ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງ

ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງ ຈະໄດ້ພິຈາລະນາ ແລະ ຮັບຮອງເອົາ 10 ບັນຫາສຳຄັນ

10:11 26/12/2024

ໃນໂອກາດກ່າວເປີດກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນແຂວງ ຊຸດທີ II ໃນຕອນເຊົ້າວັນທີ 25 ທັນວາ 2024 ນີ້, ທ່ານ ສຸວັນນີ ໄຊຊະນະ ປະທານສະພາປະຊາຊົນແຂວງ ບໍລິຄຳໄຊ ໄດ້ມີບາງຄຳເຫັນວ່າ: ເພື່ອປະຕິບັດຕາມກົດໝາຍວ່າດ້ວຍສະພາປະຊາຊົນຂັ້ນແຂວງ, ກອງປະຊຸມສະໄໝສາມັນ

ຄັ້ງນີ້ ຈະໄດ້ດຳເນີນເປັນເວລາ 3 ວັນເຕັມ ເພື່ອຮັບຟັງການລາຍງານ, ພິຈາລະນາ, ຮັບຮອງເອົາບັນຫາສໍາຄັນພື້ນຖານຂອງແຂວງດັ່ງນີ້:1.ຮັບຟັງການລາຍງານ ຂອງທ່ານເຈົ້າແຂວງບໍລິຄໍາໄຊ ກ່ຽວກັບການຈັດຕັ້ງປະຕິບັດວຽກງານທີ່ພົ້ນເດັ່ນເປັນຈຸດສຸມ ບູລິມະສິດຂອງແຂວງ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍາປີ 2024 ແລະ ທິດທາງແຜນການ ປະຈຳປີ 2025 ຕິດພັນກັບ 2 ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ບັນຫາຢາເສບຕິດ;2.ພິຈາລະນາຮັບຮອງເອົາ ບົດລາຍງານຂອງພະແນກແຜນການ ແລະ ການລົງທຶນແຂວງ ກ່ຽວກັບການຈັດຕັ້ງປະຕິບັດແຜນການລົງທຶນປະຈຳປີ 2024 ແລະ ທິດທາງແຜນການ ປະຈຳປີ 2025;3.ພິຈາລະນາຮັບຮອງເອົງບົດລາຍງານຂອງພະແນກການເງິນແຂວງ ກ່ຽວກັບການຈັດຕັ້ງປະຕິບັດແຜນງົບປະມານ ປະຈຳປີ 2024 ແລະ ທິດທາງແຜນການ ປະຈຳປີ 2025;4.ພິຈາລະນາຮັບຮອງເອົາ ບົດລາຍງານ ການຈັດຕັ້ງປະຕິບັດການເຄື່ອນໄຫວວຽກງານ ປະຈໍາປີ 2024, ທິດທາງແຜນການ ປະຈໍາປີ 2025 ແລະ ບົດລາຍງານຜົນການກວດສອບບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານ ປະຈໍາປີ 2023 ຂອງອົງການກວດສອບປະຈຳພາກກາງ 2 ແລະ ການຈັດຕັ້ງປະຕິບັດຄໍາແນະນໍາຂອງອົງການກວດສອບໃນປີຜ່ານມາ ແລະ ບົດລາຍງານຂອງອົງການກວດກາລັດ ກ່ຽວກັບການຈັດຕັ້ງປະຕິບັດວຽກງານ ປະຈຳປີ 2024, ທິດທາງແຜນການ ປະຈໍາປີ 2025 ແລະ ການແກ້ໄຂຜົນການກວດສອບ ປີຜ່ານມາ;5.ຮັບຟັງການລາຍງານຂອງພະແນກກະສິກໍາ ແລະ ປ່າໄມ້ແຂວງ ກ່ຽວກັບຄວາມຄືບໜ້າການຈັດຕັ້ງປະຕິບັດແຜນແມ່ບົດວ່າດ້ວຍການສ້າງ ເມືອງໄຊຈຳພອນ ເປັນຕົວແບບການພັດທະນາຊົນນະບົດໃໝ່ຂອງລັດຖະບານ ປີ 2021-2025;6.ຮັບຟັງບົດລາຍງານ ຂອງພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ກ່ຽວກັບຄວາມຄືບໜ້າການຈັດຕັ້ງປະຕິບັດແຜນການຈັດສັນທີ່ດິນ, ຄຸ້ມຄອງຊັບພະຍາກອນທໍາມະຊາດ ແລະ ສິ່ງແວດລ້ອມຮອບດ້ານ ຮອດປີ 2030 ຕາມຂໍ້ຕົກລົງຂອງເຈົ້າແຂວງບໍລິຄໍາໄຊ ສະບັບເລກທີ 133/ຂບຊ, ລົງວັນທີ 18 ກຸມພາ 2021; 7.ພິຈາລະນາ ຮັບຮອງເອົາ ບົດລາຍງານ ກ່ຽວກັບການຈັດຕັ້ງປະຕິບັດວຽກງານ ປະຈໍາປີ 2024 ແລະ ທິດທາງແຜນການ ປະຈໍາປີ 2025 ຂອງອົງການໄອຍາການແຂວງ ແລະ ສານປະຊາຊົນແຂວງ; 8. ພິຈາລະນາ ຮັບຮອງເອົາບົດລາຍງານຂອງສະພາປະຊາຊົນແຂວງ ກ່ຽວກັບການຈັດຕັ້ງປະຕິບັດວຽກງານ ປະຈຳປີ 2024 ແລະ ທິດທາງແຜນການ ປະຈໍາປີ 2025;9.ຮັບຟັງການປະກອບຄຳເຫັນ ຂອງອົງການແນວລາວສ້າງຊາດແຂວງ, ຕາງໜ້າອົງການຈັດຕັ້ງມະຫາຊົນ ຕໍ່ກັບການຈັດຕັ້ງປະຕິບັດວຽກງານ ປະຈໍາປີ 2024 ແລະ ທິດທາງແຜນການ ປະຈໍາປີ 2025 ຂອງສະພາປະຊາຊົນແຂວງບໍລິຄໍາໄຊ; 10.ປະເມີນຜົນການຈັດຕັ້ງປະຕິບັດນິຕິກໍາໃຕ້ກົດໝາຍ 2 ສະບັບຄື: ຂໍ້ຕົກລົງຂອງທ່ານເຈົ້າແຂວງ ສະບັບເລກທີ 785/ຂບຊ, ລົງວັນທີ 31 ຕຸລາ 2018ວ່າດ້ວຍລະບຽບການການຄຸ້ມຄອງເຂດຊົດເຊີຍຊີວະນາໆພັນນໍ້າຈວນ-ນໍ້າຊັ່ງ ຂອງໂຄງການເຂື່ອນໄຟຟ້ານໍ້າງຽບ 1 ແລະ ຂໍ້ຕົກລົງຂອງທ່ານເຈົ້າແຂວງ ສະບັບເລກທີ 94/ຂບຊ, ລົງວັນທີ 28 ກຸມພາ 2019 ວ່າດ້ວຍການຄຸ້ມຄອງການພັດທະນາຕົວເມືອງປາກຊັນ.
(ຂ່າວ-ພາບ: ຄຳຟອງ)

