ກຸ່ມບໍລິສັດ ລາວ ໂທລະຄົມ ມອບເງິນສະໜັບສະໜູນ ນັກກິລາທີມຊາດລາວ

14:44 04/02/2026

ໃນວັນທີ 4 ກຸມພາ ນີ້, ກຸ່ມບໍລິສັດ ລາວ ໂທລະຄົມ ໄດ້ຈັດພິທີ ມອບລາງວັນສະໜັບສະໜູນເພື່ອເປັນຂວັນກຳລັງໃຈໃຫ້ແກ່ນັກກິລາທີມຊາດລາວ ທີ່ສ້າງຜົນງານອັນໂດດເດັ່ນໃນການແຂ່ງຂັນກິລາຊີເກມ (SEA Games) ຄັ້ງທີ 33 ທີ່ປະເທດໄທ ໃນລະຫວ່າງວັນທີ 9-20 ທັນວາ 2025 ທີ່ຜ່ານມາ.

ກມບລສດ ລາວ ໂທລະຄມ ມອບເງນສະໜບສະໜນ ນກກລາທມຊາດລາວ - image 1

ພິທີດັ່ງກ່າວໄດ້ຈັດຂຶ້ນ ທີ່ສຳນັກງານໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ, ໂດຍການໃຫ້ກຽດເຂົ້າຮ່ວມຂອງທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ ບໍລິສັດ ລາວ ໂທລະຄົມມະນາຄົມມະຫາຊົນພ້ອມດ້ວຍຄະນະອໍານວຍການ, ຄະນະຜູ້ບໍລິຫານ ກຸ່ມບໍລິສັດ ລາວ ໂທລະຄົມ, ທ່ານ ສີຈັນ ຈິດຕະປັນຍາ ຫົວໜ້າກົມກິລາລະດັບສູງ ພ້ອມດ້ວຍບັນດາຜູ້ຕາງໜ້າຈາກຄະນະສະຫະພັນກິລາແຫ່ງຊາດ ແລະ ທີມນັກກິລາທີມຊາດລາວເຂົ້າຮ່ວມ.

ກມບລສດ ລາວ ໂທລະຄມ ມອບເງນສະໜບສະໜນ ນກກລາທມຊາດລາວ - image 2

ໃນການແຂ່ງຂັນຊີເກມ ຄັ້ງທີ 33 ນີ້, ທີມນັກກິລາທີມຊາດລາວສາມາດສ້າງຜົນງານໄດ້ຢ່າງໜ້າພາກພູມໃຈ ໂດຍການຍາດຫຼຽນລາງວັນມາໄດ້ທັງໝົດ 39 ຫຼຽນ. ເພື່ອເປັນການຍ້ອງຍໍສັນລະເສີນຄວາມມານະອົດທົນ ແລະ ຄວາມສາມາດຂອງນັກກິລາທີ່ສ້າງຊື່ສຽງໃຫ້ແກ່ປະເທດຊາດ, ກຸ່ມບໍລິສັດ ລາວ ໂທລະຄົມຈຶ່ງໄດ້ມອບລາງວັນສະໜັບສະໜູນ ປະກອບມີ: ເງິນເຂົ້າກະເປົາ M-Money, ຊິມກາດ ພ້ອມແພັກເກັດ IR (International Roaming) ລວມມູນຄ່າການສະໜັບສະໜູນທັງໝົດ 460.000.000 ກີບ.

ທ່ານ ເພັດສະຫວັນ ເຄີນວິໄລ ຮອງຝ່າຍການຕະຫຼາດ - ການຂາຍໄດ້ກ່າວໃນພິທີວ່າ: "ການມອບລາງວັນໃນຄັ້ງນີ້ ບໍ່ພຽງແຕ່ເປັນການຕອບແທນຄວາມທຸ່ມເທຂອງນັກກິລາທຸກທ່ານທີ່ໄດ້ສູ້ຊົນເພື່ອຊາດລາວ, ແຕ່ຍັງເປັນການຢືນຢັນເຖິງຄວາມມຸ່ງໝັ້ນຂອງ ລາວ ໂທລະຄົມ ໃນການເປັນສ່ວນໜຶ່ງຂອງການພັດທະນາວົງການກິລາລາວໃຫ້ກ້າວໄກ ແລະ ສ້າງແຮງບັນດານໃຈໃຫ້ແກ່ເຍົາວະຊົນຮຸ່ນຫຼັງ."

