະໄໝທີ V ຊຶ່ງມີຜູ້ສະໝັກ 12 ສະ ຫາຍ,ຍິງ 6 ສະຫາຍ, ເລືອກເອົາ ຄະນະບໍລິຫານງານພັກ 9 ສະຫາຍ. ກອງປະຊຸມຄັ້ງປະຖົມມະລືກໄດ້ເປັນເອກະພາບກັນ ເລືອກເອົາ ສະຫາຍ ຄໍາຜອຍ ວັນນະສານ ເປັນເລຂາຄະນະບໍລິຫານງານພັກ,ເລືອກເອົາ, ສະຫາຍ ວິໄລ ວົງຂະເສີມ ເປັນຮອງເລຂາຄະນະບໍລິຫານ ງານພັກ ທັງເປັນປະທານກວດ ກາພັກ.
 |
ໃນໂອກາດນີ້, ສະຫາຍ ກິແກ້ວ ໄຂຄໍາພິທູນ ກໍໄດ້ໃຫ້ກຽດໂອ້ລົມຕໍ່ຄະນະພັກຊຸດໃໝ່ ແລະ ສະມາຊິກພັກ ຊຶ່ງສະຫາຍ ໄດ້ຮຽກຮ້ອງໃຫ້ຄະນະພັກ ແລະ ສະມາຊິກພັກ ສກລ ຕ້ອງໄດ້ເອົາໃຈໃສ່ບາງບັນຫາ ສໍາຄັນດັ່ງນີ້: ໜຶ່ງ. ຕ້ອງເອົາໃຈ ໃສ່ຄົ້ນຄວ້າ, ປັບປຸງປ່ຽນແປງ ແບບແຜນ, ວິທີການ, ຮູບການ ນຳພາ-ຊີ້ນໍາ ການໂຄສະນາ, ສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ພະນັກ ງານ-ລັດຖະກອນ, ສະມາຊິກ ກໍາມະບານ, ກໍາມະກອນ ແລະ ຜູ້ອອກແຮງງານໃຫ້ມີຄວາມ ຕື່ນຕົວທາງດ້ານການເມືອງ, ມີສະຕິຕໍ່ການຈັດຕັ້ງ, ເຊື່ອໝັ້ນອຸດົມການສັງຄົມນິຍົມ, ເສີມຂະຫຍາຍຄວາມເປັນເຈົ້າການ ໃນການຈັດຕັ້ງປະຕິບັດແນວທາງແຜນນະໂຍບາຍຂອງພັກ, ກົດລະບຽບຂອງພັກ, ລັດຖະທໍາມະນູນ, ກົດໝາຍຂອງລັດ, ກົດໝາຍກໍາມະບານລາວ ແລະ ແຜນພັດທະນາເສດຖະກິດ-ສັງຄົມແຫ່ງຊາດ; ສອງ. ຕ້ອງໄດ້ເພີ່ມທະວີການກໍ່ສ້າງພັກໃຫ້ເຕີບໃຫຍ່ຂະຫຍາຍຕົວທາງດ້ານປະລິມານ ແລະ ຄຸນ ນະ ພາບ, ຍົກສູງຄວາມອາດສາ ມາດການນໍາພາຂອງຄະນະພັກໃຫ້ສູງຂຶ້ນກວ່າເກົ່າ, ສິ່ງສໍາ ຄັນແມ່ນໃຫ້ປະຕິບັດຕາມເນື້ອ ໃນການກໍ່ສ້າງໜ່ວຍພັກປອດ ໃສ ເຂັ້ມແຂງ ໜັກແໜ້ນ, ເພື່ອເລືອກເຟັ້ນບຸກຄະລາກອນທີ່ ດີເດັ່ນ, ບັນຈຸສັບຊ້ອນເຂົ້າໃນ ບັນດາຕໍາແໜ່ງງານທີ່ສໍາຄັນ; ສາມ. ຕ້ອງຄົ້ນຄວ້າທ່າແຮງທີ່ບົ່ມຊ້ອນຂອງຕົນ ເພື່ອສ້າງ ເງື່ອນໄຂພັດທະນາເສດຖະ ກິດລວມໝູ່ຖືກຕ້ອງຕາມກົດ ໝາຍ, ສ້າງຖານລາຍຮັບໃຫ້ແກ່ອົງການຈັດຕັ້ງກໍາມະບານ, ອົງການຈັດຕັ້ງມະຫາຊົນ ອີງໃສ່ເງື່ອນໄຂຄວາມອາດສາມາດ ຕົວຈິງ ຕາມທິດເພິ່ງຕົນເອງ, ກຸ້ມຕົນເອງ ແລະ ສ້າງຄວາມ ເຂັ້ມແຂງດ້ວຍຕົນເອງເທື່ອລະກ້າວ ຕາມທິດສ້າງເສດຖະກິດເອກະລາດເປັນເຈົ້າຕົນເອງ; ສີ່. ຕັ້ງໜ້າປັບປຸງແບບແຜນວິທີການນໍາພາ-ຊີ້ນໍາຕາມຫຼັກການລວມສູນປະຊາທິປະໄຕ, ນໍາພາ ເປັນໝູ່ຄະນະປະຕິບັດຕາມ ລະບອບຫົວໜ້າດຽວ, ແບ່ງ ໜ້າ ທີ່ຮັບຜິດຊອບພາຍໃນຄະນະບໍລິຫານງານພັກໃຫ້ຈະແຈ້ງ; ຫ້າ. ເພີ່ມທະວີເຕົ້າໂຮມຄວາມສາມັກຄີໃຫ້ເປັນປຶກແຜ່ນແໜ້ນ ໜາພາຍໃນ ແລະ ກັບບັນດາອົງການຈັດຕັ້ງຂອງພັກ-ລັດ ແລະ ອົງການພາຄີ, ຢຶດໝັ້ນຕາມທັດສະນະ ແລະ ມູນເຊື້ອອັນດີງາມຂອງພັກ ບ່ອນໃດມີຄວາມສາມັກຄີດີ ບ່ອນນັ້ນມີຜົນສໍາເລັດ; ຫົກ. ຕ້ອງເອົາໃຈໃສ່ນໍາພາ-ຊີ້ນໍາການປົກປ້ອງສິດ ແລະ ຜົນປະໂຫຍດອັນຊອບທໍາ ເປັນຕົວແທນແຫ່ງສິດ ແລະ ຜົນປະໂຫຍດອັນຊອບທໍາ ຂອງສະມາຊິກກໍາມະບານກໍາມະກອນ ແລະ ຜູ້ອອກແຮງງານ. ເອົາໃຈໃສ່ແກ້ໄຂບັນຫາການເອົາລັດເອົາປຽບໃນການອອກແຮງງານ; ການອອກແຮງງານໃຫ້ມີຄວາມປອດໄພ, ການປະຕິບັດນະໂຍບາຍສະຫວັດດີການສັງຄົມ, ຄົ້ນຄວ້າ, ຕິດຕາມການຈ່າຍຄ່າແຮງງານຖືກຕ້ອງ ແລະ ເປັນທໍາ, ການຍົກລະດັບສີມືແຮງງານ ໃຫ້ສາມາດຕອບສະໜອງກໍາລັງແຮງງານເຂົ້າໃນການ ພັດທະນາເສດຖະກິດ-ສັງຄົມ ໃນໄລຍະໃໝ່; ເຈັດ. ເພີ່ມທະວີການນໍາພາ-ຊີ້ນໍາວຽກງານພົວພັນ-ຮ່ວມມືກັບກໍາມະບານບັນດາປະເທດເພື່ອນມິດຍຸດທະສາດ ແລະ ອົງການຈັດຕັ້ງສາກົນ ເພື່ອເຊີດຊູບົດບາດຂອງກໍາມະບານລາວ ໃຫ້ພົ້ນເດັ່ນຂຶ້ນໃນເວທີພາກພື້ນ ແລະ ສາກົນ ແລະ ແປດ. ຕ້ອງຍົກສູງບົດບາດຕິດ ຕາມ, ກວດກາ ອົງການຈັດຕັ້ງມະຫາຊົນຂັ້ນຂອງຕົນ ໂດຍຜ່ານຄໍາຄິດເຫັນ, ຄໍາສະເໜີ ຕໍ່ການຈັດຕັ້ງປະຕິບັດແນວທາງແຜນນະໂຍບາຍຂອງພັກ, ລັດ ຖະທໍາມະນູນ, ກົດໝາຍ ແລະ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ X ກໍຄືແຜນພັດທະນາວຽກງານກໍາມະບານ 5 ປີ ຄັ້ງທີ V ຂອງສູນກາງສະຫະພັນກໍາມະບານລາວ. (ຂ່າວ-ພາບ: ບຸນຕອມ)
ຄໍາເຫັນ