ຄໍາເຫັນ

ຂ່າວການເມືອງ

ທຫລ ເຜີຍແຜ່-ເຊື່ອມຊຶມມະຕິກອງປະຊຸມໃຫຍ່ ຄັ້ງທີ XII ຂອງພັກ

16/06/2026 14:47

ອົງຄະນະພັກ ທະນາຄານແຫ່ງ ສປປ ລາວ (ຄພ.ທຫລ) ໄດ້ຈັດກອງປະຊຸມເຜີຍແຜ່-ເຊື່ອມຊຶມມະຕິກອງປະຊຸມໃຫຍ່ ຄັ້ງທີ XII ຂອງພັກ ຂຶ້ນເມື່ອບໍ່ດົນມານີ້ ທີ່ສະໂມສອນໃຫຍ່ສະຖາບັນການທະນາຄານ ໂດຍພາຍໃຕ້ການເປັນປະທານຂອງ ສະຫາຍ ນາງ ບຸນຄຳ ວໍລະຈິດ ຄະນະເລຂາທິການສູນກາງພັກ ເລຂາຄະນະພັກ ທຫລ, ມີບັນດາສະຫາຍ ຄະນະບໍລິຫານງານພັກ ທຫລ, ຄະນະໜ່ວຍພັກ-ຄະນະຮາກຖານ, ຄະນະກົມ, ຄະນະຜູ້ອຳນວຍການທະນາຄານທຸລະກິດ, ພ້ອມດ້ວຍພະນັກງານຫຼັກແຫຼ່ງນໍາພາ ເຂົ້າຮ່ວມຫຼາຍກວ່າ 200 ສະຫາຍ.

