 |
ໃນຕອນທ້າຍກອງປະຊຸມ, ທ່ານ ນາງ ບຸນຄຳ ວໍລະຈິດ ໄດ້ຮຽກຮ້ອງໃຫ້ທຸກພາກສ່ວນ ສືບຕໍ່ເພີ່ມທະວີຄວາມຮັບຜິດຊອບ ແລະ ສຸມໃສ່ຈັດຕັ້ງປະຕິບັດໜ້າທີ່ການເມືອງຂອງຕົນ ໃຫ້ບຸກທະລຸຂຶ້ນກວ່າເກົ່າ ເພື່ອໃຫ້ບັນລຸບັນດາຄາດໝາຍຊີ້ວັດ ທາງດ້ານເງິນຕາທີ່ສະພາແຫ່ງຊາດໄດ້ຮັບຮອງ, ໄປຄຽງຄູ່ກັບການຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XII ຂອງພັກປະຊາຊົນ ປະຕິວັດລາວ; ມະຕິວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ ໃນໄລຍະໃໝ່ (ສອຈ) ແລະ ມະຕິກອງປະຊຸມໃຫຍ່ ອົງຄະນະພັກ ທຫລ ຄັ້ງທີ V ເຂົ້າໃນການປະຕິບັດວຽກງານຕົວຈິງ ເພື່ອຮັກສາສະຖຽນລະພາບເງິນຕາ ແຫ່ງຊາດໃຫ້ໝັ້ນທ່ຽງ, ສ້າງລະບົບສະຖາບັນການເງິນໃຫ້ມີ ຄວາມໝັ້ນຄົງ, ເຂັ້ມແຂງ ແລະ ພັດທະນາລະບົບການຊໍາລະ ໃຫ້ມີຄວາມປອດໄພ ແລະ ທັນສະໄໝ.
 |
ກອງປະຊຸມ ໄດ້ດຳເນີນດ້ວຍບັນຍາກາດຟົດຟື້ນ, ເຄັ່ງຮ້ອນ ແລະ ເຕັມໄປດ້ວຍຄວາມຮັບຜິດຊອບສູງ ຂອງບັນດາສະມາຊິກສະພາບໍລິຫານ ທຫລ ແລະ ພາກສ່ວນກ່ຽວຂ້ອງ ຊຶ່ງໄດ້ເຮັດໃຫ້ທຸກເນື້ອໃນທີ່ນຳມາພິຈາລະນາ ໄດ້ຖືກຮັບຮອງ ແລະ ສຳເລັດຜົນຢ່າງຈົບງາມ ຕາມລະດັບຄາດໝາຍທີ່ກຳນົດໄວ້.
(ຂ່າວ-ພາບ: ວັນເພັງ)
ຄໍາເຫັນ