ອົງການໄອຍະການປະຊາຊົນສູງສຸດ(ອອປສ) ໄດ້ຈັດກອງປະຊຸມສະໄໝສາມັນເທື່ອທີ 10 ຂອງຄະນະກຳມະການໄອຍະການປະຊາຊົນສູງສຸດ ຂຶ້ນໃນວັນທີ 27 ທັນວາ ນີ້ ທີ່ ອອປສ, ໂດຍພາຍໃຕ້ການເປັນປະທານ ຂອງທ່ານ ໄຊຊະນະ ໂຄດພູທອນ ກໍາມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ ປະທານຄະນະກຳມະການໄອຍະການປະຊາຊົນສູງສຸດ, ມີຮອງປະທານຄະນະກຳມະການ ອອປສ, ບັນດາຄະນະກຳມະການ ອອປສ ແລະ ກອງເລຂາ ເຂົ້າຮ່ວມ.
ກອງປະຊຸມໄດ້ຮັບຟັງການລາຍງານ ແລະ ປະກອບຄໍາເຫັນ ໃສ່ຫຼາຍບັນຫາສໍາຄັນ ຊຶ່ງເປັນບັນຫາຍຸດທະສາດຂອງອົງການໄອຍະການປະຊາຊົນ ເປັນຕົ້ນ 1. ການສ້າງຕັ້ງອົງການໄອຍະການປະຊາຊົນເຂດປະຈໍາເມືອງເພີ່ມຕື່ມຈໍານວນໜຶ່ງ; 2. ການສ້າງຕັ້ງກົມໃໝ່ 2 ກົມ ແລະ ພະແນກກ່ຽວຂ້ອງ; 3. ການສັ່ງຟ້ອງຂຶ້ນສານໂດຍກົງ; 4. ຜົນການສອບເສັງພະນັກງານໄອຍະການປະຊາຊົນ ແລະ ຜູ້ຊ່ວຍ; 5. ການຍ້ອງຍໍຜົນງານປະຈໍາປີ 2023 ທົ່ວລະບົບອົງການໄອຍະການ ແລະ ນອກຈາກນັ້ນກໍໄດ້ປຶກສາຫາລືບັນຫາປິ່ນອ້ອມອື່ນອີກຈໍານວນໜຶ່ງ.
ໃນວາລະດັ່ງກ່າວ ທ່ານປະທານ, ຮອງປະທານ ແລະ ບັນດາຄະນະກໍາມະການ ອອປສ ໄດ້ສຸມໃສ່ຄົ້ນຄວ້າ ແລະ ປຶກສາຫາລືປະກອບຄໍາຄິດຄໍາເຫັນຢ່າງຟົດຟື້ນ ເພື່ອເຮັດໃຫ້ອົງການໄອຍະການປະຊາຊົນນັບມື້ເຕີບໃຫຍ່ເຂັ້ມແຂງ, ໄດ້ຮັບການພັດທະນາຮອບດ້ານ ແລະ ຮັບປະກັນການປະຕິບັດພາລະບົດບາດ, ສິດ ແລະ ໜ້າທີ່ ຂອງອົງການໄອຍະການປະຊາຊົນ ຕາມກົດໝາຍ, ເຮັດໃຫ້ກົດໝາຍໄດ້ຮັບການຄົບລົບ ແລະ ປະຕິບັດຢ່າງຖືກຕ້ອງ ແລະ ເປັນເອກະພາບ ແນໃສ່ປົກປ້ອງຜົນປະໂຫຍດຂອງລັດ, ສັງຄົມ, ສິດ ແລະ ຜົນປະໂຫຍດອັນຊອບທໍາຂອງພົນລະເມືອງ, ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ຕາມທິດທາງກ້າວໜ້າ ແລະ ທັນສະໄໝ.
ໃນໂອກາດດັ່ງກ່າວ, ທ່ານປະທານກອງປະຊຸມ ໄດ້ໃຫ້ທິດຊີ້ນໍາ ແລະ ເນັ້ນໜັກໃຫ້ຄະນະກຳມະການ ອອປສ ຕ້ອງເພີ່ມທະວີຄວາມເອົາໃຈໃສ່ໃນການຄົ້ນຄວ້າ, ເຊື່ອມຊຶມ ແລະ ກຳແໜ້ນເນື້ອໃນຈິດໃຈຜົນຂອງກອງປະຊຸມ ແລະ ບັນດາແຜນວຽກຈຸດສຸມໃນປີ 2024 ຢ່າງເລິກເຊິ່ງ, ຫັນເປັນອັນລະອຽດ ແລະ ຈັດຕັ້ງປະຕິບັດໃຫ້ປະກົດຜົນເປັນຈິງ. ນອກນັ້ນ, ກໍຕ້ອງເພີ່ມທະວີ ໃນການນຳພາ-ຊີ້ນຳ ຂອງຄະນະກຳມະການ ອອປສ ຢ່າງມີຈຸດສຸມ ແທດເຖິງຕໍ່ການປະຕິບັດໜ້າທີ່ວຽກງານຂອງສະມາຊິກພັກ ແລະ ພະນັກງານ, ເອົາໃຈໃສ່ຕິດຕາມ, ຊຸກຍູ້ບັນດາວຽກງານປິ່ນອ້ອມ, ສິ່ງເອື້ອອຳນວຍຄວາມສະດວກ ໃຫ້ແກ່ການ ເຄື່ອນໄຫວວຽກງານໃຫ້ດີ ແລະ ທັນເວລາ.
ຂ່າວ-ພາບ: ຈະເລີນສິນ
ກອງປະຊຸມໄດ້ຮັບຟັງການລາຍງານ ແລະ ປະກອບຄໍາເຫັນ ໃສ່ຫຼາຍບັນຫາສໍາຄັນ ຊຶ່ງເປັນບັນຫາຍຸດທະສາດຂອງອົງການໄອຍະການປະຊາຊົນ ເປັນຕົ້ນ 1. ການສ້າງຕັ້ງອົງການໄອຍະການປະຊາຊົນເຂດປະຈໍາເມືອງເພີ່ມຕື່ມຈໍານວນໜຶ່ງ; 2. ການສ້າງຕັ້ງກົມໃໝ່ 2 ກົມ ແລະ ພະແນກກ່ຽວຂ້ອງ; 3. ການສັ່ງຟ້ອງຂຶ້ນສານໂດຍກົງ; 4. ຜົນການສອບເສັງພະນັກງານໄອຍະການປະຊາຊົນ ແລະ ຜູ້ຊ່ວຍ; 5. ການຍ້ອງຍໍຜົນງານປະຈໍາປີ 2023 ທົ່ວລະບົບອົງການໄອຍະການ ແລະ ນອກຈາກນັ້ນກໍໄດ້ປຶກສາຫາລືບັນຫາປິ່ນອ້ອມອື່ນອີກຈໍານວນໜຶ່ງ.
ໃນວາລະດັ່ງກ່າວ ທ່ານປະທານ, ຮອງປະທານ ແລະ ບັນດາຄະນະກໍາມະການ ອອປສ ໄດ້ສຸມໃສ່ຄົ້ນຄວ້າ ແລະ ປຶກສາຫາລືປະກອບຄໍາຄິດຄໍາເຫັນຢ່າງຟົດຟື້ນ ເພື່ອເຮັດໃຫ້ອົງການໄອຍະການປະຊາຊົນນັບມື້ເຕີບໃຫຍ່ເຂັ້ມແຂງ, ໄດ້ຮັບການພັດທະນາຮອບດ້ານ ແລະ ຮັບປະກັນການປະຕິບັດພາລະບົດບາດ, ສິດ ແລະ ໜ້າທີ່ ຂອງອົງການໄອຍະການປະຊາຊົນ ຕາມກົດໝາຍ, ເຮັດໃຫ້ກົດໝາຍໄດ້ຮັບການຄົບລົບ ແລະ ປະຕິບັດຢ່າງຖືກຕ້ອງ ແລະ ເປັນເອກະພາບ ແນໃສ່ປົກປ້ອງຜົນປະໂຫຍດຂອງລັດ, ສັງຄົມ, ສິດ ແລະ ຜົນປະໂຫຍດອັນຊອບທໍາຂອງພົນລະເມືອງ, ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ຕາມທິດທາງກ້າວໜ້າ ແລະ ທັນສະໄໝ.
ໃນໂອກາດດັ່ງກ່າວ, ທ່ານປະທານກອງປະຊຸມ ໄດ້ໃຫ້ທິດຊີ້ນໍາ ແລະ ເນັ້ນໜັກໃຫ້ຄະນະກຳມະການ ອອປສ ຕ້ອງເພີ່ມທະວີຄວາມເອົາໃຈໃສ່ໃນການຄົ້ນຄວ້າ, ເຊື່ອມຊຶມ ແລະ ກຳແໜ້ນເນື້ອໃນຈິດໃຈຜົນຂອງກອງປະຊຸມ ແລະ ບັນດາແຜນວຽກຈຸດສຸມໃນປີ 2024 ຢ່າງເລິກເຊິ່ງ, ຫັນເປັນອັນລະອຽດ ແລະ ຈັດຕັ້ງປະຕິບັດໃຫ້ປະກົດຜົນເປັນຈິງ. ນອກນັ້ນ, ກໍຕ້ອງເພີ່ມທະວີ ໃນການນຳພາ-ຊີ້ນຳ ຂອງຄະນະກຳມະການ ອອປສ ຢ່າງມີຈຸດສຸມ ແທດເຖິງຕໍ່ການປະຕິບັດໜ້າທີ່ວຽກງານຂອງສະມາຊິກພັກ ແລະ ພະນັກງານ, ເອົາໃຈໃສ່ຕິດຕາມ, ຊຸກຍູ້ບັນດາວຽກງານປິ່ນອ້ອມ, ສິ່ງເອື້ອອຳນວຍຄວາມສະດວກ ໃຫ້ແກ່ການ ເຄື່ອນໄຫວວຽກງານໃຫ້ດີ ແລະ ທັນເວລາ.
ຂ່າວ-ພາບ: ຈະເລີນສິນ
ຄໍາເຫັນ