ເມືອງ ໄຊຍະບູລີ ເຊື່ອມຊຶມມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກ

16/06/2026 14:22

ເມືອງໄຊຍະບູລີ ແຂວງໄຊຍະບູລີ ໄດ້ຈັດກອງປະຊຸມເຊື່ອມຊຶມມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກ ຕິດພັນກັບເນື້ອໃນມະຕິກອງປະຊຸມໃຫຍ່ ອົງຄະນະພັກແຂວງໄຊຍະບູລີຄັ້ງທີ VIII ໃຫ້ຂົງເຂດປ້ອງກັນຊາດ-ປ້ອງກັນຄວາມສະຫງົບ, ໃນວັນທີ 16 ມິຖຸນານີ້ ທີ່ ເມືອງໄຊຍະບູລີ ໂດຍການເປັນປະທານຂອງສະຫາຍ ຄຳຫຼ້າ ຜິວວັນນາ ຄະນະປະຈຳພັກແຂວງ ເລຂາຄະນະບໍລິຫານງານພັກເມືອງ, ມີຄະນະປະຈຳພັກເມືອງ, ກຳມະການພັກເມືອງ, ນາຍ ແລະ ພົນທະຫານ, ນາຍ ແລະ ພົນຕຳຫຼວດເຂົ້າຮ່ວມຮັບຟັງ.

ເມືອງພຽງ ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຂອງພັກ

12/06/2026 11:32

ເມືອງພຽງ ແຂວງໄຊຍະບູລີ ຈັດກອງປະຊຸມເຜີຍແຜ່ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນຄັ້ງທີ XII ຂອງພັກ ແລະ ມະຕິກອງປະຊຸມໃຫຍ່ຜູ້ແທນອົງຄະນະພັກແຂວງໄຊຍະບູລີ ຄັ້ງທີ VIII ໃນວັນທິ 10 ມິຖຸນາ 2026 ທີ່ ເມືອງພຽງ ໂດຍການ ເຜີຍແຜ່ເຊື່ອມຊຶມຂອງສະຫາຍ ອາເມ ຊົງເຢ້ຽເລັງ ກຳມະການປະຈຳພັກແຂວງ ຮອງປະທານຄະນະກຳມະການປົກຄອງແຂວງໄຊຍະບູລີ, ມີບັນດາຄະນະປະຈຳພັກເມືອງ, ກຳມະການພັກເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.

ພະແນກ ຕສ ແຂວງສາລະວັນ ເຊື່ອມຊຶມມະຕິກອງປະຊຸມໃຫຍ່ ຄັ້ງທີ XII ຂອງພັກ

10/06/2026 10:45

ພະແນກເຕັກໂນໂລຊີ ແລະ ການສື່ສານ (ຕສ) ແຂວງສາລະວັນ ໄດ້ຈັດກອງປະຊຸມເຜີຍແຜ່ເຊື່ອຊຶມມະຕິກອງປະຊຸມໃຫຍ່ ຄັ້ງທີ XII ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງ ໃຫ້ແກ່ພະນັກງານ - ສະມາຊິກພັກ ໃນວັນທີ 9 ມິຖຸນານີ້ ໂດຍການເປັນປະທານ ແລະ ບັນຍາຍໂດຍ ສະຫາຍ ສົມຄິດ ແສນທະວີ ເລຂາຄະນະພັກຮາກຖານ, ຫົວໜ້າພະແນກເຕັກໂນໂລຊີ ແລະ ການສື່ສານແຂວງ; ມີບັນດາສະຫາຍຄະນະພັກຮາກຖານ; ເລຂາໜ່ວຍພັກ; ຄະນະໜ່ວຍພັກ; ສະມາຊິກພັກ ແລະ ພະນັກງານລັດຖະກອນ ພາຍໃນ ເຂົ້າຮ່ວມ.

