 |
ທ່ານ ໄຊຊະນະ ໂຄດພູທອນ ກ່າວວ່າ: ກອງປະຊຸມຄັ້ງນີ້ ເປັນກອງປະຊຸມຄັ້ງທໍາອິດຂອງສອງອົງການໄອ ຍະການລາວ-ກໍາປູເຈຍໃນການຍົກສູງການຮ່ວມມືຕ້ານອາຊະຍາກໍາຂ້າມຊາດ ກໍຄືວຽກງານໄອຍະການ ເພື່ອສືບຕໍ່ ຮັດແໜ້ນສາຍພົວພັນມິດຕະພາບ, ຄວາມສາມັກຄີອັນເປັນມູນເຊື້ອທີ່ມີມາແຕ່ດົນນານ ແລະ ການເປັນຄູ່ຮ່ວມມື ຍຸດທະສາດຮອບດ້ານ ແລະ ໜັ້ນຄົງຍາວນານລະຫວ່າງລາວ ແລະ ກໍາປູເຈຍ ເວົ້າລວມ, ເວົ້າສະເພາະ, ການ ພົວພັນຮ່ວມມືລະຫວ່າງ ອອປສ ແຫ່ງ ສປປ ລາວ ແລະ ອົງການໄອຍະການສູງສຸດແຫ່ງຣາຊະອານາຈັກກໍາປູ ເຈຍ ເຂົ້າສູ່ວຽກງານຕົວຈິງຢ່າງມີປະສິດທິຜົນ. ການເຄື່ອນໄຫວຄັ້ງນີ້ເປັນການປະຕິບັດຕາມບົດບັນທຶກຄວາມເຂົ້າໃຈ ທີ່ໄດ້ລົງນາມຮ່ວມກັນໃນປີ 2024 ທີ່ຣາຊະອານາຈັກກໍາປູເຈຍ ທັງເປັນການເພີ່ມທະວີການພົວພັນຮ່ວມມືຂອງສອງ ປະເທດລາວ-ກໍາປູເຈຍ ແລະ ສອງອົງການໄອຍະການສູງສຸດຂອງສອງປະເທດເຂົ້າສູ່ວຽກງານຕົວຈິງ ນັບມື້ກ້າວສູ່ ບາດກ້າວໃໜ່. ປັດຈຸບັນອາຊະຍາກໍາຂ້າມຊາດ ໂດຍສະເພາະອາຊະຍາກໍາຢາເສບຕິດໄດ້ກາຍເປັນບັນຫາລວມຂອງ ໂລກ ເປັນໄພຂົ່ມຂູ່ຕໍ່ຄວາມໜັ້ນຄົງຂອງບັນດາປະເທດໃນພາກພື້ນ ແລະ ໃນໂລກ. ໃນແຕ່ລະປີຢາເສບຕິດໄດ້ສ້າງຄວາມເສຍຫາຍຕໍ່ຊີວິດ ແລະ ຊັບສິນຂອງປະຊາຊົນຢ່າງມະຫາສານ ເປັນອຸ ປະສັກຕໍ່ການພັດທະນາເສດຖະກິດ-ສັງຄົມຂອງບັນດາປະຊາຊາດ ແລະ ການຮ່ວມມືໃນພາກພື້ນອີກດ້ວຍ. ຢາເສບ ຕິດເປັນບັນຫາໃຫຍ່ລະດັບໂລກ ທີ່ບັນດາປະເທດຕ່າງໆໄດ້ໃຫ້ຄວາມສໍາຄັນ ແລະ ເອົາໃຈໃສ່ຮ່ວມມືກັນຕ້ານ, ສະກັດກັ້ນ, ຄວບຄຸມ ແລະ ແກ້ໄຂ, ອົງການສະຫະປະຊາຊາດໄດ້ກໍານົດການກະທໍາຜິດກ່ຽວກັບຢາເສບຕິດເປັນ ໜຶ່ງໃນບັນດາອາຊະຍາກໍາສາກົນ. ອາຊະຍາກໍາຂ້າມຊາດ ໂດຍສະເພາະອາຊະຍາກໍາຢາເສບຕິດຈຶ່ງເປັນບັນຫາ ຮີບດ່ວນ ແລະ ບໍ່ມີປະເທດໃດໜຶ່ງສາມາດຮັບມືໄດ້ໂດຍລໍາພັງ. ສະນັ້ນ, ເພື່ອຕ້ານກັບບັນຫາດັ່ງກ່າວໄດ້ຢ່າງມີປະ ສິດທິຜົນ ແລະ ທັນການ, ມັນຮຽກຮ້ອງໃຫ້ບັນດາປະເທດຕ່າງໆ ຕ້ອງໄດ້ເພີ່ມທະວີການຮ່ວມມືກັນຢ່າງຮອບດ້ານ ລວມທັງການປະສານງານ, ແລກປ່ຽນຂໍ້ມູນຂ່າວສານ ແລະ ການສົ່ງເສີມຄວາມສາມາດຂອງພະນັກງານ ໂດຍຜ່ານ ການຈັດຕັ້ງປະຕິບັດບັນດານິຕິກໍາຕ່າງໆຂອງສາກົນ ແລະ ພາກພື້ນ.
 |
ສໍາລັບຢູ່ ສປປ ລາວ ກໍໄດ້ຮັບຜົນກະທົບຈາກບັນຫາດັ່ງກ່າວຢ່າງຫຼີກລ່ຽງບໍ່ໄດ້ ຕາມການຕິດຕາມກວດກາຂອງ ອົງການໄອຍະການຂັ້ນຕ່າງໆ ເຫັນວ່າປີ 2024 ມີຄໍາຕັດສິນຄະດີຢາເສບຕິດຈໍານວນທັງໜົດ 5,012 ເລື່ອງ ແລະ 5 ເດືອນຕົ້ນປີ 2025 ຈໍານວນ 1,422 ເລື່ອງ. ໂດຍເຫັນໄດ້ໄພອັນຕະລາຍດັ່ງກ່າວ, ສປປ ລາວ ໄດ້ສຸມໃສ່ວຽກງານ ຕ້ານອາຊະຍາກໍາຢາເສບຕິດ ໂດຍວາງມາດຕະການ, ກໍານົດບາງນະໂຍບາຍ, ກົດໝາຍ, ສົນທິສັນຍາ, ຍຸດທະສາດ ສະເພາະໜ້າ ແລະ ຍາວນານ ລວມທັງກໍານົດເປັນວາລະແຫ່ງຊາດກ່ຽວກັບການແກ້ໄຂບັນຫາຢາເສບຕິດຂອງລັດຖະບານ. ສ່ວນ ອອປສ ກໍໄດ້ອອກຄໍາສັ່ງ, ຄໍາແນະນໍາກ່ຽວກັບການແກ້ໄຂບັນຫາຢາເສບຕິດ ເພື່ອຕອບສະໜອງນະ ໂຍບາຍວາລະແຫ່ງຊາດຂອງລັດຖະບານທີ່ວາງອອກໃຫ້ປະກົດຜົນເປັນຈິງ.
ຂ່າວ-ພາບ: ຍຸພິນທອງ
ຄໍາເຫັນ