 |
ທ່ານ ບົວໄລ ວິໄລວົງ ກ່າວວ່າ: ກອງປະຊຸມຄັ້ງນີ້ຈະໄດ້ຄົ້ນຄວ້າ ເຊື່ອມຊຶມ ຮ່າງບົດສະຫຼຸບຕີລາຄາ ການນໍາພາ-ຊີ້ນໍາ ຮອບດ້ານ ຂອງຄະນະບໍລິຫານງານພັກເມືອງ, ຮ່າງບົດສະຫຼຸບ ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ 6 ເດືອນ ຕົ້ນປີ ແລະ ທິດທາງແຜນການ 6 ເດືອນທ້າຍປີ 2026 ແລະຮັບຟັງການມີຄໍາເຫັນ ໃນ 4 ຫົວຂໍ້ ຄື: ການແກ້ໄຂປະກົດການຫຍໍ້ທໍ້ ພາຍໃນເມືອງ (ບັນຫາຢາເສບຕິດ ແລະ ສະແກມເມີ້), ຜົນສໍາເລັດໃນການສ້າງຕັ້ງຕາແສງ, ບັນຫາການຄຸ້ມຄອງ - ນໍາໃຊ້ ນໍ້າຊົນລະປະທານ, ການແກ້ໄຂບັນຫາຂີ້ເຫຍື້ອ ແລະ ສັດລ້ຽງເຊິ່ງແຕ່ລະບັນຫາທີ່ກ່າວມານັ້ນ ລ້ວນແຕ່ເປັນວຽກງານສຳຄັນ ທີ່ຕິດພັນໂດຍກົງກັບການນຳພາ-ຊີ້ນໍາ ຂອງຄະນະບໍລິຫານງານພັກເມືອງ ເພື່ອສ້າງການຫັນປ່ຽນຢ່າງແຂງແຮງ, ເລິກເຊິ່ງ ແລະ ຮອບດ້ານ ຕາມແນວທາງຂອງພັກ.
ຈາກນັ້ນ, ບັນດາບັນດາສະຫາຍຄະນະບໍລິຫານງານພັກເມືອງ ໄດ້ຜັດປ່ຽນກັນປະກອບຄໍາເຫັນ ຕໍ່ຮ່າງບົດສະຫຼຸບຢ່າງກົງໄປກົງມາ ເພື່ອແກ້ໄຂບັນຫາ ທີ່ຍັງຄົງຄ້າງ ນໍາເອົາໄປຄົ້ນຄວ້າປັບປຸງໃຫ້ຄົບຖ້ວນ ແລະ ຈັດຕັ້ງໃຫ້ ສອດຄ່ອງໃນຕໍ່ໜ້າ ໃຫ້ມີຜົນສໍາເລັດຕາມແຜນການທີ່ວາງໄວ້.
ຂ່າວ:ພຸດທະສອນ
ຄໍາເຫັນ