ຮອງເລຂາພັກແຂວງ ຊຸກຍູ້ການຜັນຂະຫຍາຍມະຕິກອງປະຊຸມໃຫຍ່ຂອງພັກ ຢູ່ເມືອງຕຸ້ມລານ

10/06/2026 10:35

ສະຫາຍ ນາງ ບຸນທະວີ ດວງລາສີ ຮອງເລຂາພັກແຂວງ, ຜູ້ຊີ້ນໍາວຽກງານແນວຄິດ-ວຽກພັກ ແລະ ພະນັກງານ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ການຈັດຕັ້ງຜັນຂະຫຍາຍ ມະຕິກອງປະຊຸມໃຫ່ຍຂອງພັກ, ວຽກປັບປຸງກົງຈັກການຈັດຕັ້ງ ແລະ ວຽກກໍ່ສ້າງຮາກຖານການເມືອງ ຢູ່ທີ່ເມືອງຕຸ້ມລານ ແຂວງສາລະວັນ ເມື່ອວັນທີ 8 ມິຖຸນາຜ່ານມາ, ໂດຍມີສະຫາຍ ບົວແກ້ວ ວົງຄໍາຈັນ ກໍາມະການພັກແຂວງ ເລຂາພັກເມືອງ ພ້ອມດ້ວຍຄະນະໃຫ້ການຕ້ອນຮັບ.

ພັກຍາມໃດ ກໍຖືວຽກປັບປຸງກົງຈັກການຈັດຕັ້ງເປັນວຽກໜຶ່ງທີ່ສຳຄັນ

04/06/2026 10:41

ພັກຍາມໃດ ກໍຖືວຽກງານປັບປຸງກົງຈັກການຈັດຕັ້ງ ເປັນວຽກງານໜຶ່ງທີ່ສຳຄັນໃນການນຳພາ-ຊີ້ນຳ ເພື່ອຂັບເຄື່ອນການພັດທະນາຕາມແນວທາງນະໂຍບາຍຂອງພັກ-ລັດ ໃນແຕ່ລະໄລຍະໃຫ້ມີປະສິດທິຜົນສູງ ສອດຄ່ອງກັບການຂະຫຍາຍຕົວຂອງເສດຖະກິດປະເທດ.

ທະຫານຜົ້ງສາລີ ເຜີຍແຜ່ເຊື່ອມຊຶມມະຕິກອງປະຊຸມໃຫຍ່ຂອງພັກ

29/05/2026 11:05

ກອງບັນຊາການທະຫານແຂວງຜົ້ງສາລີ ໄດ້ຈັດກອງປະຊຸມເຜີຍແຜ່ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຂັ້ນຕ່າງໆຂອງພັກ ແລະ ປະກາດບົ່ງຕົວແຕ່ງຕັ້ງຄະນະພັກຮາກຖານ, ເລຂາຄະນະໜ່ວຍພັກ ແລະ ປະກາດການເລື່ອນຊັ້ນນາຍທະຫານ ຂຶ້ນໃນວັນທີ 26 ພຶດສະພາຜ່ານມາ, ທີ່ສະໂມສອນເມືອງບຸນເໜືອ,ໂດຍການເປັນປະທານຂອງສະຫາຍ ພົນຈັດຕະວາ ຊຽງເພັງ ບົວລະວົງ ກໍາມະການພັກແຂວງ, ເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງ, ມີຄະນະພັກ-ຄະນະບັນຊາກ່ຽວຂ້ອງເຂົ້າຮ່ວມ.