ໂອກາດດຽວກັນນີ້, ຕາງໜ້າສະຫະພັນກິລາແຫ່ງຊາດ ແລະ ນັກກິລາ ກໍໄດ້ສະແດງຄວາມຂອບໃຈຢ່າງສູງມາຍັງ ລາວ ໂທລະຄົມ ທີ່ໃຫ້ການສະໜັບສະໜູນ ແລະ ຢູ່ຄຽງຂ້າງວົງການກິລາລາວໂດຍຕະຫຼອດມາ ຊຶ່ງລາງວັນໃນຄັ້ງນີ້ຈະເປັນກໍາລັງໃຈອັນສໍາຄັນໃຫ້ນັກກິລາພ້ອມພັດທະນາຕົນເອງເພື່ອຜົນງານທີ່ດີຂຶ້ນໃນເວທີສາກົນຕໍ່ໆໄປ.

ຂ່າວ: ບໍລິສັດ ລາວ ໂທລະຄົມ

ຄໍາເຫັນ

ຂ່າວສືກສາ-ກິລາ

ກອງປະຊຸມເຜີຍແຜ່ເຊື່ອມຊຶມທິດທາງປັບປຸງຫຼັກສູດ 6+3+3

07/08/2026 13:41

ໃນວັນທີ 6 ສິງຫາ ນີ້, ກະຊວງສຶກສາທິການ ແລະ ກິລາ ໄດ້ຈັດກອງປະຊຸມເຜີຍ ແຜ່, ເຊື່ອມຊຶມທິດທາງການປັບປຸງຫຼັກສູດ 6+3+3 ແລະ ການສ້າງມະຫາວິທະຍາໄລສ້າງຄູແຫ່ງຊາດຂຶ້ນທີ່ຫ້ອງປະຊຸມໄອຊີທີ, ໃຫ້ກຽດເປັນປະທານໂດຍ ທ່ານ ທອງສະລິດ ມັງໜໍ່ເມກ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງສຶກສາທິການ ແລະ ກິລາ ແລະ ມີທ່ານປະທານກໍາມາທິການວັດທະນະທໍາ, ສັງຄົມ ແລະ ຊົນເຜົ່າສະພາແຫ່ງຊາດ; ບັນດາທ່ານຮອງປະທານຄະນະກຳມະການປົກຄອງນະຄອນຫຼວງ ແລະ ແຂວງທົ່ວປະເທດ, ຕາງໜ້າມະຫາວິທະຍາໄລແຫ່ງຊາດ, ຜູ້ອຳນວຍການມະຫາ ວິທະຍາໄລ, ບັນດາຜູ້ອຳນວຍການສະຖານການສຶກສາຄູ ແລະ ພາກສ່ວນພາກສ່ວນທີ່ກ່ຽວຂ້ອງເຂົ້າຮ່ວມ.

ຊາວໜຸ່ມອາສາສະໝັກ ສືບຕໍ່ພາລະກິດສ້າງອານາຄົດ ນໍານ້ອງຄືນສູ່ໂຮງຮຽນ

07/08/2026 13:25

ວັນທີ 4 ສິງຫາ ຜ່ານມານີ້, ຄະນະຊາວໜຸ່ມປະຊາຊົນປະຕິວັດລາວ ພະແນກສຶກສາທິການ ແລະ ກິລາ ຮ່ວມກັບຄະນະຊາວໜຸ່ມ ປະຊາຊົນປະຕິວັດລາວແຂວງຫຼວງພະບາງ ໄດ້ຕິດຕາມ ແລະຊຸກຍູ້ການເຮັດວຽກຂອງຊາວໜຸ່ມອາສາສະໝັກຕະລຸມບອນ ທີ່ລົງສິດສອນ ໄລຍະພັກພາກຮຽນ ຢູ່ໂຮງຮຽນປະຖົມສົມບູນ 4 ແຫ່ງ ຂອງເມືອງປາກອູ, ມີ ທ່ານ ມີນາ ຈັນມະນີ ຮອງຫົວໜ້າພະແນກສຶກສາທິການ ແລະ ກິລາ ແຂວງ, ທ່ານ ສົມໝາຍ ຂຸນດາວົງ ຮອງເລຂາຄະນະບໍລິຫານງານຊາວໜຸ່ມແຂວງ, ພ້ອມດ້ວຍເລຂາຄະນະຊາວໜຸ່ມຮາກຖານ ພະແນກສຶກສາທິການ ແລະ ກິລາ ແຂວງ, ເລຂາໜ່ວຍຊາວໜຸ່ມຮາກຖານ ໂຮງຮຽນມັດທະຍົມສົມບູນສັນຕິພາບ ພ້ອມດ້ວຍຄະນະ ເຂົ້າຮ່ວມ.

