ສະຫາຍ ພັນໂທ ທີ ສີສຸທຳ ເລຂາຄະນະພັກຮາກຖານ ຫົວໜ້າການເມືອງກອງພັນກໍ່ສ້າງຂົວທາງ 587 ໄດ້ຜ່ານບົດລາຍງານການເມືອງທັງສອງພາກ ຍົກໃຫ້ເຫັນຜົນງານທີ່ພົ້ນເດັ່ນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນໄລ ຍະຜ່ານມາ, ຄະນະພັກຮາກຖານໄດ້ເອົາໃຈໃສ່ສຶກສາອົບຮົມການເມືອງນໍາພາແນວຄິດ ຕໍ່ຖັນແຖວພະນັກງານ-ສະມາ ຊິກພັກໄດ້ຮັບຮູ້ເຂົ້າໃຈ, ເຊື່ອມຊຶມກຳແໜ້ນບັນດາຫຼັກການຂອງພັກ, ໂດຍສະເພາະປະຕິບັດຕາມ 3 ທິດນໍາ 5 ຫຼັກການຂອງພັກຢ່າງຕັ້ງໜ້າ, ຈັດຕັ້ງເຂົ້າຮ່ວມຄົ້ນຄວ້າ, ເຊື່ອມຊຶມມະຕິ ແລະ ກົດລະບຽບຂອງພັກ, ຖືເອົາການດໍາເນີນຊີວິດການເມືອງພາຍໃນພັກ ເປັນການກວດກາຕີລາຄາຄືນຄວາມຮັບຜິດຊອບການເມືອງຂອງພະນັກງານ-ສະມາຊິກພັກ ເພື່ອເສີມຂະຫຍາຍດ້ານຕັ້ງໜ້າ, ແກ້ໄຂດ້ານຄົງຄ້າງ ແລະ ປະກົດການຫຍໍ້ທໍ້ຕ່າງໆ, ເອົາໃຈໃສ່ຈັດຕັ້ງປະຕິບັດໜ້າທີ່ວິຊາສະເພາະ ໂດຍປະສານສົມທົບກັບອໍານາດການປົກຄອງທ້ອງຖິ່ນບໍ່ວ່າຢູ່ໃນຂອບເຂດຕັ້ງທັບກໍຄືຢູ່ພາກສະໜາມກໍ່ສ້າງໂຄງການ ເພື່ອຕິດຕາມເກັບກຳສະພາບການ, ຊຸກຍູ້ປຸກລະດົມໃຫ້ປະຊາຊົນເຂົ້າຮ່ວມເຄື່ອນໄຫວເຮັດວຽກງານປ້ອງກັນຊາດ-ປ້ອງກັນຄວາມສະຫງົບ ຕາມຂອບເຂດຄວາມຮັບຜິດຊອບໃຫ້ມີຄວາມສະຫງົບປອດໄພ, ສັງຄົມມີຄວາມເປັນລະບຽບຮຽບຮ້ອຍ, ປັດຈຸບັນທົ່ວກອງພັນມີ 5 ໜ່ວຍພັກຂຶ້ນກັບ. ໃນນີ້, ສາມາດຮັກສາໄດ້ໜ່ວຍພັກປອດໃສ ເຂັ້ມແຂງ ໜັກແໜ້ນ 5 ສະໄໝຕິດຕໍ່ກັນ.
ກອງປະຊຸມໄດ້ປ່ອນບັດຄັດເລືອກເອົາຄະນະພັກຮາກຖານຊຸດໃໝ່, ກອງປະຊຸມຄັ້ງປະຖົມມະລືກເຫັນດີເປັນເອກະພາບເລືອກເອົາສະຫາຍ ພັນໂທ ທີ ສີສຸທຳ ເປັນເລຂາ, ສະຫາຍ ພັນໂທ ບົວຄຳ ອິນທະວົງ ເປັນຮອງເລຂາ, ສະຫາຍ ພັນໂທ ອຸດອນ ຄຳມະວົງ ເປັນປະທານກວດກາ ແລະ ອີກ 4 ສະຫາຍເປັນຄະນະພັກຮາກຖານຊຸດໃໝ່.
ໂອກາດນີ້, ສະຫາຍ ພົນຕີ ວັນທອງ ບຸດຕະວົງ ໄດ້ມີຄຳເຫັນໂອ້ລົມເນັ້ນໃຫ້ຄະນະພັກຊຸດໃໝ່ເອົາໃຈໃສ່ຍົກສູງພາລະບົດບາດ, ໜ້າທີ່ການເມືອງ, ຄວາມຮັບຜິດຊອບຂອງຕົນ, ແກ້ໄຂບັນຫາຂໍ້ຄົງຄ້າງດ້ານຕ່າງໆ, ປັບປຸງແບບແຜນວິທີເຮັດວຽກປະຕິບັດຫຼັກການລວມສູນປະຊາທິປະໄຕ ແບ່ງຄວາມຮັັບຜິດຊອບໃຫ້ບຸກຄົນ, ມີສະຕິຕື່ນຕົວປະຕິບັດກົດ ໝາຍຂອງລັດ, ລະບຽບວິໄນຂອງກອງທັບຢ່າງເຂັ້ມງວດ, ເປັນເຈົ້າການຈັດຕັ້ງຜັນຂະຫຍາຍທິດທາງແຜນການຄາດໝາຍສູ້ຊົນວຽກງານການນຳພາຂອງພັັັກ, ວຽກງານວິຊາສະເພາະຂອງກົມກອງໃຫ້ປະກົດຜົນເປັນຈິງ.
ຂ່າວ: ສຸກສາຄອນ
ຄໍາເຫັນ