ກອງປະຊຸມໃຫຍ່ສະມາຊິກພັກ ຄັ້ງທີ V ຂອງອົງຄະນະພັກສູນກາງສະຫະພັນກຳມະບານລາວ

29/05/2026 10:35

ກອງປະຊຸມໃຫຍ່ສະມາ ຊິກພັກ ຄັ້ງທີ V ອົງຄະນະພັກ ສູນກາງສະຫະພັນກໍາມະບານ ລາວ ໄດ້ເປີດຂຶ້ນໃນວັນທີ 28 ພຶດສະພານີ້ ທີ່ສູນກາງສະຫະ ພັນກຳມະບານລາວ (ສກລ), ໂດຍການເປັນປະທານຂອງ ສະຫາຍ ຄຳຜອຍ ວັນນະສານ ກຳມະການສູນກາງພັກ ເລຂາຄະນະບໍລິຫານງານພັກ ປະທານສູນກາງສະຫະພັນກຳມະບານລາວ, ໃຫ້ກຽດເຂົ້າຮ່ວມຂອງ ສະຫາຍ ກິແກ້ວ ໄຂຄໍາພິທູນ ກໍາມະການກົມ ການເມືອງສູນກາງພັກ ປະ ທານ ສູນກາງແນວລາວສ້າງຊາດ ຜູ້ຊີ້ນໍາອົງການຈັດຕັ້ງມະຫາຊົນ, ມີບັນດາຄະນະພັກ, ສະມາຊິກພັກ ແລະ ແຂກທີ່ຖືກເຊີນເຂົ້າຮ່ວມ.

ກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ VI ອົງຄະນະພັກ ຄອສພ ເປີດຂຶ້ນຢ່າງເປັນທາງການ

28/05/2026 10:29

ກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ VI ຂອງອົງຄະນະພັກຄະນະໂຄສະນາອົບຮົມສູນກາງພັກ (ຄອສພ) ໄດ້ເປີດຂຶ້ນຢ່າງເປັນທາງການ ໃນວັນທີ 28 ພຶດສະພານີ້, ທີ່ຫ້ອງປະຊຸມໃຫຍ່ ຄອສພ, ພາຍໃຕ້ການເປັນປະທານຂອງ ສະຫາຍ ຄໍາພັນ ເຜີຍຍະວົງ ກໍາມະການກົມການເມືອງສູນກາງພັກ ເລຂາຄະນະບໍລິຫານງານພັກ ຫົວໜ້າຄະນະໂຄສະນາອົບຮົມສູນກາງພັກ, ໂດຍໃຫ້ກຽດເຂົ້າຮ່ວມຂອງສະຫາຍ ພົນເອກ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ, ມີຜູ້ແທນສົມບູນ 189 ສະຫາຍ, ຍິງ 83 ສະຫາຍ, ມີສະມາຊິກພັກອາວຸໂສບຳນານ ແລະ ແຂກຖືກເຊີນເຂົ້າຮ່ວມ.

ກອງບັນຊາການທະຫານເມືອງບຸນໃຕ້ ເຜີຍແຜ່ເຊື່ອມຊຶມມະຕິກອງປະຊຸມໃຫຍ່ຄັ້ງທີ XII ຂອງພັກ

26/05/2026 14:16

ກອງບັນຊາການທະຫານເມືອງບຸນໃຕ້ ແຂວງຜົ້ງສາລີ ໄດ້ຈັດກອງປະຊຸມເຜີຍແຜ່ເຊື່ອມຊຶມ ແລະ ຜັນຂະ ຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກ, ມະຕິກອງປະຊຸມໃຫຍ່ຄັ້ງທີ XII ຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກກະຊວງປ້ອງກັນປະເທດ ໃນວັນທີ 21 ພຶດສະພາຜ່ານມາ, ທີ່ສະໂມສອນກອງບັນຊາການທະຫານເມືອງບຸນໃຕ້ ໂດຍການເປັນປະທານ ແລະ ໃຫ້ກຽດເຜີຍແຜ່ເອກະສານຂອງສະຫາຍ ພົຈວ ຊຽງເພັງ ບົວລະວົງ ກຳມະການພັກແຂວງ, ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງ, ມີສະຫາຍ ພັນໂທ ພອນ ສານສຸກ ຄະນະພັກ ກອງບັນຊາການທະຫານແຂວງ, ຫົວໜ້າພະແນກຈັດຕັ້ງພັກຫ້ອງການເມືອງ, ສະຫາຍ ພັນໂທ ທອງດີ ພົມປັນຍາ ກຳມະການປະຈຳພັກເມືອງ, ເລຂາຄະນະພັກຮາກຖານ, ຫົວໜ້າການເມືອງ ກອງບັນຊາການທະຫານເມືອງ ພ້ອມດ້ວຍຄະນະພັກ-ຄະນະບັນຊາ, ພະນັກງານ-ນັກຮົບເຂົ້າຮ່ວມ.

ເພີ່ມເຕີມ