ສກຂ ວິລະບູລີ ສະຫຼຸບວຽກງານ 6 ເດືອນຕົ້ນປີ ພ້ອມປະກາດແຕ່ງຕັ້ງຜູ້ບໍລິຫານໂຮງຮຽນ

07/08/2026 13:20

ວັນທີ 4 ສິງຫາ 2026 ຢູ່ທີ່ສະໂມສອນເມືອງວິລະບູລີ, ຫ້ອງການສຶກສາທິການ ແລະ ກິລາ ເມືອງວິລະບູລີ ແຂວງສະຫວັນນະເຂດ ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານການສຶກສາ ປະຈຳ 6 ເດືອນຕົ້ນປີ ແລະ ກຳນົດທິດທາງແຜນການ 6 ເດືອນທ້າຍປີ 2026, ໂດຍການເປັນປະທານຮ່ວມຂອງ ທ່ານ ໄພມະນີ ວົງໄຊຄຳ ຄະນະປະຈຳພັກເມືອງຮອງປະທານຄະນະກຳມະການປົກຄອງເມືອງວິລະບູລີ ແລະ ທ່ານ ສີພະຈັນ ກອງທອງມາ ກຳມະການພັກເມືອງຫົວໜ້າຫ້ອງການສຶກສາທິການ ແລະ ກິລາເມືອງ, ມີບັນດາຄະນະຫ້ອງການ, ວິຊາການ, ຜູ້ບໍລິຫານໂຮງຮຽນ ແລະ ຄູ-ອາຈານ ຈາກໂຮງຮຽນປະຖົມ, ມັດທະຍົມຕົ້ນ ແລະ ມັດທະຍົມປາຍທົ່ວເມືອງວິລະບູລີ ເຂົ້າຮ່ວມ.

ມຊ ເນັ້ນໃສ່ 4 ປັດໄຈຫຼັກ ພັດທະນາບຸກຄະລາກອນສື່ສານມວນຊົນ ໃຫ້ເປັນມືອາຊີບ ແລະ ທັນກັບຍຸກສະໄໝ

05/08/2026 13:30

ມະຫາວິທະຍາໄລແຫ່ງຊາດ (ມຊ) ກໍຄືພາກວິຊາສື່ສານມວນຊົນ ຄະນະອັກສອນສາດ ມຊ ໄດ້ມີການຄົ້ນຄວ້າ ແລະ ຫັນປ່ຽນຫຼັກສູດການຮຽນ-ການສອນສະບັບໃໝ່ ໂດຍຫັນຈາກ "ທິດສະດີດັ້ງເດີມ" ໄປສູ່ "ການປະສົມປະສານທັກສະເຕັກໂນໂລຊີ ແລະ ການປະຕິບັດຕົວຈິງ" ຢ່າງຮອບດ້ານ ແນໃສ່ການພັດທະນາບຸກຄະລາກອນສື່ສານມວນຊົນ ໃຫ້ເປັນມືອາຊີບ ແລະ ທັນກັບຍຸກສະໄໝ ໂດຍເນັ້ນໃສ່ 4 ປັດໄຈຫຼັກ.

ກົມໃຫຍ່ພະລາທິການກອງທັບ ສ້າງຂະບວນການແຂ່ງຂັນກິລາຍິງປືນ

04/08/2026 14:28

ກົມໃຫຍ່ພະລາທິການກອງທັບ ສ້າງຂະບວນການແຂ່ງຂັນກິລາຍິງປືນ ເພື່ອຂໍ່ານັບຮັບຕ້ອນວັນສ້າງຕັ້ງກົມໃຫຍ່ພະລາທິການກອງທັບ ຄົບຮອບ 70 ປີ (5 ສິງຫາ 1956-5 ສິງຫາ 2026) ຂຶ້ນໃນວັນທີ 3 ສິງຫາ ຜ່ານມາ, ໂດຍການເປັນປະທານຂອງສະຫາຍ ພົນຕີ ຈັນດີ ສຸລິວົງສັກ ຫົວໜ້າກົມໃຫຍ່ພະລາທິການກອງທັບ ມີຄະນະນໍາກົມໃຫຍ່, ຄະນະພັກ-ຄະນະບັນຊາ, ຄະນະຮັບຜິດຊອບ ແລະ ນັກກິລາເຂົ້າຮ່ວມ.

ງານທ່າແຂກ ໄບລ໌ຄິງ ຊາເລນຈ໌ ຕັ້ງເປົ້າຍົກລະດັບການທ່ອງທ່ຽວ ແຂວງຄໍາມ່ວນ

04/08/2026 10:59

ງານ ກິດຈະກຳ “ທ່າແຂກ ໄບລ໌ຄິງ ຊາເລນຈ໌” (ThaKhaek Biking Challenge) ໄດ້ ໂດຍມີນັກປັ່ນຈາກຫຼາຍແຂວງ ແລະ ຫຼາຍປະເທດເຂົ້າຮ່ວມຢ່າງຄຶກຄື້ນ ເພື່ອພິສູດຄວາມອຶດທົນ ຄວາມແຂງແຮງ ແລະ ຮ່ວມສົ່ງເສີມການທ່ອງທ່ຽວຂອງແຂວງຄຳມ່ວນ ໄດ້ຈັດຂຶ້ນໃນວັນທີ 2 ສິງຫາ 2026 ຢູ່ຕໍ່ໜ້າຫໍມູນເຊື້ອ 21 ມີນາ (ນໍ້າພຸ) ເມືອງທ່າແຂກ ແຂວງຄໍາມ່ວນ.

ສະໂມສອນເຄເອັມທີ ຄອງຂັນຊະນະເລີດບານເຕະລາວລີກ 2 ນວ 2026

03/08/2026 14:07

ພິທີປິດການແຂ່ງຂັນບານເຕະລາວລີກ 2 ນະຄອນຫຼວງວຽງຈັນ (ນວ) ປະຈໍາປີ 2026 ຈັດຂຶ້ນໃນວັນທີ 2 ສິງຫາຜ່ານມາ ທີ່ສະໜາມບານເຕະຫຍ້າທຽມລ້ານຊ້າງ ບ້ານໜອງໄຮ ເມືອງຫາດຊາຍຟອງ ນວ, ມີທ່ານນາງ ວິໄລວອນ ຈັນທະລາຕີ ຮອງປະທານຄະນະກໍາມະການປົກຄອງ ນວ ພ້ອມດ້ວຍຜູ້ໃຫ້ການສະໜັບສະໜູນ ຄະນະປະທານສະໂມສອນ, ຄູຝຶກ ແລະ ນັກກິລາ ເຂົ້າຮ່ວມ.

ປິດການແຂ່ງຂັນກິລາກະຕໍ້ຊີງຂັນທ່ານຮອງນາຍົກລັດຖະມົນຕີ

03/08/2026 13:20

ພິທີປິດການແຂ່ງຂັນກິລາກະຕໍ້ຊີງແຊັມທົ່ວປະເທດຄັ້ງທີ I ຊີງຂັນທ່ານຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດປະຈໍາປີ 2026 ໄດ້ຈັດຂຶ້ນໃນວັນທີ 2 ສິງຫານີ້ ທີ່ສູນກິລາບູໂດເຊັນເຕີ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ພົນເອກ ຄໍາລຽງ ອຸທະໄກສອນ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ, ມີທ່ານ ສັນຕິສຸກ ສິມມາລາວົງ ລັດຖະມົນຕີກະຊວງເຕັກໂນໂລຊີ ແລະ ການສື່ສານປະທານສະຫະພັນກິລາກະຕໍ້ແຫ່ງຊາດລາວ, ມີຮອງລັດຖະມົນຕີ, ຄູຝຶກ, ນັກກິລາ ແລະ ພາກສ່ວນກ່ຽວຂ້ອງເຂົ້າຮ່ວມ.

ເລີ່ມແຂ່ງຂັນກິລາປິ່ງປ່ອງຊາວໜຸ່ມ-ເຍົາວະຊົນໂລກ ແລະ ຮຸ່ນທົ່ວໄປທີ່ ນວ

30/07/2026 15:20

ງານແຂ່ງຂັນກິລາປິ່ງປ່ອງຊາວໜຸ່ມ-ເຍົາວະຊົນໂລກ ແລະ ຮຸ່ນທົ່ວໄປລາຍການ "WTT Youth Contender" (ຄັ້ງທີ 4) ແລະ "WTT Feeder Series" (ຄັ້ງທີ 2) ປະຈຳປີ 2026 ທີ່ ສປປ ລາວເຮົາເປັນເຈົ້າພາບຈັດຂຶ້ນວັນທີ 30 ກໍລະກົດ ຫາ ວັນທີ 8 ສິງຫາ 2026 ທີ່ສູນການຄ້າລາວ-ໄອເຕັກ ມໍ ຊັ້ນ 7 ນະຄອນຫຼວງວຽງຈັນ (ນວ) ຊຶ່ງການແຂ່ງຂັນຈັດຂຶ້ນວັນທີ 30 ກໍລະກົດ ນີ້ ມີທ່ານ ສຳລານ ພັນຄະວົງ ປະທານສະຫະພັນກິລາປິ່ງປ່ອງແຫ່ງຊາດລາວ, ທ່ານ ນາງ ບົວສີ ສີສະຫວັດ ແລະ ທ່ານ ນາງ ອໍລະໄທ ສັນຕິຄົງຄາ ຮອງປະທານສະຫະພັນກິລາປິ່ງປ່ອງແຫ່ງຊາດລາວ, ທ່ານ ນາງ ຈິນດາ ພົນເຕຊາ ຄະນະບໍລິຫາງານສະຫະພັນກິລາປິ່ງປ່ອງແແຫ່ຊາງລາວ ປະທານສະຫະພັນກິລາປິ່ງປ່ອງ ນວ, ທ່ານ ນາງ ອາລິສາ ໄຊຍະກຸມມານ ຮອງປະທານສະຫະພັນກິລາປິ່ງປ່ອງ ນວ, ຜູ້ສະໜັບສະໜູນ, ຜູ້ຊົມຜູ້ເຊຍ ແລະ ນັກກິລາເຂົ້າຮ່ວມ.

ໂຮງຮຽນ ນານາຊາດ ພອນສະຫວັນ

30/07/2026 14:35

ໂຮງຮຽນ ນານາຊາດ ພອນສະຫວັນ (ນານາຊາດ ເຮີໝິງ）ຕັ້ງຢູ່ໃນ ເຂດເສດຖະກິດພິເສດບຶງທາດຫຼວງ ເມືອງໄຊເສດຖາ, ນະຄອນຫຼວງວຽງຈັນ (ຄອນໂດມີນຽມເລກທີ 02) ຢູ່ຫ່າງຈາກໃຈກາງເມືອງພຽງ ແຕ່ 4 ກິໂລແມັດ, ມີຄວາມສະດວກໃນການເດີນທາງ, ເປັນໂຮງຮຽນ ທີໄດ້ຮັບການອະນຸມັດ ຈາກກະຊວງສຶກສາທິການ ແລະ ກິລາ, ເປັນໂຮງຮຽນແຫ່ງທໍາອິດຂອງ ສປປ ລາວ ທີ່ນໍາໃຊ້ ລະບົບການສຶກສາທີ່ປະສົມປະສານ ລະຫວ່າງ ລະບົບຫຼັກສູດ K12 ຂອງຈີນ ແລະ ລະບົບຫຼັກສູດ VCE ຂອງອົສຕຣາລີ, ອັງກິດສົມທົບ ການຮຽນ-ການສອນ ທີ່ນໍາໃຊ້ປັນຍາປະດິດ (AI) ເພື່ອພັດທະນາການເຕີບໂຕທາງດ້ານຈິດຕະວິທະຍາຂອງນັກຮຽນ ຕາມຄວາມເໝາະສົມ ແລະ ຮອງຮັບແນວທາງການສຶກສາໃນອະນາຄົດ.

ເພີ່ມເຕີມ